ԵՎՐԱՍԻԱԿԱՆ ՏՆՏԵՍԱԿԱՆ ՀԱՆՁՆԱԺՈՂՈՎ
ԽՈՐՀՈՒՐԴ
Ո Ր Ո Շ ՈՒ Մ
|
13 մարտի 2026 թվականի |
թիվ 37 |
քաղ. Մոսկվա |
«ԱՆՎԱՎՈՐ ՏՐԱՆՍՊՈՐՏԱՅԻՆ ՄԻՋՈՑՆԵՐԻ ԱՆՎՏԱՆԳՈՒԹՅԱՆ ՄԱՍԻՆ» ՄԱՔՍԱՅԻՆ ՄԻՈՒԹՅԱՆ ՏԵԽՆԻԿԱԿԱՆ ԿԱՆՈՆԱԿԱՐԳՈՒՄ (ՄՄ ՏԿ 018/2011) ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ
«Եվրասիական տնտեսական միության մասին» 2014 թվականի մայիսի 29-ի պայմանագրի 52-րդ հոդվածին և Եվրասիական տնտեսական բարձրագույն խորհրդի 2014 թվականի դեկտեմբերի 23-ի թիվ 98 որոշմամբ հաստատված՝ Եվրասիական տնտեսական հանձնաժողովի աշխատանքի կանոնակարգի թիվ 1 հավելվածի 29-րդ կետին համապատասխան՝ Եվրասիական տնտեսական հանձնաժողովի խորհուրդը որոշեց.
1. Մաքսային միության հանձնաժողովի 2011 թվականի դեկտեմբերի 9-ի թիվ 877 որոշմամբ ընդունված՝ «Անվավոր տրանսպորտային միջոցների անվտանգության մասին» Մաքսային միության տեխնիկական կանոնակարգում (ՄՄ ՏԿ 018/2011) (այսուհետ՝ տեխնիկական կանոնակարգ) կատարել հետևյալ փոփոխությունները՝
ա) 16-րդ կետի ութերորդ պարբերությունում՝
առաջին նախադասության մեջ՝
«անվտանգության պահանջները» բառերը փոխարինել «անվտանգության պահանջները, դրանց համապատասխանության գնահատման կարգը և համապատասխանությունը հավաստող փաստաթղթի տեսակը,»
լրացնել «, իսկ Ռուսաստանի Դաշնությունում՝ Ռուսաստանի Դաշնության կառավարության նորմատիվ իրավական ակտով» բառերով.
երկրորդ նախադասությունը հանել.
բ) տեխնիկական կանոնակարգի 14-րդ հավելվածի 1-ին հավելվածի աղյուսակից առաջ վերջին պարբերությունը լրացնել «, համակցված էներգատեղակայանքի հաջորդական կամ զուգահեռ տիպ» բառերով․
գ) տեխնիկական կանոնակարգի 15-րդ հավելվածի 1-ին հավելվածի աղյուսակից առաջ վերջին պարբերությունը լրացնել «, համակցված էներգատեղակայանքի հաջորդական կամ զուգահեռ տիպ» բառերով.
դ) տեխնիկական կանոնակարգի 17-րդ հավելվածում «Հիբրիդային տրանսպորտային միջոցի նկարագիր» դիրքը «Տրանսպորտային միջոցի ընդհանուր բնութագրերը» աղյուսակի երկրորդ սյունակում լրացնել «, էներգատեղակայանքի հաջորդական կամ զուգահեռ տիպ» բառերով.
ե) տեխնիկական կանոնակարգի 18-րդ հավելվածում «Տրանսպորտային միջոցի ընդհանուր բնութագրերը (կառուցվածքում փոփոխություններ կատարելուց հետո)» բաժնում «Առջևի/հետևի անիվների անվամեջը, մմ» դիրքից հետո լրացնել հետևյալ բովանդակությամբ դիրք.
| « |
|
»: |
2. Տեխնիկական կանոնակարգի 16-րդ կետի ութերորդ պարբերությունում նշված տրանսպորտային միջոցների առնչությամբ չի թույլատրվում տեխնիկական կանոնակարգով նախատեսված համապատասխանության գնահատման վերաբերյալ փաստաթղթերի ձևակերպումը։
Նշված տրանսպորտային միջոցների տիրապետումը, օգտագործումը և (կամ) տնօրինումը չի թույլատրվում Եվրասիական տնտեսական միության այլ անդամ պետությունների տարածքներում, եթե այդ տրանսպորտային միջոցների առնչությամբ իրենց օրենսդրությամբ այլ բան սահմանված չէ։
3. Սույն որոշումն ուժի մեջ է մտնում դրա պաշտոնական հրապարակման օրվանից 30 օրացուցային օրը լրանալուց հետո՝ բացառությամբ 1-ին կետի «բ»-«ե» ենթակետերի, որոնք ուժի մեջ են մտնում սույն որոշման պաշտոնական հրապարակման օրվանից 6 ամիս լրանալուց հետո։
Եվրասիական տնտեսական հանձնաժողովի խորհրդի անդամներ՝
|
Հայաստանի Հանրապետությունից` |
Բելառուսի Հանրապետությունից` |
Ղազախստանի Հանրապետությունից` |
Ղրղզստանի Հանրապետությունից` |
Ռուսաստանի Դաշնությունից` |
|
Մ. Գրիգորյան |
Ն. Պետկևիչ |
Ս. Ժումանգարին |
Դ. Ամանգելդիև |
Ա. Օվերչուկ |
Պաշտոնական հրապարակման օրը՝ 14 օգոստոսի 2026 թվական:
| Փոփոխող ակտ | Համապատասխան ինկորպորացիան |
|---|
| Փոփոխող ակտ | Համապատասխան ինկորպորացիան |
|---|