ԵՎՐԱՍԻԱԿԱՆ ՏՆՏԵՍԱԿԱՆ ՀԱՆՁՆԱԺՈՂՈՎԻ ԽՈՐՀՐԴԻ ՈՐՈՇՈՒՄԸ «ՔԻՄԻԱԿԱՆ ԱՐՏԱԴՐԱՆՔԻ ԱՆՎՏԱՆԳՈՒԹՅԱՆ ՄԱՍԻՆ» ԵՎՐԱՍԻԱԿԱՆ ՏՆՏԵՍԱԿԱՆ ՄԻՈՒԹՅԱՆ ՏԵԽՆԻԿԱԿԱՆ ԿԱՆՈՆԱԿԱՐԳԻ ՎԵՐԱԲԵՐՅԱԼ

ԵՎՐԱՍԻԱԿԱՆ ՏՆՏԵՍԱԿԱՆ ՀԱՆՁՆԱԺՈՂՈՎ

ԽՈՐՀՈՒՐԴ

Ո Ր Ո Շ ՈՒ Մ

3 մարտի 2017 թվականի

թիվ 19

քաղ. Մոսկվա

«ՔԻՄԻԱԿԱՆ ԱՐՏԱԴՐԱՆՔԻ ԱՆՎՏԱՆԳՈՒԹՅԱՆ ՄԱՍԻՆ» ԵՎՐԱՍԻԱԿԱՆ ՏՆՏԵՍԱԿԱՆ ՄԻՈՒԹՅԱՆ ՏԵԽՆԻԿԱԿԱՆ ԿԱՆՈՆԱԿԱՐԳԻ ՎԵՐԱԲԵՐՅԱԼ

«Եվրասիական տնտեսական միության մասին» 2014 թվականի մայիսի 29-ի պայմանագրի 52-րդ հոդվածին և Եվրասիական տնտեսական բարձրագույն խորհրդի 2014 թվականի դեկտեմբերի 23-ի թիվ 98 որոշմամբ հաստատված` Եվրասիական տնտեսական հանձնաժողովի աշխատանքի կանոնակարգի թիվ 1 հավելվածի 29-րդ կետին համապատասխան` Եվրասիական տնտեսական հանձնաժողովի խորհուրդը որոշեց.

1. Ընդունել կից ներկայացվող՝ «Քիմիական արտադրանքի անվտանգության մասին» Եվրասիական տնտեսական միության տեխնիկական կանոնակարգը (ԵԱՏՄ ՏԿ 041/2017)։

2. Եվրասիական տնտեսական հանձնաժողովին՝ Եվրասիական տնտեսական միության անդամ պետությունների կառավարությունների հետ համատեղ մշակել և հաստատել Եվրասիական տնտեսական միության (այսուհետ՝ Միություն)՝ քիմիական նյութերի և խառնուրդների ռեեստրի ձևավորման և վարման կարգը և նոր քիմիական նյութերի նոտիֆիկացման կարգը՝ ապահովելով դրանց ուժի մեջ մտնելը մինչև 2018 թվականի դեկտեմբերի 1-ը:

3. Խնդրել Միության անդամ պետությունների կառավարություններին մինչև 2021 թվականի մարտի 1-ն ապահովել Միության՝ քիմիական նյութերի և խառնուրդների ռեեստրի ազգային մասերի ձևավորումը:

4. Սահմանել, որ «Քիմիական արտադրանքի անվտանգության մասին» Միության տեխնիկական կանոնակարգը (ԵԱՏՄ ՏԿ 041/2017) ուժի մեջ է մտնելու 2021 թվականի հունիսի 2-ից՝ սույն Որոշման 2-րդ կետի կատարման պայմանով՝ բացառությամբ թունաքիմիկատների պատրաստուկային ձևերի և դրանց հետ կապված դրանց արտադրության, պահման, փոխադրման (տրանսպորտային փոխադրման), իրացման և օգտահանման (վերամշակման) մասով պահանջների: Մինչ Միության տեխնիկական կանոնակարգի ուժի մեջ մտնելը, որով սահմանվում են թունաքիմիկատների պատրաստուկային ձևերի և դրանց հետ կապված դրանց արտադրության, պահման, փոխադրման (տրանսպորտային փոխադրման), իրացման և օգտահանման (վերամշակման) մասով պահանջները, այդ արտադրանքի և նշված գործընթացների նկատմամբ գործում են Միության մարմինների ակտերի դրույթները կամ Միության անդամ պետությունների օրենսդրությունը:

5. Սույն Որոշումն ուժի մեջ է մտնում դրա պաշտոնական հրապարակման օրվանից 30 օրացուցային օրը լրանալուց հետո:

Եվրասիական տնտեսական հանձնաժողովի խորհրդի անդամներ՝

Հայաստանի Հանրապետությունից՝	Բելառուսի Հանրապետությունից՝	Ղազախստանի Հանրապետությունից՝	Ղրղզստանի Հանրապետությունից՝	Ռուսաստանի Դաշնությունից՝
Վ. Գաբրիելյան	Վ. Մատյուշևսկի	Ա. Մամին	Օ. Պանկրատով	Ի. Շուվալով

ԸՆԴՈՒՆՎԱԾ Է Եվրասիական տնտեսական հանձնաժողովի խորհրդի 2017 թվականի մարտի 3-ի N 19 որոշմամբ

Պաշտոնական հրապարակման օրը՝ 6 դեկտեմբերի 2021 թվական: