ԱՐՄԱՎԻՐ ՀԱՄԱՅՆՔԻ ԱՎԱԳԱՆԻ

Ո Ր Ո Շ ՈՒ Մ

15 ապրիլի 2026 թվականի N 057-Ն

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՐՄԱՎԻՐԻ ՄԱՐԶԻ ԱՐՄԱՎԻՐ ՀԱՄԱՅՆՔԻ ԱՎԱԳԱՆՈՒ 2025 ԹՎԱԿԱՆԻ ԴԵԿՏԵՄԲԵՐԻ 26-Ի ԹԻՎ 160-Ն ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ

Ղեկավարվելով «Տեղական ինքնակառավարման մասին» Հայաստանի Հանրապետության օրենքի 18-րդ հոդվածի 1-ին մասի 5-րդ կետով, «Նորմատիվ իրավական ակտերի մասին» Հայաստանի Հանրապետության օրենքի 33-րդ և 34-րդ հոդվածներով, «Հայաստանի Հանրապետության բյուջետային համակարգի մասին» օրենքի 13-րդ հոդվածի 5-րդ մասով, 29րդ հոդվածով, 33-րդ հոդվածի 4-րդ մասով`

ԱՐՄԱՎԻՐ ՀԱՄԱՅՆՔԻ ԱՎԱԳԱՆԻՆ ՈՐՈՇՈՒՄ Է

1. Հայաստանի Հանրապետության Արմավիրի մարզի Արմավիր համայնքի ավագանու 2025 թվականի դեկտեմբերի 26-ի «Հայաստանի Հանրապետության Արմավիրի մարզի Արմավիր համայնքի 2026 թվականի բյուջեն հաստատելու մասին» թիվ 160-Ն որոշման մեջ կատարել հետևյալ փոփոխությունները.

1) Բյուջեի ծախսային մասում.

ա. 01 բաժին 6 խումբ 1 դաս` «Ընդհանուր բնույթի հանրային ծառայություններ (այլ դասերին չպատկանող) », ծրագրի ծախսերի «Այլ կապիտալ դրամաշնորհներ» 4657 հոդվածը պակասեցնել 9000.0 հազար դրամով և ավելացնել «Նվիրատվություններ այլ շահույթ չհետապնդող կազմակերպություններին» 4819 հոդվածին,

բ. 04 բաժին 9 խումբ 1 դաս` «Տնտեսական հարաբերություններ (այլ դասերին չպատկանող)» ծրագրի «Հողի օտարումից մուտքեր» 8411 հոդվածն ավելացնել - 550,0 հազար դրամով,

գ. 05 բաժին 1 խումբ 1 դաս` «Աղբահանում», ծրագրի ծախսերի «Վարչական սարքավորումներ» 5122 հոդվածն ավելացնել 250.0 հազար դրամով, «Ոչ նյութական հիմնական միջոցներ» 5132 հոդվածն ավելացնել 300.0 հազար դրամով,

դ. 06 բաժին 6 խումբ 1 դաս` «Բնակարանային շինարարության և կոմունալ ծառայություններ (այլ դասերին չպատկանող)», ծրագրի ծախսերի «Կոմունալ ծառայություններ» 4213 հոդվածն ավելացնել 162.0 հազար դրամով,

ե. 11 բաժին 1 խումբ 2 դաս` «ՀՀ համայնքների պահուստային ֆոնդ», ծրագրի «Պահուստային միջոցներ», 4891 հոդվածը պակասեցնել 162.0 հազար դրամով:

2. Փոփոխությունները կատարել համաձայն 1,2,3 հավելվածների:

3. Սույն որոշումն ուժի մեջ է մտնում պաշտոնական հրապարակմանն հաջորդող օրվանից:

Պաշտոնական հրապարակման օրը՝ 20 ապրիլի 2026 թվական: