ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ԱԽՈՒՐՅԱՆ ՀԱՄԱՅՆՔԻ ԱՎԱԳԱՆՈՒ

Ո Ր Ո Շ ՈՒ Մ

20 դեկտեմբերի 2024 թվական թիվ 304-Ն

Ղեկավարվելով «Տեղական ինքնակառավարման մասին» Հայաստանի Հանրապետության օրենքի 18-րդ հոդվածի 1-ին մասի 5-րդ կետի և «Հայաստանի Հանրապետության բյուջետային համակարգի մասին» Հայաստանի Հանրապետության օրենքի 27-րդ հոդվածի, 32-րդ հոդվածի 5-րդ մասի, 33-րդ հոդվածի 3-րդ մասի դրույթներով՝ Հայաստանի Հանրապետության Շիրակի մարզի Ախուրյան համայնքի ավագանին որոշում է․

1. Հաստատել Հայաստանի Հանրապետության Շիրակի մարզի Ախուրյան համայնքի 2025 թվականի բյուջեն` համաձայն թիվ 1-6 հավելվածների.

1) եկամուտների գծով՝ 4 522 799,4 (չորս միլիարդ հինգ հարյուր քսաներկու միլիոն յոթ հարյուր իննսունսունինը հազար չորս հարյուր) դրամ,

2) ծախսերի գծով՝ 4 931 724,4 (չորս միլիարդ ինը հարյուր երեսունմեկ միլիոն յոթ հարյուր քսանչորս հազար չորս հարյուր) դրամ:

(1-ին կետը փոփ. 12.02.25 թիվ 5-Ն, 15.04.25 թիվ 94-Ն, 19.09.25 թիվ 179-Ն, 21.11.25 թիվ 243-Ն, 09.12.25 թիվ 275-Ն, 19.12.25 թիվ 282-Ն)

2.Թույլատրել Հայաստանի Հանրապետության Շիրակի մարզի Ախուրյան համայնքի ղեկավարին.

1) կատարելու բյուջեով իրականացվող յուրաքանչյուր ծրագրի գծով սահմանված գումարի 15 % չափաքանակը չգերազանցող ներքին վերաբաշխումներ՝ ըստ տնտեսագիտական դասակարգման ծախսերի նախատեսված հոդվածների միջև,

2) սահմանել, որ բյուջեով նախատեսված ծախսային ծրագրերի միջև վերաբաշխումների գումարը բյուջետային տարվա ընթացքում չի կարող գերազանցել այդ ծրագրերի համար հաստատված ընդհանուր գումարի 15 %-ը:

3. Սույն որոշումը ուժի մեջ է մտնում 2025 թվականի հունվարի 1-ից:

(հավելվածները խմբ. 12.02.25 թիվ 5-Ն, 14.03.25 թիվ 42-Ն, 15.04.25 թիվ 94-Ն, 20.06.25 թիվ 140-Ն, 19.09.25 թիվ 179-Ն, 14.10.25 թիվ 238-Ն, 21.11.25 թիվ 243-Ն, 09.12.25 թիվ 275-Ն, 19.12.25 թիվ 282-Ն)