ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
Օ Ր Ե Ն Ք Ը
Ընդունված է 2006 թվականի նոյեմբերի 29-ին
«ՊԵՏԱԿԱՆ ՏՈՒՐՔԻ ՄԱՍԻՆ» ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՕՐԵՆՔՈՒՄ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ
Հոդված 1. «Պետական տուրքի մասին» Հայաստանի Հանրապետության օրենքի (27 դեկտեմբերի 1997 թվականի, ՀՕ-186) 16-րդ հոդվածում`
ա) 28-րդ կետի «զննություն անցնելու» բառերը փոխարինել «զննությունը ճանապարհային ոստիկանության մարմինների կողմից անցկացնելու» բառերով.
բ) 28-րդ կետը լրացնել հետևյալ բովանդակությամբ 28.1-րդ ենթակետով`
|
«28.1. լիցենզառուներին տրանսպորտային միջոցների
պարտադիր տեխնիկական զննության
համապատասխան նմուշի փաստաթուղթ
տրամադրելու համար |
բազային տուրքի 250 տոկոսի չափով». |
գ) ուժը կորցրած ճանաչել 30-րդ կետը:
Հոդված 2. Օրենքի 19-րդ հոդվածի 8-րդ կետը լրացնել հետևյալ բովանդակությամբ 8.6-րդ ենթակետով`
|
«8.6. տրանսպորտային միջոցներ վարելու ուսուցման |
|
|
գործունեության իրականացման համար, տարեկան |
բազային տուրքի 100-ապատիկի չափով»: |
Հոդված 3. Օրենքի 19-րդ հոդվածի 15-րդ կետը լրացնել հետևյալ բովանդակությամբ 15.4-րդ ենթակետով`
|
«15.4. տրանսպորտային միջոցների և դրանց կցորդների |
|
|
պարտադիր տեխնիկական զննության անցկացման |
|
|
գործունեության իրականացման համար` օգտագործվող |
|
|
յուրաքանչյուր հոսքագծի հաշվով, տարեկան |
բազային տուրքի 5000-ապատիկի չափով»: |
Հոդված 4. Սույն օրենքն ուժի մեջ է մտնում պաշտոնական հրապարակման օրվանից վեց ամիս հետո:
|
Հայաստանի Հանրապետության
Նախագահ |
Ռ. Քոչարյան |
|
2006 թ. դեկտեմբերի 19
Երևան
ՀՕ-229-Ն
|