ՀՀ ԿԱՌԱՎԱՐՈՒԹՅԱՆ ՆԻՍՏԻ ԱՐՁԱՆԱԳՐՈՒԹՅՈՒՆԻՑ ՔԱՂՎԱԾՔ ՄԻՆՉԵՎ 58.3 ՄԼՆ ՏԱՐԵԿԱՆ ՇՐՋԱՆԱՌՈՒԹՅՈՒՆ ՈՒՆԵՑՈՂ ՀՀ ՏՆՏԵՍԱՎԱՐՈՂ ՍՈՒԲՅԵԿՏՆԵՐԻՆ ԷԼԵԿՏՐՈՆԱՅԻՆ ԵՂԱՆԱԿՈՎ ՀԱՇՎԵՏՎՈՒԹՅՈՒՆՆԵՐԻ ՆԵՐԿԱՅԱՑՄԱՆՆ ԱՆՑՆԵԼԸ ԽՐԱԽՈՒՍԵԼՈՒ ՀԱՄԱՐ ԶԱՆԳՎԱԾԱՅԻՆ ԻՐԱԶԵԿՄԱՆ ԵՎ ՈՒՍՈՒՑՄԱՆ ՄԻՋՈՑԱՌՈՒՄՆԵՐԻ ԿԱԶՄԱԿԵՐՊՄԱՆ ԵՎ ԴՐԱՆՑ ԿԱՏԱՐՄԱՆ ԺԱՄԱՆԱԿԱՑՈՒՅՑԸ ՀԱՍՏԱՏԵԼՈՒ ՄԱՍԻՆ

Գլխավոր տեղեկություն
Համար
N 27
Տիպ
Քաղվածք
Ակտի տիպ
Հիմնական ակտ (19.07.2012-01.01.2022)
Կարգավիճակ
Գործողությունը դադարեցված է
Սկզբնաղբյուր
Չի հրապարակվել պաշտոնական պարբերականում
Ընդունող մարմին
ՀՀ կառավարություն
Ընդունման ամսաթիվ
04.07.2012
Ստորագրող մարմին
ՀՀ վարչապետ
Ստորագրման ամսաթիվ
19.07.2012
Ուժի մեջ մտնելու ամսաթիվ
19.07.2012
Ուժը կորցնելու ամսաթիվ
01.01.2022

Ք Ա Ղ Վ Ա Ծ Ք

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ ՆԻՍՏԻ

Ա Ր Ձ Ա Ն Ա Գ Ր ՈՒ Թ Յ ՈՒ Ն Ի Ց

4 հուլիսի 2012 թվականի N 27

9. ՄԻՆՉԵՎ 58.3 ՄԼՆ ՏԱՐԵԿԱՆ ՇՐՋԱՆԱՌՈՒԹՅՈՒՆ ՈՒՆԵՑՈՂ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՏՆՏԵՍԱՎԱՐՈՂ ՍՈՒԲՅԵԿՏՆԵՐԻՆ ԷԼԵԿՏՐՈՆԱՅԻՆ ԵՂԱՆԱԿՈՎ ՀԱՇՎԵՏՎՈՒԹՅՈՒՆՆԵՐԻ ՆԵՐԿԱՅԱՑՄԱՆՆ ԱՆՑՆԵԼԸ ԽՐԱԽՈՒՍԵԼՈՒ ՀԱՄԱՐ ԶԱՆԳՎԱԾԱՅԻՆ ԻՐԱԶԵԿՄԱՆ ԵՎ ՈՒՍՈՒՑՄԱՆ ՄԻՋՈՑԱՌՈՒՄՆԵՐԻ ԿԱԶՄԱԿԵՐՊՄԱՆ ԵՎ ԴՐԱՆՑ ԿԱՏԱՐՄԱՆ ԺԱՄԱՆԱԿԱՑՈՒՅՑԸ ՀԱՍՏԱՏԵԼՈՒ ՄԱՍԻՆ

(անվավեր է ճանաչվել 21.10.21 N 1728-Ն որոշման 1-ին կետով)

 

Համաձայն Հայաստանի Հանրապետության կառավարության 2011 թվականի դեկտեմբերի 22-ի N 1930-Ն որոշմամբ հավանության արժանացած ծրագրի 1.3-րդ կետի`

1. Հաստատել մինչև 58.3 մլն տարեկան շրջանառություն ունեցող Հայաստանի Հանրապետության տնտեսավարող սուբյեկտներին էլեկտրոնային եղանակով հաշվետվությունների ներկայացմանն անցնելը խրախուսելու համար զանգվածային իրազեկման և ուսուցման միջոցառումների կազմակերպման և դրանց կատարման ժամանակացույցը` համաձայն հավելվածի:

