«Վավերացնում եմ»
Հայաստանի Հանրապետության
նախագահ Լ. Տեր-Պետրոսյան
«2» փետրվարի 1996 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

2 փետրվարի 1996 թ. N 30
Քաղ. Երևան

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ 1996 ԹՎԱԿԱՆԻ ԿԱՊԻՏԱԼ ՆԵՐԴՐՈՒՄՆԵՐԻ ՊԵՏԱԿԱՆ ՊԱՏՎԵՐԸ ՀԱՍՏԱՏԵԼՈՒ ՄԱՍԻՆ

Հայաստանի Հանրապետության կառավարությունը որոշում է.

1. Հաստատել Հայաստանի Հանրապետության 1996 թվականի կապիտալ ներդրումների պետական պատվերը, համաձայն N N 1, 2 և 3 հավելվածների:

2. Հայաստանի Հանրապետության նախարարություններին, վարչություններին, գերատեսչություններին, տարածքային կառավարման և տեղական ինքնակառավարման մարմիններին, արտասահմանյան վարկային ծրագրերի իրականացման գրասենյակներին` 10-օրյա ժամկետում Հայաստանի Հանրապետության էկոնոմիկայի նախարարության համաձայնեցմանը ներկայացնել սույն որոշմամբ հաստատված Հայաստանի Հանրապետության 1996 թվականի կապիտալ ներդրումների պետական պատվերում ընդգրկված օբյեկտների տիտղոսացուցակները, արտասահմանյան վարկային տարեկան ծրագրերում ընդգրկված օբյեկտների ցանկը, ինչպես նաև պետական բյուջեի միջոցների հաշվին իրականացվող հիմնանորոգման ծրագրերը:

3. Հայաստանի Հանրապետության ֆինանսների նախարարությանը` պետական բյուջեի միջոցների հաշվին կատարված շինարարական և հիմնանորոգման աշխատանքների ֆինանսավորումն իրականացնել միայն Հայաստանի Հանրապետության էկոնոմիկայի նախարարության հետ համաձայնեցված` սույն որոշման 2-րդ կետում նշված տիտղոսացուցակներին համապատասխան, Հայաստանի Հանրապետության քաղաքաշինության նախարարության կողմից փորձաքննություն անցած կատարողական ակտերի հիման վրա, համաձայն Հայաստանի Հանրապետության կառավարության 1995 թվականի փետրվարի 23-ի «Պետական բյուջեից կապիտալ շինարարության ֆինանսավորման, ծրագրի կազմման և օբյեկտների շինարարության (նախագծման) պատվիրատուների ընտրության կարգի մասին» N 100 որոշման:

4. Հայաստանի Հանրապետության էկոնոմիկայի նախարարությանը`

ա) Հայաստանի Հանրապետության 1995 թվականի Ռուսաստանի Դաշնության վարկի հաշվին կառուցվող օբյեկտների տիտղոսացուցակների համաձայնեցման ժամանակ, անհրաժեշտության դեպքում, պատվիրատուների առաջարկությամբ Հայաստանի Հանրապետության կառավարություն ներկայացնել առաջարկություն Հայաստանի Հանրապետության կառավարության 1995 թվականի մայիսի 7-ի «Հայաստանի Հանրապետության 1995 թվականի Ռուսաստանի Դաշնության վարկի հաշվին իրականացվող կապիտալ շինարարության ծրագրի հաստատման մասին» N 250 որոշման N N 1 և 2 հավելվածներում համապատասխան փոփոխություններ և լրացումներ կատարելու մասին` սույն որոշմամբ նախատեսված կապիտալ ներդրումների սահմանաքանակների շրջանակներում.

բ) անհրաժեշտության դեպքում 1996 թվականի առաջին կիսամյակի արդյունքներով Հայաստանի Հանրապետության կառավարություն ներկայացնել առաջարկություններ սույն որոշմամբ նախատեսված կապիտալ ներդրումների ծավալների փոփոխությունների վերաբերյալ:

5. Սույն որոշումն ուժի մեջ է մտնում 1996 թվականի փետրվարի 2-ից: 

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ 1996 ԹՎԱԿԱՆԻ ԿԱՊԻՏԱԼ ՆԵՐԴՐՈՒՄՆԵՐԻ ՊԵՏԱԿԱՆ ՊԱՏՎԵՐԸ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ 1996 ԹՎԱԿԱՆԻ ՊԵՏԱԿԱՆ ԲՅՈՒՋԵԻ ՄԻՋՈՑՆԵՐԻ ՀԱՇՎԻՆ ԻՐԱԿԱՆԱՑՎՈՂ ԿԱՊԻՏԱԼ ՇԻՆԱՐԱՐՈՒԹՅԱՆ ՊԵՏԱԿԱՆ ՊԱՏՎԵՐԸ

_______________

* Ենթակա է վերադարձման Գերմանիայի կառավարության կողմից վարկն ստանալուց հետո:

** Ենթակա է ավելացման փաստացի կատարողականների հիման վրա:

*** Ենթակա է ավելացման նախագծանախահաշվային փաստաթղթերի սահմանված կարգով հաստատումից հետո:

1996 ԹՎԱԿԱՆԻՆ ԱՐՏԱՍԱՀՄԱՆՅԱՆ ՎԱՐԿԵՐԻ ՀԱՇՎԻՆ ԻՐԱԿԱՆԱՑՎՈՂ ԾՐԱԳՐԵՐԻ ԿԱՊԻՏԱԼ ՆԵՐԴՐՈՒՄՆԵՐԻ ԾԱՎԱԼՆԵՐԸ

_______________

*) Հիմք են ընդունվել ՀՀ կառավարության 10.05.1995 թ. N 253 և 28.10.1995 թ. N 63 որոշումներով հաստատված օբյեկտների ցանկերը:

**) Հիմք է ընդունվել ՀՀ կառավարության 07.05.1995 թ. N 250 որոշմամբ հաստատված օբյեկտների ցանկը, որը կարող է ճշտվել վարկն ստանալուց հետո պատվիրատուների կողմից տիտղոսացուցակների համաձայնեցման ժամանակ: