ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

Հ Ր Ա Մ Ա Ն

ԱՐՅԱՆ ԵՎ ԴՐԱ ԲԱՂԱԴՐԱՄԱՍԵՐԻ ՏԵՂԱՓՈԽՄԱՆ, ԱՐՅԱՆ ԲԱՂԱԴՐԱՄԱՍԵՐԻ ՊԱՏՐԱՍՏՄԱՆ, ԱՐՅԱՆ ԴՈՆՈՐԻ ԱՐՅՈՒՆԻՑ ՖԻԶԻԿԱԿԱՆ ՄԵԹՈԴՆԵՐՈՎ ԲԱՂԱԴՐԱՄԱՍԵՐԻ ԱՆՋԱՏՄԱՆ ԿԱՐԳԸ ՀԱՍՏԱՏԵԼՈՒ ՄԱՍԻՆ

Հիմք ընդունելով «Մարդու արյան և դրա բաղադրամասերի դոնորության և փոխներարկումային բժշկական օգնության մասին» Հայաստանի Հանրապետության օրենքի 7-րդ հոդվածի 1-ին մասի 15-րդ կետը և 20-րդ հոդվածը՝

Հրամայում եմ`

Հաստատել արյան և դրա բաղադրամասերի տեղափոխման, արյան բաղադրամասերի պատրաստման, արյան դոնորի արյունից ֆիզիկական մեթոդներով բաղադրամասերի անջատման կարգը` համաձայն հավելվածի:

Կ Ա Ր Գ

ԱՐՅԱՆ ԿԱՄ ԴՐԱ ԲԱՂԱԴՐԱՄԱՍԵՐԻ ՏԵՂԱՓՈԽՄԱՆ, ԱՐՅԱՆ ԲԱՂԱԴՐԱՄԱՍԵՐԻ ՊԱՏՐԱՍՏՄԱՆ, ԱՐՅԱՆ ԴՈՆՈՐԻ ԱՐՅՈՒՆԻՑ ՖԻԶԻԿԱԿԱՆ ՄԵԹՈԴՆԵՐՈՎ ԲԱՂԱԴՐԱՄԱՍԵՐԻ ԱՆՋԱՏՄԱՆ

I. ԸՆԴՀԱՆՈՒՐ ԴՐՈՒՅԹՆԵՐ

1. Սույն կարգով կարգավորվում են արյան կամ դրա բաղադրամասերի տեղափոխումը, արյան բաղադրամասերի պատրաստումը և արյան դոնորի արյունից ֆիզիկական մեթոդներով բաղադրամասերի անջատման հետ կապված հարաբերությունները:

(1-ին կետը փոփ. 12.03.26 N 21-Ն)

II. ԱՐՅԱՆ, ԴՐԱ ԲԱՂԱԴՐԱՄԱՍԵՐԻ ՏԵՂԱՓՈԽՈՒՄԸ

2. Արյան բաղադրամասերի տեղափոխումը կատարվում է արյան բաղադրամասեր պահանջող փոխներարկումային բժշկական օգնություն և սպասարկում իրականացնող բժշկական կազմակերպության կողմից կամ համապատասխան պայմանագրի կնքման դեպքում՝ արյան դոնորություն իրականացնող կազմակերպությունների կողմից:

3. Արյան, դրա բաղադրամասերի տեղափոխումն իրականացվում է հատուկ ջերմամեկուսիչ փակ արկղերով (կոնտեյներներով): Արկղերի փականները պետք է բացառեն արյան արտահոսքն արկղից դուրս ցանկացած դեպքում: Արկղերի մակերեսները պետք է ունենան ոչ ջրաթափանց և ախտահանման ենթակա ծածկ, լինեն չոր և մաքուր: Հետազոտված և չհետազոտված արյան և արյան բաղադրամասերի տեղափոխման ժամանակ դրանք պետք է դիտվեն որպես վարակ պարունակող նյութ:

4. Արյան և արյան բաղադրամասերի տեղափոխումն իրականացվում է համաձայն Հայաստանի Հանրապետության առողջապահության նախարարի 2012 թվականի հունվարի 25-ի թիվ 03-Ն հրամանով հաստատված «Արյան կամ դրա բաղադրամասերի որակական հատկանիշների ապահովման նպատակով հատուկ ջերմային և անվտանգության պայմաններում պահպանման» կարգի՝ ապահովելով պահպանման ջերմային ռեժիմն ամբողջ ժամանակահատվածում.

