«Վավերացնում եմ»
Հայաստանի Հանրապետության
Նախագահ Ռ. Քոչարյան
25 նոյեմբերի 2000 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

25 նոյեմբերի 2000 թվականի N 770
քաղ. Երևան

ՄԻ ՇԱՐՔ ՁԵՌՆԱՐԿՈՒԹՅՈՒՆՆԵՐ ԼՈՒԾԱՐԵԼՈՒ ՄԱՍԻՆ

«Պետական գույքի մասնավորեցման (սեփականաշնորհման) մասին» Հայաստանի Հանրապետության օրենքի 26 հոդվածի 4-րդ կետին և Հայաստանի Հանրապետության կառավարության 2000 թվականի օգոստոսի 10-ի «Փոքր» և անավարտ շինարարության օբյեկտների մասնավորեցումն ապահովող միջոցառումների մասին» N 459 որոշման 4-րդ կետի «բ» ենթակետին համապատասխան` Հայաստանի Հանրապետության կառավարությունը որոշում է.

1. Հայաստանի Հանրապետության օրենսդրությամբ սահմանված կարգով լուծարել մի շարք ձեռնարկություններ` համաձայն հավելվածի:

2. Հայաստանի Հանրապետության պետական գույքի կառավարման նախարարությանը`

ա) ձեռնարկությունների լուծարման աշխատանքներն իրականացնելու նպատակով 5-օրյա ժամկետում ստեղծել լուծարման հանձնաժողովներ` դրանց կազմում ընդգրկելով Հայաստանի Հանրապետության պետական գույքի կառավարման նախարարության, Հայաստանի Հանրապետության ֆինանսների և էկոնոմիկայի նախարարության, Հայաստանի Հանրապետության պետական եկամուտների նախարարության, ձեռնարկությունների գտնվելու վայրի պետական կառավարման տարածքային մարմինների, համապատասխան վերադաս պետական կառավարման մարմինների և Հայաստանի Հանրապետության սոցիալական ապահովագրության պետական հիմնադրամի ներկայացուցիչներին.

բ) ձեռնարկությունների լուծարման գործընթացն ավարտելուց հետո երկամսյա ժամկետում Հայաստանի Հանրապետության կառավարություն ներկայացնել առաջարկություններ ձեռնարկությունների լուծարումից հետո գույքի տնօրինման վերաբերյալ:

3. Սույն որոշման համաձայն լուծարվող ձեռնարկությունների լուծարման հաշվեկշիռները կազմելու օրվա դրությամբ այդ ձեռնարկությունների դեբիտորական պարտքերի ստացման և այլ պահանջների իրավունքը վերապահել Հայաստանի Հանրապետության ֆինանսների և էկոնոմիկայի նախարարությանը:

4. Ձեռնարկությունների լուծարումից հետո մնացած գույքը 20-օրյա ժամկետում հանձնել Հայաստանի Հանրապետության պետական գույքի կառավարման նախարարության տնօրինությանը:

5. Սույն որոշումն ուժի մեջ է մտնում 2000 թվականի նոյեմբերի 25-ից:

Հայաստանի Հանրապետության վարչապետ

Ա. Մարգարյան

Հավելված ՀՀ կառավարության 2000 թվականի նոյեմբերի 25-ի N 770 որոշման

Ց Ա Ն Կ

լուծարվող ձեռնարկությունների

________________________________________________________________________________________________________________
NN ը/կ	Անվանումը	Հասցեն
________________________________________________________________________________________________________________
	ՀՀ առողջապահության նախարարություն ----------------------------------------------
1.	«Հայդեղագործություն» ՊՁ-ի «Սիս» ԴՁ	քաղ. Արարատ, ՈԿՖ-ի բանավան
2.	«Հայդեղագործություն» ՊՁ-ի «Արարատ» ԴՁ	քաղ. Արարատ, Աբովյան 5
3.	«Հայդեղագործություն» ՊՁ-ի «Բուրաստան» ԴՁ	Արարատի մարզ, գ. Բուրաստան
4.	«Հայդեղագործություն» ՊՁ-ի Վարդենիսի ԴՁ	քաղ. Վարդենիս, Կամոյի 4
5.	«Հայդեղագործություն» ՊՁ-ի «Սանիտաս» ԴՁ	քաղ. Երևան, Օրբելի Եղբայրների 41
6.	«Հայդեղագործություն» ՊՁ-ի «Էջմիածին-2» ԴՁ	քաղ. Վաղարշապատ, Մեսրոպ Մաշտոցի 22
7.	«Հայդեղագործություն» ՊՁ-ի «Գայ» ԴՁ	Արմավիրի մարզ, գ. Գայ
8.	«Հայդեղագործություն» ՊՁ-ի «Հրազդան-3» ԴՁ	քաղ. Հրազդան, Սպանդարյան 5
	ՀՀ արդյունաբերության և առևտրի նախարարություն ------------------------------------------------------------
9.	ՀՀ առևտրի նախարարության «Հայշինանյութ» հանրապետական մանրամեծածախ միավորման Երևանի առևտրական բազա ՊՁ	քաղ. Երևան, Արին բերդի 5-րդ նրբանցք, 1
10.	«Հայշինանյութառ» ՊՁ-ի «Կապանի առևտրական բազա» ԴՁ	քաղ. Կապան, Երկաթուղայինների 1
11.	«Հայշինանյութառ» ՊՁ-ի Գյումրիի առևտրական բազա ԴՁ	քաղ. Գյումրի, մսի կոմբինատի տարածք, 3-1ա
12.	«Հայշինանյութառ» ՊՁ-ի թիվ 26 խանութ ԴՁ	քաղ. Երևան, Զ. Քանաքեռցու 145
13.	«Հայշինանյութառ» մանրամեծածախ միավորման ՊՁ-ի Վանաձորի «Առևտրական բազա» ԴՁ	քաղ. Վանաձոր, Հյուսիսային 20
14.	«Դիլիջանի քաղառ» ՊՁ-ի «Կենտրոնական խանութ» ԴՁ	քաղ. Դիլիջան, Մյասնիկյան 76
15.	Հանրախանութ ԴՁ	քաղ. Գյումրի, Թբիլիսյան 30
16.	Աբովյանի առևտրական ՊՁ-ի N 12 Տ/Հ ԴՁ	քաղ. Աբովյան, Օգոստոսի 23-ի 5
17.	«Արդիմփեքս» առևտրաարտադրական ՊՁ-ի «Ալավերդու առևտրաարտադրական» ԴՁ	քաղ. Ալավերդի, Երևանյան 2ա
18.	«Արդիմփեքս» պետական առևտրաարտադրական ձեռնարկության «Ախթալայի առևտրաարտադրական» ԴՁ	Լոռու մարզ, Ախթալա ավան
19.	«Արդիմփեքս» ՊԱԱՁ-ի «Թումանյանի Ա-Ա» ԴՁ	Լոռու մարզ, Թումանյան ավան
20.	«Արդիմփեքս» առևտրաարտադրական ՊՁ-ի Կապանի առևտրաարտադրական ԴՁ	քաղ. Կապան, Լեռնագործների 3

      

Հայաստանի Հանրապետության կառավարության աշխատակազմի ղեկավար-նախարար

Մ. Թոփուզյան