ՀՀ ԿԱՌԱՎԱՐՈՒԹՅԱՆ ՈՐՈՇՈՒՄԸ ՀՀ ԱՌՈՂՋԱՊԱՀՈՒԹՅԱՆ ՊԵՏԱԿԱՆ ՀԱՄԱԿԱՐԳԻ ԲՈՒԺԿԱՆԽԱՐԳԵԼԻՉ ՁԵՌՆԱՐԿՈՒԹՅՈՒՆՆԵՐԸ, ՀԻՄՆԱՐԿՆԵՐՆ ՈՒ ԿԱԶՄԱԿԵՐՊՈՒԹՅՈՒՆՆԵՐՆ ԱՎԵԼԱՑՎԱԾ ԱՐԺԵՔԻ ՀԱՐԿԻՑ ԵՎ ՀԻՄՆԱԿԱՆ ԱՐՏԱԴՐԱԿԱՆ ՖՈՆԴԵՐԻ ՕԳՏԱԳՈՐԾՄԱՆ ՀԱՄԱՐ ՎՃԱՐԻՑ ԱԶԱՏԵԼՈՒ ՄԱՍԻՆ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

2 հունիսի 1993 թ. N 289

Քաղ. Երևան

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՌՈՂՋԱՊԱՀՈՒԹՅԱՆ ՊԵՏԱԿԱՆ ՀԱՄԱԿԱՐԳԻ ԲՈՒԺԿԱՆԽԱՐԳԵԼԻՉ ՁԵՌՆԱՐԿՈՒԹՅՈՒՆՆԵՐԸ, ՀԻՄՆԱՐԿՆԵՐՆ ՈՒ ԿԱԶՄԱԿԵՐՊՈՒԹՅՈՒՆՆԵՐՆ ԱՎԵԼԱՑՎԱԾ ԱՐԺԵՔԻ ՀԱՐԿԻՑ ԵՎ ՀԻՄՆԱԿԱՆ ԱՐՏԱԴՐԱԿԱՆ ՖՈՆԴԵՐԻ ՕԳՏԱԳՈՐԾՄԱՆ ՀԱՄԱՐ ՎՃԱՐԻՑ ԱԶԱՏԵԼՈՒ ՄԱՍԻՆ

Հաշվի առնելով Հայաստանի Հանրապետության Գերագույն խորհրդի ֆինանսավարկային և բյուջետային հարցերի մշտական հանձնաժողովի համաձայնությունը, Հայաստանի Հանրապետության կառավարությունը որոշում է.

1. Հայաստանի Հանրապետության առողջապահության պետական համակարգի բուժկանխարգելիչ ձեռնարկությունները, հիմնարկներն ու կազմակերպությունները, որոնք իրականացնում են սահմանված կարգով վճարովի բուժսպասարկման և բուժօգնության ծառայություններ (ցանկը կցվում է), 1993 թվականի ապրիլի 1-ից ժամանակավորապես ազատել ավելացված արժեքի հարկից և հիմնական արտադրական ֆոնդերի օգտագործման համար վճարից:

2. Հանձնարարել Հայաստանի Հանրապետության հարկային պետական տեսչությանը` Հայաստանի Հանրապետության ֆինանսների նախարարության, էկոնոմիկայի նախարարության և առողջապահության նախարարության հետ համատեղ երկամսյա ժամկետում մշակել և Հայաստանի Հանրապետության կառավարություն ներկայացնել առաջարկություն վճարովի բուժսպասարկման ու բուժօգնության ծառայությունների իրականացման դեպքում շահութահարկի, ավելացված արժեքի հարկի և հիմնական արտադրական ֆոնդերի օգտագործման համար վճարի հաշվառման և գանձման կարգի մասին:

Հայաստանի Հանրապետության փոխվարչապետ

Վ. ՉԻՏԵՉյան

Հայաստանի Հանրապետության ԿԱՌԱՎԱՐՈՒԹՅԱՆ ԳՈՐԾԵՐԻ ԿԱՌԱՎԱՐչի առաջին տեղակալ

Ա. ՀՅՈՒՍԻՍՅԱՆ

Ց Ա Ն Կ

Ստացիոնար բուժօգնություն և բուժսպասարկում

Ամբուլատոր բուժօգնություն և բուժսպասարկում

Ախտորոշիչ հետազոտություններ և բժշկական կոնսուլտացիաներ

Բժիշկների և միջին բուժանձնակազմի վերապատրաստում

Հակահամաճարակային և կանխարգելիչ գործունեություն