ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ԲԱՐՁՐ ՏԵԽՆՈԼՈԳԻԱԿԱՆ ԱՐԴՅՈՒՆԱԲԵՐՈՒԹՅԱՆ ՆԱԽԱՐԱՐ

Հ Ր Ա Մ Ա Ն

Ղեկավարվելով «Նորմատիվ իրավական ակտերի մասին» օրենքի 33-րդ և 34-րդ հոդվածներով, «Զենքի շրջանառության կարգավորման մասին» օրենքի 10-րդ հոդվածի 2-րդ, 4-րդ մասերով, «Լիցենզավորման մասին» օրենքի 9-րդ, 26-րդ և 43-րդ հոդվածներով, Հայաստանի Հանրապետության կառավարության 2024 թվականի փետրվարի 29-ի թիվ 295-Ն որոշման հավելվածի 4-րդ կետով, հիմք ընդունելով «ԱՐԳԱՐ ԻՆԺԵՆԵՐԻՆԳ» սահմանափակ պատասխանատվությամբ ընկերության կողմից 2026 թվականի ապրիլի 7-ին Հայաստանի Հանրապետության բարձր տեխնոլոգիական արդյունաբերության նախարարություն ներկայացված ծառայողական զենքի արտադրության լիցենզիա ստանալու հայտը, կից փաստաթղթերը, շահագրգիռ մարմինների դիրքորոշումները, Հայաստանի Հանրապետության բարձր տեխնոլոգիական արդյունաբերության նախարարության քաղաքացիական և ծառայողական զենքի արտադրության և ռազմական նշանակության արտադրանքի արտադրության լիցենզավորման հանձնաժողովի 2026 թվականի մայիսի 25-ի N 13 եզրակացությունը․

1. Հայաստանի Հանրապետության բարձր տեխնոլոգիական արդյունաբերության նախարարի 2026 թվականի հունվարի 23-ի «ԱՐԳԱՐ ԻՆԺԵՆԵՐԻՆԳ» սահմանափակ պատասխանատվությամբ ընկերությանն անվտանգության բնագավառում քաղաքացիական զենքի արտադրության լիցենզիա տրամադրելու մասին» թիվ 143-Ա հրամանի վերնագրում և 1-ին կետում «քաղաքացիական զենքի արտադրության» բառերը փոխարինել «քաղաքացիական և ծառայողական զենքի արտադրության» բառերով:

2. 2026 թվականի հունվարի 23-ին տրամադրված զենքի արտադրության սերիա N ԶԱ 006 լիցենզիայի դարձերեսում կատարել գրառում՝ որպես արտադրվող զենքի տեսակ ներառելով նաև ծառայողական զենքը: