ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

30 մայիսի 1995 թ. N 292
Քաղ. Երևան

Հայաստանի Հանրապետության կառավարությունը որոշում է.

1. Սեփականաշնորհել «Երևանի պահածոների գործարան» պետական ձեռնարկությունը՝ «Երևանի պահածոների գործարան» բաց բաժնետիրական ընկերություն ստեղծելու միջոցով։

2. «Երևանի պահածոների գործարան» պետական ձեռնարկության կազմից առանձնացնել Արևշատի, Ավշարի, Վարդենիսի մասնաճյուղերը և դրանք Հայաստանի Հանրապետության օրենսդրությամբ սահմանված կարգով սեփականաշնորհել իրենց աշխատավորական կոլեկտիվներին։

3. «Երևանի պահածոների գործարան» պետական ձեռնարկության կազմից առանձնացնել Հրազդանի մասնաճյուղը և Հայաստանի Հանրապետության օրենսդրությամբ սահմանված կարգով այն հանձնել Հայաստանի Հանրապետության գյուղատնտեսության նախարարության տնօրինությանը։

4. «Երևանի պահածոների գործարան» պետական ձեռնարկության կուտակման ֆոնդերը համարվում են պետական սեփականություն և սեփականաշնորհման ժամանակ չեն կարող օգտագործվել որպես վճարման միջոց։

5. Սահմանել ընկերության նախնական կանոնադրական հիմնադրամը` 150 մլն 343 հազ. դրամ, որից ազատ բաժանորդագրության ենթակա մասը` 120 մլն 270 հազ. դրամ:

6. Ընկերության նախնական կանոնադրական հիմնադրամի ազատ բաժանորդագրության ենթակա մասը համապատասխանում է 12027 բաժնետոմսի՝ յուրաքանչյուրը 10000 դրամ անվանական արժեքով։

7. Առաջարկել Հայաստանի Հանրապետության սեփականաշնորհման և ապապետականացման պետական հանձնաժողովին`

ա) հաստատել «Երևանի պահածոների գործարան» բաց բաժնետիրական ընկերության կանոնադրությունը և ընկերությունը սահմանված կարգով գրանցել Հայաստանի Հանրապետության ձեռնարկությունների պետական ռեգիստրում.

բ) Հայաստանի Հանրապետության օրենսդրությամբ սահմանված կարգով գրանցել ընկերության արժեթղթերի թողարկման ազդագիրը և այն հրապարակել մամուլում:

8. Սահմանել, որ «Երևանի պահածոների գործարան» բաց բաժնետիրական ընկերության աշխատավորական կոլեկտիվի անդամներին վերապահված բաժնետոմսերի բաժանորդագրությունն սկսվում է ոչ շուտ, քան բաժնետոմսերի թողարկման ազդագրի հրապարակումից 10 օր հետո և ավարտվում մեկ ամսվա ընթացքում։

9. Սահմանել, որ «երևանի պահածոների գործարան» բաց բաժնետիրական ընկերության բաժնետոմսերի բաժանորդագրությունն սկսվում է ոչ շուտ, քան բաժնետոմսերի թողարկման ազդագրի հրապարակումից 10 օր հետո և ավարտվում երկու ամսվա ընթացքում։

10. Հայաստանի Հանրապետության կառավարությանն առընթեր պետական ունեցվածքի հաշվառման և ապապետականացման վարչությանը՝ սահմանված կարգով Հայխնայբանկում բացել «Երևանի պահածոների գործարան» բաց բաժնետիրական ընկերության ժամանակավոր հաշիվը և ազդագրի հրապարակումից հետո 10-օրյա ժամկետում սկսել բաժանորդագրությունը։