ՀՀ ԿԱՌԱՎԱՐՈՒԹՅԱՆ ՈՐՈՇՈՒՄԸ ՕՏԱՐԵՐԿՐՅԱ ՊԵՏՈՒԹՅՈՒՆՈՒՄ ԳՈՐԾՈՂ ԴԻՎԱՆԱԳԻՏԱԿԱՆ ԾԱՌԱՅՈՒԹՅԱՆ ՄԱՐՄՆՈՒՄ ԾԱՌԱՅՈՂ ԴԻՎԱՆԱԳԵՏԻՆ ԲՆԱԿԱՐԱՆԻ ՀԱՄԱՐ ՏՐԱՄԱԴՐՎՈՂ ՀԱՎԵԼԱՎՃԱՐԻ ՄԱՍԻՆ

040.0123.13.02.02

«Վավերացնում եմ»
Հայաստանի Հանրապետության
Նախագահ Ռ. Քոչարյան
13 փետրվարի 2002 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

13 փետրվարի 2002 թվականի N 123
քաղ. Երևան

ՕՏԱՐԵՐԿՐՅԱ ՊԵՏՈՒԹՅՈՒՆՈՒՄ ԳՈՐԾՈՂ ԴԻՎԱՆԱԳԻՏԱԿԱՆ ԾԱՌԱՅՈՒԹՅԱՆ ՄԱՐՄՆՈՒՄ ԾԱՌԱՅՈՂ ԴԻՎԱՆԱԳԵՏԻՆ ԲՆԱԿԱՐԱՆԻ ՀԱՄԱՐ ՏՐԱՄԱԴՐՎՈՂ ՀԱՎԵԼԱՎՃԱՐԻ ՄԱՍԻՆ

«Դիվանագիտական ծառայության մասին» Հայաստանի Հանրապետության օրենքի 46-րդ հոդվածի 5-րդ կետին համապատասխան՝ Հայաստանի Հանրապետության կառավարությունը որոշում է.

1. Սահմանել օտարերկրյա պետությունում գործող դիվանագիտական ծառայության մարմնում ծառայող դիվանագետին բնակարանի համար տրամադրվող հավելավճարի չափը՝ ԱՄՆ-ի դոլարին համարժեք դրամով՝ համաձայն հավելվածի:

2. Սույն որոշման 1-ին կետում նշված ծախսերը կատարել ՀՀ 2002 թվականի պետական բյուջեով օտարերկրյա պետություններում գործող Հայաստանի Հանրապետության դիվանագիտական ծառայության մարմինների պահպանման ծախսերի հաշվին:

3. Հայաստանի Հանրապետության արտաքին գործերի նախարարությանը՝ մինչև 2002 թվականի հուլիսի 1-ը սույն որոշման հավելվածում նշված հավելավճարի չափը գերազանցող բնակարանի վարձավճարը համապատասխանեցնել հավելվածում նշված հավելավճարի չափին:

4. Սույն որոշումն ուժի մեջ է մտնում 2002 թվականի փետրվարի 13-ից:

Հայաստանի Հանրապետության վարչապետ

Ա. Մարգարյան

Հավելված ՀՀ կառավարության 2002 թվականի  փետրվարի 13-ի N 123 որոշման

Օտարերկրյա պետությունում գործող դիվանագիտական ծառայության մարմնում ծառայող դիվանագետին բնակարանի համար տրամադրվող հավելավճարի չափը

(ԱՄՆ-ի դոլար)

NN ը/կ Օտարերկրյա պետության, քաղաքի անվանումները Արտակարգ դեսպանորդ և լիազոր նախարար, խորհրդական** Քարտուղարներ (1-ին,  2-րդ, 3-րդ), կցորդ** 1 2 3 4 1. Ամերիկայի Միացյալ Նահանգներ 1200 900 2. Նյու Յորք 1400 1100 3. Լոս Անջելես 1100 900 4. Կանադա 1100 800 5. Արգենտինայի Հանրապետություն 900 800 6. Սան Պաուլո 400 300 7. Մեծ Բրիտանիայի և Հյուսիսային Իռլանդիայի Միացյալ Թագավորություն 2300 2000 8. Ֆրանսիայի Հանրապետություն 500 400 9. Ավստրիայի Հանրապետություն 600 500 10. Գերմանիայի Դաշնային Հանրապետություն 850 450 11. Իտալիայի Հանրապետություն 700 450 12. Վատիկան 700 450 13. Բելգիայի Թագավորություն 750 450 14. Շվեյցարական Համադաշնություն 900 700 15. Եվրախորհուրդ 850 700 16. Հունաստանի Հանրապետություն 750 400 17. Ռումինիա 300 200 18. Բուլղարիայի Հանրապետություն 300 200 19. Լեհաստանի Հանրապետություն 600 400 20. Եգիպտոսի Արաբական Հանրապետություն*** 0 0 21. Իրանի Իսլամական Հանրապետություն 450 350 22. Սիրիայի Արաբական Հանրապետություն 900 800 23. Հալեպ*** 0 0 24. Լիբանանի Հանրապետություն*** 0 0 25. Միացյալ Արաբական Էմիրություններ 750 600 26. Հնդկաստանի Հանրապետություն 900 650 27. Չինաստանի Հանրապետություն 1700 1000 28. Ճապոնիա 2200 1800 1 2 3 4 29. Իրաքի Հանրապետություն     30. Ռուսաստանի Դաշնություն 450 400 31. Ուկրաինա 450 400 32. Բելառուսի Հանրապետություն 400 300 33. Ղազախստանի Հանրապետություն 450 300 34. Վրաստան 400 300 35. Թուրքմենստան 400 300 36. Սանկտ Պետերբուրգ 350 300

Ծանոթագրություն:

Արտակարգ և լիազոր դեսպանների ու ներկայացուցչության ղեկավարների բնակարանների վարձակալման վճարումների հարցը որոշվում է ԱԳՆ-ի համաձայնությամբ:

** Յուրաքանչյուր երեխայի համար նշված հավելավճարն ավելացվում է դրա 5 տոկոսի չափով:

*** Նշված դեսպանությունում դիվանագետները բնակվում են դեսպանության շենքում:

Հայաստանի Հանրապետության կառավարության աշխատակազմի ղեկավար-նախարար

Մ. Թոփուզյան