ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

6 հուլիսի 1995 թ. N 560

Քաղ. Երևան

Հայաստանի Հանրապետության կառավարությունը որոշում է.

1. Սեփականաշնորհել «Դալարի գինու գործարան» պետական ձեռնարկությունը` «Դալարի գինու գործարան» բաց բաժնետիրական ընկերություն ստեղծելու միջոցով:

2. «Դալարի գինու գործարան» պետական ձեռնարկությունը սեփականաշնորհվում է որպես գույքային համալիր:

3. «Դալարի գինու գործարան» պետական ձեռնարկության կուտակման ֆոնդերը համարվում են պետական սեփականություն և սեփականաշնորհման ժամանակ չեն կարող օգտագործվել որպես վճարման միջոց:

4. Սահմանել ընկերության նախնական կանոնադրական հիմնադրամը` 79450 հազ. դրամ, որից բաժանորդագրության ենթակա մասը` 63560 հազ. դրամ:

5. Վճարման ենթակա պասսիվները կազմում են 90755 հազ. դրամ:

6. Ընկերության նախնական կանոնադրական հիմնադրամի բաժանորդագրության ենթակա մասը համապատասխանում է 6356 բաժնետոմսի` յուրաքանչյուրը 10000 դրամ անվանական արժեքով:

7. Սահմանել, որ «Դալարի գինու գործարան» պետական ձեռնարկության հաշվեկշռում գտնվող 6 տարեկան և ավելի տարիք ունեցող կոնյակի սպիրտի 20 տոկոսը` 8406 հազ. դրամ արժեքով (բդալ), բաժնետիրական ընկերության սեփականությունն է, իսկ 80 տոկոսը համարվում է պետական սեփականություն և ի պահ է տրվում բաժնետիրական ընկերությանը:

Նշված կոնյակի սպիրտը բաժնետիրական ընկերությունը հետագայում կարող է ձեռք բերել Հայաստանի Հանրապետության պարենի և մթերումների նախարարության ու էկոնոմիկայի նախարարության կողմից համատեղ սահմանվող ընթացիկ գներով:

8. Առաջարկել Հայաստանի Հանրապետության սեփականաշնորհման և ապապետականացման պետական հանձնաժողովին`

ա) հաստատել «Դալարի գինու գործարան» բաց բաժնետիրական ընկերության կանոնադրությունը և ընկերությունը սահմանված կարգով գրանցել Հայաստանի Հանրապետության ձեռնարկությունների պետական ռեգիստրում.

բ) Հայաստանի Հանրապետության օրենսդրությամբ սահմանված կարգով գրանցել ընկերության արժեթղթերի թողարկման ազդագիրը և այն հրապարակել մամուլում:

9. Սահմանել, որ «Դալարի գինու գործարան» բաց բաժնետիրական ընկերության աշխատավորական կոլեկտիվի անդամներին վերապահված բաժնետոմսերի ազատ բաժանորդագրությունն սկսվում է ոչ շուտ, քան բաժնետոմսերի թողարկման ազդագրի հրապարակումից 10 օր հետո և ավարտվում մեկ ամսվա ընթացքում:

10. Սահմանել, որ «Դալարի գինու գործարան» բաց բաժնետիրական ընկերության բաժնետոմսերի ազատ բաժանորդագրությունն սկսվում է ոչ շուտ, քան բաժնետոմսերի թողարկման ազդագրի հրապարակումից 10 օր հետո և ավարտվում 35 օրվա ընթացքում:

11. Հայաստանի Հանրապետության կառավարությանն առընթեր պետական ունեցվածքի հաշվառման և ապապետականացման վարչությանը` սահմանված կարգով Հայխնայբանկում բացել «Դալարի գինու գործարան» բաց բաժնետիրական ընկերության ժամանակավոր հաշիվը և ազդագրի հրապարակումից հետո 10-օրյա ժամկետում սկսել բաժանորդագրությունը: