ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

12 փետրվարի 2026 թվականի N 144-Ա

ԱՆՇԱՐԺ ԳՈՒՅՔ ԱՄՐԱՑՆԵԼՈՒ ՄԱՍԻՆ

Հիմք ընդունելով «Կառավարչական իրավահարաբերությունների կարգավորման մասին» օրենքի 9-րդ հոդվածի 5-րդ մասը` Հայաստանի Հանրապետության կառավարությունը որոշում է.

1․ Հայաստանի Հանրապետության սեփականությունը հանդիսացող՝ Հայաստանի Հանրապետության Կոտայքի մարզ, համայնք Նաիրի, Եղվարդ ք., Ե. Չարենցի փողոց, 6-րդ նրբանցք 3/2 հասցեում գտնվող՝ 32,688,473․0 դրամ շուկայական արժեքին մոտարկված կադաստրային արժեքով՝ 625,23 քառ․ մետր մակերեսով հանրակացարանը և դրա զբաղեցրած, օգտագործման ու սպասարկման համար անհրաժեշտ 0,15688 հա հողամասը (անշարժ գույքի նկատմամբ իրավունքների պետական գրանցման վկայական N 26082025-07-0043, այսուհետ՝ անշարժ գույք, առկա է 53,52 քառ․ մետր մակերեսով ինքնակամ շինություն) ամրացնել Հայաստանի Հանրապետության տարածքային կառավարման և ենթակառուցվածքների նախարարության պետական գույքի կառավարման կոմիտեին։

2․ Հայաստանի Հանրապետության տարածքային կառավարման և ենթակառուցվածքների նախարարության պետական գույքի կառավարման կոմիտեի նախագահին՝ սույն որոշումն ուժի մեջ մտնելուց հետո երկամսյա ժամկետում իրականացնել սույն որոշման 1-ին կետում նշված անշարժ գույքի միակողմանի ընդունման և հաշվառման աշխատանքները՝ հաշվի առնելով անշարժ գույքի փաստացի վիճակը։