«Վավերացնում եմ»

Հայաստանի Հանրապետության

նախագահ Լ. ՏԵՐ-ՊԵՏՐՈՍՅԱՆ

«30» ապրիլի 1996 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

30 ապրիլի 1996 թ. N 142

Քաղ. Երևան

«Նաիրիտ» գիտաարտադրական փակ բաժնետիրական ընկերության ֆինանսատնտեսական վիճակի բարելավման նպատակով Հայաստանի Հանրապետության կառավարությունը որոշում է.

1. «Նաիրիտ» գիտաարտադրական փակ բաժնետիրական ընկերության` 1996 թվականի ապրիլի 1-ի դրությամբ հաշվարկված և չվճարված 152502,1 հազ. դրամի չափով պետական սոցիալական ապահովագրության մուծումների ժամկետը հետաձգել մինչև 1996 թվականի հոկտեմբերի 1-ը:

2. «Նաիրիտ» գիտաարտադրական փակ բաժնետիրական ընկերության կողմից պետական սոցիալական ապահովագրության մուծումները սահմանված ժամկետներում չկատարելու համար 1996 թվականի ապրիլի 1-ի դրությամբ հաշվարկված 573521,6 հազ. դրամի չափով տույժերի վճարման ժամկետը հետաձգել մինչև 1997 թվականի հոկտեմբերի 1-ը:

3. Թույլատրել «Նաիրիտ» գիտաարտադրական փակ բաժնետիրական ընկերության 1995 թվականի տարեկան և 1996 թվականի առաջին կիսամյակի գործունեության արդյունքներով առաջացած հաշվեկշռային վնասների մարումը կատարել դրանց ստացման ժամանակաշրջանին հաջորդող տարիների ընթացքում ստացված հաշվեկշռային շահույթի հաշվին:

4. Սույն որոշումն ուժի մեջ է մտնում 1996 թվականի ապրիլի 30-ից։