«Վավերացնում եմ»
Հայաստանի Հանրապետության
նախագահ Լ. Տեր-Պետրոսյան
«4» օգոստոսի 1995 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

4 օգոստոսի 1995 թ. N 2

Քաղ. Երևան

Հայաստանի Հանրապետության 1996 թվականի սոցիալ-տնտեսական, զարգացման ծրագրի և Հայաստանի Հանրապետության 1996 թվականի պետական բյուջեի մշակման աշխատանքների կազմակերպման նպատակով Հայաստանի Հանրապետության կառավարությունը որոշում է.

1. Հայաստանի Հանրապետության նախարարություններին, պետական կառավարման հանրապետական և տարածքային մարմիններին`

ա) մինչև 1995 թվականի սեպտեմբերի 1-ը Հայաստանի Հանրապետության էկոնոմիկայի նախարարություն ներկայացնել համապատասխան ճյուղի (ոլորտի) 1996 թվականի սոցիալ-տնտեսական զարգացման ծրագրի նախագիծը՝ համաձայն Հայաստանի Հանրապետության էկոնոմիկայի նախարարության կողմից ներկայացված համապատասխան մեթոդական ցուցումների և աղյուսակային ձևերի.

բ) մինչև 1995 թվականի սեպտեմբերի 1-ր Հայաստանի Հանրապետության ֆինանսների նախարարություն ներկայացնել 1996 թվականի եկամուտների և ծախսերի հաշվեկշիռների, եկամուտների պլանների և ծախսերի նախահաշիվների նախագծերը։

2. Հայաստանի Հանրապետության էկոնոմիկայի նախարարությանը` մշակել և մինչև 1995 թվականի հոկտեմբերի 6-ը Հայաստանի Հանրապետության կառավարություն ներկայացնել Հայաստանի Հանրապետության 1996 թվականի սոցիալ-տնտեսական զարգացման ծրագրի նախագիծը։

3. Հայաստանի Հանրապետության ֆինանսների նախարարությանը` Հայաստանի Հանրապետության 1996 թվականի սոցիալ-տնտեսական զարգացման ծրագրի և պետական պատվերի նախագծերի հիման վրա մշակել և մինչև 1995 թվականի հոկտեմբերի 13-ը Հայաստանի Հանրապետության կառավարություն ներկայացնել 1996 թվականի պետական բյուջեի նախագիծը։

4. Սույն որոշումն ուժի մեջ է մտնում 1995 թվականի օգոստոսի 5-ից։