ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ՄԵԾԱՄՈՐ ՀԱՄԱՅՆՔԻ ԱՎԱԳԱՆԻ

Ո Ր Ո Շ ՈՒ Մ

07 օգոստոսի 2025 թվականի N 124-Ն

Ղեկավարվելով «Նորմատիվ իրավական ակտերի մասին» Հայաստանի Հանրապետության օրենքի 33-րդ հոդվածի 1-ին մասի 1-ին կետով, «Տեղական ինքնակառավարման մասին» Հայաստանի Հանրապետության օրենքի 18-րդ հոդվածի 1-ին մասի 5-րդ կետով և հիմք ընդունելով Մեծամոր համայնքի ղեկավարի առաջին տեղակալի առաջարկությունը․

1. Հայաստանի Հանրապետության Արմավիրի մարզի Մեծամոր համայնքի ավագանու 2024 թվականի դեկտեմբերի 13-ի «Հայաստանի Հանրապետության Արմավիրի մարզի Մեծամոր համայնքի 2025 թվականի բյուջեն հաստատելու մասին» N 195-Ն որոշման մեջ կատարել հետևյալ փոփոխությունը.

1․1 Եկամտային մասով․

ա) Կապիտալ ծախսերի ֆինանսավորման նպատակային հատկացումներին /սուբվենցիաներ/ ավելացնել 10500․0 հազար ՀՀ դրամով

բ) Վարչական բյուջեի պահուստային ֆոնդից 724000.0 հազար ՀՀ դրամ հատկացնել ֆոնդային բյուջե:

1.2․ Ծախսային մասով․

04-3-2 (Նավթամթերք և բնական գազ) նախահաշվի

5112 (Շենքների և շինությունների կառուցում) հոդվածին ավելացնել 91000․0 հազար ՀՀ դրամ։

04-5-1 (Ճանապարհային տրանսպորտ) նախահաշվի

5112 (Շենքների և շինությունների կառուցում) հոդվածին ավելացնել 485000․0 հազար ՀՀ դրամ,

5134 (Նախագծահետազոտական ծախսեր) հոդվածին ավելացնել 46500․0 հազար ՀՀ դրամ:

05-6-1(Շրջակա միջավայրի պաշտպանություն) նախահաշվի

5113 (Շենքների և շինությունների կապիտալ վերանորոգում) հոդվածին ավելացնել 17000,0 հազար ՀՀ դրամ։

06-1-1 (Բնակարանային շինարարություն) նախահաշվի

5113 (Շենքների և շինությունների կապիտալ վերանորոգում) հոդվածին ավելացնել 59000․0 հազար ՀՀ դրամ։

06-3-1 (Ջրամատակարարում) նախահաշվի

5113 (Շենքների և շինությունների կապիտալ վերանորոգում) հոդվածին ավելացնել 36000․0 հազար ՀՀ դրամ։

2․ Սույն որոշումն ուժի մեջ է մտնում պաշտոնական հրապարակման օրվան հաջորդող օրվանից:

07.08.2025 թ.

 Հայաստանի Հանրապետության Մեծամոր համայնքի ավագանու 2024 թվականի դեկտեմբերի 13-ի թիվ 195-Ն որոշման մեջ կատարելու փոփոխությունը պայմանավորված է «Տեղական ինքնակառավարման մասին» Հայաստանի Հանրապետության օրենքի 16-րդ հոդվածի առաջին մասի 3-րդ կետի պահանջով և դրա անհրաժեշտությունը կայանում է նրանում, որ այն ուղղված է Մեծամոր համայնքի զարգացմանը նպաստելուն՝ բյուջետային համակարգի միասնականությունն ապահովող բյուջետային գործընթացի կազմակերպման համաձայնեցված սկզբունքների, բյուջետային դասակարգման, հաշվառման և հաշվետվության միասնական մեթոդաբանության հիման վրա:

Եկամտային մասով ֆոնդային բյուջեում գումարի ավելացումն անհրաժեշտ է Շրջակա միջավայրի նախարարության կողմից Մեծամոր համայնքի 2025 թվականին բնապահպանական ծրագրով նախատեսված և հաստատված միջոցառումների ֆինանսավորման նպատակով պետական բյուջեից տրամադրվող կապիտալ սուբվենցիայի համար։

Ծախսային մասով նավթամթերք և բնական գազ նախահաշվի շենքների և շինությունների կառուցում հոդվածի ավելացումը նախատեսված է Մեծամոր համայնքի յոթ բնակավայրերում սուբվենցիոն ծրագրով իրականացվող գազաֆիկացման կառուցման աշխատանքների համար։

Ճանապարհային տրանսպորտ նախահաշվի շենքների և շինությունների կառուցում հոդվածին ավելացումը նախատեսվել է սուբվենցիոն ծրագրով իրականացվող Մեծամոր քաղաքի Մ․Միքայելյան, Հ․ Թումանյան, Կոմիտաս և Վ․ Տերյան փողոցների ասֆալտապատման, ջրահեռացման համակարգի կառուցման, մայթերի հիմնանորոգման և գազոնների վերականգննման աշխատանքների համայնքի մասնաբաժինը։ Նախագծահետազոտական ծախսեր հոդվածին ավելացումն անհրաժեշտ է Մեծամոր համայնքի բնակավայրերի գազաֆիկացման աշխատանքների նախագծերի ձեռքբերման համար։

Շրջակա միջավայրի պաշտպանություն նախահաշվի շենքերի և շինությունների կապիտալ վերանորոգում հոդվածի ավելացումն անհրաժեշտ է բնապահպանական ծրագրով իրականացվող Մեծամոր քաղաքի 1-ին թաղամասի 42 հասցեում գտնվող այգու բարեկարգման, ճեմուղիների կառուցման և կահավորման համար։

Բնակարանային շինարարություն նախահաշվի շենքերի և շինությունների կապիտալ վերանորոգում հոդվածի ավելացումն անհրաժեշտ է Մեծամոր քաղաքի 1-ին թաղամասի 13 շենքի և 2-րդ թաղամասի 4 շենքի տանիքների վերանորոգման աշխատանքների իրականացման համար։

Ջրամատակարարում նախահաշվի շենքերի և շինությունների կապիտալ վերանորոգում հոդվածի ավելացումը նախատեված է սուբվենցիոն ծրագրով իրականացվող Մեծամոր քաղաքի ջրագծերի փոխարինման աշխատանքների համայնքի մասնաբաժինը վճարելու համար։

Պաշտոնական հրապարակման օրը՝ 14 օգոստոսի 2025 թվական: