ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ 

30 օգոստոսի 1994 թվականի N 403

քաղ. Երևան

ՌՈՒՍԱՍՏԱՆԻ ԴԱՇՆՈՒԹՅՈՒՆՈՒՄ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԴԵՍՊԱՆՈՒԹՅԱՆ ՄԱՍԻՆ

Ի կատարումն Հայաստանի Հանրապետության կառավարության 1994 թվականի օգոստոսի 3-ի «Հայաստանի Հանրապետության նախագահի 1994 թվականի հունիսի 1-ի «Ռուսաստանի Դաշնությունում Հայաստանի Հանրապետության կառավարության մշտական ներկայացուցչության մասին» հրամանագրի կատարման միջոցառումների մասին» N 361 որոշման, Հայաստանի Հանրապետության կառավարությունը որոշում է`

1. Ռուսաստանի Դաշնությունում Հայաստանի Հանրապետության դեսպանության աշխատողների թվաքանակը սահմանել 1994 թվականի համար` 100, 1995 թվականի համար` 110 հաստիքային միավոր:

2. Ռուսաստանի Դաշնությունում Հայաստանի Հանրապետության դեսպանի պաշտոնային դրույքի չափը սահմանել 700 ԱՄՆ-ի դոլարի համարժեք:

3. Սահմանել Ռուսաստանի Դաշնությունում Հայաստանի Հանրապետության դեսպանության ղեկավար աշխատողների և մասնագետների պաշտոնային դրույքաչափերը` դեսպանի համար սահմանված պաշտոնային դրույքաչափի նկատմամբ տոկոսային հարաբերությամբ, համաձայն N 1 հավելվածի, իսկ դեսպանության մյուս աշխատողների պաշտոնային դրույքաչափերը, համաձայն N 2 հավելվածի:

4. Սահմանել Ռուսաստանի Դաշնությունում Հայաստանի Հանրապետության դեսպանության ծառայողական մարդատար ավտոմեքենաների 13 միավոր սահմանաքանակ, որից 3-ը Ռուսաստանի Դաշնությունում Հայաստանի Հանրապետության առևտրական ներկայացուցչությանը տրամադրելու համար:

5. Հայաստանի Հանրապետության արտաքին գործերի նախարարությանը` որոշել Ռուսաստանի Դաշնությունում Հայաստանի Հանրապետության դեսպանության աշխատողների բնակարանների վարձակալման կարգը:

6. Հայաստանի Հանրապետության ֆինանսների նախարարությանը` Ռուսաստանի Դաշնությունում Հայաստանի Հանրապետության դեսպանության 1994 թվականի պահպանման համար Հայաստանի Հանրապետության արտաքին գործերի նախարարությանը հատկացնել միջոցներ` 265,0 հազ. ԱՄՆ-ի դոլարի համարժեքով, 1994 թվականի հանրապետական բյուջեով նախատեսված Հայաստանի Հանրապետության կառավարության պահուստային ֆոնդի հաշվին:

ՌՈՒՍԱՍՏԱՆԻ ԴԱՇՆՈՒԹՅՈՒՆՈՒՄ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԴԵՍՊԱՆՈՒԹՅԱՆ ՂԵԿԱՎԱՐ ԱՇԽԱՏՈՂՆԵՐԻ ԵՎ ՄԱՍՆԱԳԵՏՆԵՐԻ ՊԱՇՏՈՆԱՅԻՆ ԴՐՈՒՅՔԱՉԱՓԵՐԻ` ԴԵՍՊԱՆԻ ՀԱՄԱՐ ՍԱՀՄԱՆՎԱԾ ՊԱՇՏՈՆԱՅԻՆ ԴՐՈՒՅՔԱՉԱՓԵՐԻ ՆԿԱՏՄԱՄԲ ՏՈԿՈՍԱՅԻՆ ՀԱՐԱԲԵՐՈՒԹՅՈՒՆԸ

ՊԱՇՏՈՆԱՅԻՆ ԴՐՈՒՅՔԱՉԱՓԵՐ

ՌՈՒՍԱՍՏԱՆԻ ԴԱՇՆՈՒԹՅՈՒՆՈՒՄ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԴԵՍՊԱՆՈՒԹՅԱՆ ՄՅՈՒՍ ԱՇԽԱՏՈՂՆԵՐԻ