2. Ժամանակացույցով սահմանված պատասխանատու մարմինների ղեկավարներին` մինչև յուրաքանչյուր եռամսյակին հաջորդող ամսվա 8-րդ աշխատանքային օրը Հայաստանի Հանրապետության էկոնոմիկայի նախարարություն ներկայացնել ժամանակացույցով հաստատված իրենց վերապահված միջոցառումների (իրականացված կամ իրականացվող) կատարման ընթացքի մասին տեղեկատվություն:

3. Առաջարկել Հաշվապահական կենտրոնին, Վերակառուցման և զարգացման եվրոպական բանկի գործարարության աջակցման գրասենյակին մինչև յուրաքանչյուր եռամսյակին հաջորդող ամսվա 8-րդ աշխատանքային օրը Հայաստանի Հանրապետության էկոնոմիկայի նախարարություն ներկայացնել ժամանակացույցով հաստատված իրենց վերապահված միջոցառումների (իրականացված կամ իրականացվող) կատարման ընթացքի մասին տեղեկատվություն:

4. Հայաստանի Հանրապետության էկոնոմիկայի նախարարին` ամփոփել ներկայացված եռամսյակային տեղեկատվությունը և մինչև յուրաքանչյուր եռամսյակին հաջորդող ամսվա 15-րդ աշխատանքային օրը կատարված աշխատանքների ընթացքի մասին հաշվետվություն ներկայացնել Հայաստանի Հանրապետության կառավարության աշխատակազմ:

 

Հայաստանի Հանրապետության
վարչապետ

  Տ. Սարգսյան

 

2012 թ. հուլիսի 19

Երևան

  

 

 

Հավելված

ՀՀ կառավարության 2012 թ.

հուլիսի 4-ի նիստի N 27

արձանագրային որոշման

 

Մինչև 58.3 մլն տարեկան շրջանառություն ունեցող ՀՀ տնտեսվարող սուբյեկտներին էլեկտրոնային եղանակով հաշվետվությունների ներկայացմանն անցնելը խրախուսելու համար զանգվածային իրազեկման և ուսուցման միջոցառումների կազմակերպման և դրանց կատարման ժամանակացույցը.

Հ/Հ

Մարմինը

Իրականացվելիք միջոցառումը

Ժամանակացույցը

1

ՀՀ էկոնոմիկայի նախարարություն

1) Էլեկտրոնային եղանակով հաշվետվությունների ներկայացման առավելությունների մասին պաշտոնական ինտերնետային կայքի, մամուլի և զանգվածային լրատվության այլ միջոցներով իրազեկման աշխատանքների ապահովում:

2) Էլեկտրոնային եղանակով հաշվետվությունների ներկայացման առավելությունների մասին էլեկտրոնային փոստի միջոցով մի շարք տնտեսվարող սուբյեկտներին ծանուցում:

Հոկտեմբերի 1-ին տասնօրյակից սկսած (շարունակական)

2

ՀՀ ԿԱ պետական եկամուտների կոմիտե

1) Էլեկտրոնային եղանակով հաշվետվությունների ներկայացման առավելությունների մասին պաշտոնական ինտերնետային կայքի, մամուլի և զանգվածային լրատվության այլ միջոցներով իրազեկման աշխատանքների ապահովում:

 

2) Մինչև 58,3 մլն շրջանառություն ունեցող տնտեսվարողների կողմից էլեկտրոնային եղանակով հաշվետվությունների ներկայացման առավելությունների վերաբերյալ տեղեկատվական և ուսումնական նյութերի պատրաստում:

 

3) Մինչև 58,3 մլն շրջանառություն ունեցող տնտեսվարողներին էլեկտրոնային եղանակով հաշվետվությունների ներկայացման վերաբերյալ ուսումնական միջոցառումների կազմակերպում:

 

4) Մինչև 58,3 մլն շրջանառություն ունեցող տնտեսվարողներին էլեկտրոնային եղանակով հաշվետվությունների ներկայացմանն առնչվող խնդիրների վերաբերյալ (անհրաժեշտություն առաջանալու դեպքում) պաշտոնական պարզաբանման տրամադրում:

Հոկտեմբերի 1-ին տասնօրյակից սկսած (շարունակական)

 

 

 

Մինչև հոկտեմբերի
1-ին տասնօրյակ

 

 

 

 

 

Հոկտեմբերի 1-ին տասնօրյակից սկսած (շարունակական)

 

 

Հոկտեմբերի 1-ին տասնօրյակից սկսած (շարունակական)

3

«Հայաստանի ՓՄՁ-ների զարգացման ազգային կենտրոն» հիմնադրամ (համաձայնությամբ)

1) Էլեկտրոնային եղանակով հաշվետվությունների ներկայացման առավելությունների մասին պաշտոնական ինտերնետային կայքի, մամուլի և զանգվածային լրատվության այլ միջոցներով իրազեկման աշխատանքների ապահովում:

2) Մարզերում իրականացվող «ՀՀ հարկային օրենսդրության փոփոխությունները և կիրառման հարցերը» դասընթացների ընթացքում գործարարներին իրազեկում:

3) Շահառու և գործընկեր ՓՄՁ-ներին էլեկտրոնային փոստի միջոցով իրազեկում:

4) ԳԾՄ-ների հետ համագործակցություն/Ուսուցողական դասընթացների ընթացքում տեղեկատվության ներկայացում և տրամադրում:

5) Այլ դասընթացների ընթացքում գործարարների շրջանում տեղեկատվության տարածում:

6) «ՓՄՁ լրատու» հեռուստահաղորդման միջոցով հ2 հեռուստաընկերության եթերով տեղեկատվության տարածում:

Հոկտեմբերի 1-ին տասնօրյակից սկսած (շարունակական)

4

«Կենսաթոշակային համակարգի իրազեկման կենտրոն» հիմնադրամ (համաձայնությամբ)

1) Էլեկտրոնային եղանակով հաշվետվությունների ներկայացման առավելությունների մասին պաշտոնական ինտերնետային կայքի, մամուլի և զանգվածային լրատվության այլ միջոցներով իրազեկման աշխատանքների ապահովում:

2) Մինչև 58,3 մլն շրջանառություն ունեցող տնտեսվարողներին հաշվետվությունների էլեկտրոնային եղանակով ներկայացման վերաբերյալ դասընթացների կազմակերպում:

3) Մինչև 58,3 մլն շրջանառություն ունեցող տնտեսվարողների կողմից էլեկտրոնային եղանակով հաշվետվությունների ներկայացման առավելությունների վերաբերյալ տեղեկատվական և ուսումնական նյութերի տպագրում:

4) Մինչև 58,3 մլն շրջանառություն ունեցող տնտեսվարողներին էլեկտրոնային եղանակով հաշվետվությունների ներկայացման վերաբերյալ խորհրդատվության տրամադրում:

Հոկտեմբերի 1-ին տասնօրյակից սկսած (շարունակական)

5

Էլեկտրոնային կառավարման ենթակառուցվածքների ներդրման գրասենյակ (համաձայնությամբ)

1) Էլեկտրոնային ստորագրության ձեռքբերման ընթացակարգերի վերաբերյալ տնտեսվարող սուբյեկտներին իրազեկման աշխատանքների իրականացման միջոցառումների վերաբերյալ առաջարկությունների ներկայացում:

2) Էլեկտրոնային ստորագրության ձեռքբերման ընթացակարգերի վերաբերյալ տնտեսվարող սուբյեկտների իրազեկմանն ուղղված լայնածավալ աշխատանքների իրականացում:

Մինչև հոկտեմբերի 1-ին տասնօրյակ

 

 

 

Հոկտեմբերի 1-ին տասնօրյակից սկսած (շարունակական)

6

Վերակառուցման և զարգացման եվրոպական բանկի գործարարության աջակցման գրասենյակ(համաձայնությամբ)

1) Էլեկտրոնային եղանակով հաշվետվությունների ներկայացման առավելությունների մասին էլեկտրոնային փոստի և կլոր սեղան հանդիպումների միջոցով շահառու և գործընկեր գործարար միավորումներին իրազեկում:

Հոկտեմբերի 1-ին տասնօրյակից սկսած (շարունակական)

7

Հաշվապահական կենտրոն(համաձայնությամբ)

1) Տեղեկատվության զետեղում Հայաստանի Հաշվապահների և Աուդիտորների Ասոցիացիայի (ՀՀԱԱ) Հաշվապահական Կենտրոնի ինտերնետային կայքում:

2) Էլեկտրոնային փոստի միջոցով տեղեկատվության տրամադրում ՀՀԱԱ-ի 256 լիիրավ անդամներին(հաշվապահներ, աուդիտորներ) և 100-ից ավել անդամության թեկնածուներին:

3) Հաշվապահական կենտրոնի դահլիճում ՓՄՁ սուբյեկտների ներկայացուցիչների հետ հանդիպման կազմակերպում և տեղեկատվության ներկայացում:

4) Կենտրոնում գրանցված ՓՄՁ սուբյեկտներին էլեկտրոնային փոստի միջոցով տեղեկատվության տրամադրում:

5) Մարզերում կազմակերպվող անվճար դասընթացների ընթացքում մարզային ՓՄՁ սուբյեկտների ներկայացուցիչներին տեղեկատվության տրամադրում:

6) ՀՀԱԱ որակավորման ծրագրի շրջանակներում ընդգրկված մասնակիցներին համապատասխան տեղեկատվական նյութերի տրամադրում:

7) Հաշվապահական կենտրոնում ընդգրկված գործարար ծառայություններ մատուցող կազմակերպություններին համապատասխան տեղեկատվության տրամադրում:

8) ՀՀԱԱ Հաշվապահական Հաշվառում և Աուդիտ պարբերականում տեղեկատվական նյութերի զետեղում:

Հոկտեմբերի 1-ին տասնօրյակից սկսած (շարունակական)