1) ամբողջական արյուն և էրիթրոցիտային զանգված ՝ +20C+60C ջերմաստիճանում,

2) թրոմբոցիտային զանգվածը՝ +200C+240C ջերմաստիճանում,

3) թարմ սառեցված պլազմա՝ -180C-300C ջերմաստիճանում:

4.1. Ամբողջական արյան և էրիթրոցիտային զանգվածի տեղափոխումը թույլատրվում է +2C⁰ 10C⁰ ջերմաստիճանում, եթե այն իրականացվում է 24 ժամվա ընթացքում:

(4.1-ին կետը լրաց. 12.03.26 N 21-Ն)

III. ԱՐՅԱՆ ԲԱՂԱԴՐԱՄԱՍԵՐԻ ՊԱՏՐԱՍՏՈՒՄԸ ԵՎ ԱՆՋԱՏՈՒՄԸ

(վերնագիրը լրաց. 12.03.26 N 21-Ն)

5. Արյան հավաքումը և արյան բաղադրամասերի պատրաստումն իրականացվում է բժշկական օգնության և սպասարկման փոխներարկումային (տրանսֆուզիոլոգիական, պերֆուզոլոգիական) գործունեության տեսակի լիցենզիա ունեցող բժշկական կազմակերպությունների կողմից:

6. Արյունը հավաքվում է 18 տարին լրացած, արյունատվության հակացուցում չունեցող անձանցից` ղեկավարվելով «Մարդու արյան և դրա բաղադրամասերի դոնորության և փոխներարկումային բժշկական օգնության մասին» Հայաստանի Հանրապետության օրենքի 14-րդ հոդվածի 4-րդ և 5-րդ մասերով:

7. Արյան բաղադրամասերը՝ էրիթրոցիտային զանգվածը, պլազման և տրոմբոցիտային զանգվածը, անջատվում են ամբողջական արյունից ֆիզիկական եղանակով` համաձայն տվյալ սարքի օգտագործման տեխնիկական բնութագրի՝

1) ամբողջական արյան ցենտրիֆուգման եղանակով,

2) արյան բաղադրամասերի անջատում ավտոմատ սարքի միջոցով:

(7-րդ կետը փոփ. 12.03.26 N 21-Ն)

8. Պլազման հավաքվում է նաև պլազմաֆերեզի եղանակով, որի ժամանակ ամբողջական արյունից անջատվում է պլազմա, իսկ արյան ձևավոր տարրերը վերադարձվում են դոնորին: Դոնորական պլազմաֆերեզը կատարվում է ցենտրիֆուգման և ֆիլտրացիոն եղանակներով:

9. Տրոմբոցիտային զանգվածը ստացվում է՝

1) թարմ ամբողջական արյունից ստացված տրոմբոցիտներով հարուստ պլազմայից,

2) անընդմեջ տրոմբոֆերեզի եղանակով:

10. (կետն ուժը կորցրել է 12.03.26 N 21-Ն)

11. Պատրաստվող արյան բաղադրամասերի անվտանգության հետազոտությունների իրականացման համար վերցվում է արյան փորձանմուշ՝ համաձայն Հայաստանի Հանրապետության առողջապահության նախարարի 2013 թվականի փետրվարի 8-ի թիվ 07-Ն հրամանով հաստատված «Արյան հավաքման դեպքում բժշկական կազմակերպության կողմից անհրաժեշտ քանակությամբ արյան վերցման, պիտակավորման և հետազոտության ուղարկելու» կարգի:

(11-րդ կետը փոփ. 12.03.26 N 21-Ն)

12. Արյան բաղադրամասերի պատրաստման նպատակով հավաքվող արյան հոսքը պետք է լինի չընդհատվող` արյունատվության ամբողջ ընթացքում, և պետք է ապահովվի արյան և պարկի կոնսերվանտի անընդմեջ խառնումը: Հավաքվող արյան ծավալը պետք է համապատասխանի տվյալ պարկի պիտակի վրա նշված ծավալին:

13. Ընդհատվող եղանակով պլազմաֆերեզի իրականացման ժամանակ արյան ձևավոր տարրերի վերադարձումից առաջ նույնականացվում են պարկի պիտակի, դոնորական քարտի գրառումները, որոնք դոնորի կողմից հաստատվում են բանավոր հարցադրման ժամանակ (անունը, ազգանունը, հայրանունը, խմբային և ռեզուս պատկանելությունը):

IV. ԱՐՅԱՆ ԴՈՆՈՐԻ ԱՐՅՈՒՆԻՑ ՖԻԶԻԿԱԿԱՆ ՄԵԹՈԴՆԵՐՈՎ ԲԱՂԱԴՐԱՄԱՍԵՐԻ ԱՆՋԱՏՄԱՆ ՊԱՅՄԱՆՆԵՐ

(գլուխն ուժը կորցրել է 12.03.26 N 21-Ն)