ՀՀ ԿԱՌԱՎԱՐՈՒԹՅԱՆ ՈՐՈՇՈՒՄԸ ՌՈՒՍԱՍՏԱՆԻ ԴԱՇՆՈՒԹՅՈՒՆՈՒՄ ՀՀ ԱՌԵՎՏՐԱԿԱՆ ՆԵՐԿԱՅԱՑՈՒՑՉՈՒԹՅԱՆ ՄԱՍԻՆ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

3 նոյեմբերի 1994 թվականի N 518

քաղ. Երևան

ՌՈՒՍԱՍՏԱՆԻ ԴԱՇՆՈՒԹՅՈՒՆՈՒՄ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՌԵՎՏՐԱԿԱՆ ՆԵՐԿԱՅԱՑՈՒՑՉՈՒԹՅԱՆ ՄԱՍԻՆ

Ի կատարումն Հայաստանի Հանրապետության կառավարության 1994 թվականի օգոստոսի 3-ի «Հայաստանի Հանրապետության նախագահի 1994 թվականի հունիսի 1-ի «Ռուսաստանի Դաշնությունում Հայաստանի Հանրապետության կառավարության մշտական ներկայացուցչության մասին» հրամանագրի կատարման միջոցառումների մասին» N 361 որոշման, Հայաստանի Հանրապետության կառավարությունը որոշում է`

1. Ռուսաստանի Դաշնությունում Հայաստանի Հանրապետության առևտրական ներկայացուցչի պաշտոնային դրույքաչափը սահմանել 630 ԱՄՆ-ի դոլարի համարժեքով:

2. Սահմանել Ռուսաստանի Դաշնությունում Հայաստանի Հանրապետության առևտրական ներկայացուցչության աշխատողների թվաքանակը և նրանց պաշտոնային դրույքաչափերը, համաձայն հավելվածի:

3. Հայաստանի Հանրապետության ֆինանսների նախարարությանը` Ռուսաստանի Դաշնությունում Հայաստանի Հանրապետության առևտրական ներկայացուցչության 1994 թվականի պահպանման համար Հայաստանի Հանրապետության էկոնոմիկայի նախարարությանը հատկացնել միջոցներ, 30,0 հազ. ԱՄՆ-ի դոլարի համարժեքով, 1994 թվականի հանրապետական բյուջեով նախատեսված Հայաստանի Հանրապետության կառավարության պահուստային ֆոնդի հաշվին:

Հայաստանի Հանրապետության վարչապետ

Հ. ԲԱԳՐԱՏյան

Հայաստանի Հանրապետության ԿԱՌԱՎԱՐՈՒԹՅԱՆ ԳՈՐԾԵՐԻ ԿԱՌԱՎԱՐԻՉ

Ս. ՄԱՆԱՍԱՐՅԱՆ

ՀԱՎԵԼՎԱԾ ՀՀ կառավարության 1994 թ. նոյեմբերի 3-ի N 518 որոշման

ՊԱՇՏՈՆԱՅԻՆ ԴՐՈՒՅՔԱՉԱՓԵՐ

ՌՈՒՍԱՍՏԱՆԻ ԴԱՇՆՈՒԹՅՈՒՆՈՒՄ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՌԵՎՏՐԱԿԱՆ ՆԵՐԿԱՅԱՑՈՒՑՉՈՒԹՅԱՆ ԱՇԽԱՏՈՂՆԵՐԻ

Պաշտոնի անվանումը	Հաստիքների թիվը	Տոկոսները առևտրական ներկայացուցչի պաշտոնային դրույքաչափի նկատմամբ
Ղեկավարություն
ՀՀ առևտրական ներկայացուցչի տեղակալ	2	85
Առևտրատնտեսական բաժին
Բաժնի պետ	1	75
Գլխավոր մասնագետ	3	70
Առաջատար մասնագետ	2	65
Տեղատվական-վերլուծական բաժին
Բաժնի պետ	1	75
Գլխավոր մասնագետ	1	70
Առաջատար մասնագետ	1	65
Վարչատնտեսական բաժին
Բաժնի պետ	1	70
ՀՀ առևտրական ներկայացուցչի օգնական	1	65
Հաշվապահ	1	40
Քարտուղար-գործավար	1	20
Վարորդ	1	20
Հավաքարար	1	10
Ընդամենը`	17

ՀԱՅԱՍՏԱՆի հանրապետության կԱՌԱՎԱՐՈՒԹՅԱՆ ԳՈՐԾԵՐԻ ԿԱՌԱՎԱՐիչ

Ս. ՄԱՆԱՍԱՐՅԱՆ