Հ Ա Մ Ա Ձ Ա Յ Ն Ա Գ Ի Ր
Հայաստանի Հանրապետության Ոստիկանության ԵՎ Եվրոպայում անվտանգության ԵՎ համագործակցության կազմակերպության միջԵՎ «ՀՀ ոստիկանության ԵրԵՎան քաղաքի վարչության Արաբկիրի բաժնի ԵՎ Արաբկիրի համայնքի ազգաբնակչության միջԵՎ գործընկերության հաստատում» ծրագրի իրականացման վերաբերյալ
Սույն Համաձայնագիրը (այսուհետ` Համաձայնագիր) կնքվել է Հայաստանի Հանրապետության ոստիկանության (այսուհետ` Իրականացնող գործընկեր) և Եվրոպայում անվտանգության և համագործակցության կազմակերպության երևանյան գրասենյակի (այսուհետ` ԵԱՀԿ) միջև, որոնք միասին կոչվում են Կողմեր:
Նկատի ունենալով, որ Իրականացնող գործընկերը ողջունում է «ՀՀ ոստիկանության Երևան քաղաքի վարչության Արաբկիրի բաժնի և Արաբկիրի համայնքի ազգաբնակչության միջև գործընկերության հաստատում» ծրագրի (այսուհետ` Ծրագիր) իրականացումը և համաձայնել է, ըստ անհրաժեշտության, համագործակցել Հայաստանի Հանրապետության կառավարական այլ մարմինների, ինչպես նաև ԵԱՀԿ-ի հետ` Ծրագրի արդյունքներին հասնելու նպատակով, և հաստատում է, որ այդ արդյունքներին հասնելը պայմանավորված է իր կողմից նման ակտիվ համագործակցությամբ,
նկատի ունենալով, որ ԵԱՀԿ մասնակից Պետությունների կողմից վստահվել է Ծրագրի իրականացման ֆինանսական և վարչական մոնիտորինգը,
նկատի ունենալով, որ ձեռք է բերվել համաձայնություն, որ Կողմերը համատեղ իրականացնում են Ծրագիրը, որի համար ԵԱՀԿ-ն ստացել է արտաբյուջետային միջոցներ ԵԱՀԿ մասնակից Պետությունների կողմից,
ՈՒՍՏԻ, ՆԵՐԿԱՅՈՒՄՍ, հաշվի առնելով և հիմնվելով սույն Համաձայնագրում սահմանված` Կողմերի ներկայացուցչությունների, երաշխիքների և փոխադարձ համաձայնության վրա, Կողմերը համաձայնեցին հետևյալի մասին.
| Հոդված 1. | Ծրագիրը |
Սույն Համաձայնագրի առարկա հանդիսացող Ծրագիրը նկարագրված է 1-ին Հավելվածում (Ծրագրի փաստաթուղթ) և 2-րդ Հավելվածում (Գործունեության պլան), որոնք կազմում են Համաձայնագրի անբաժանելի մասը:
| Հոդված 2. | Ծրագրի տևողությունը |
Ծրագրի տևողությունը կազմում է սույն Համաձայնագրի ուժի մեջ մտնելու պահից հետո տասներկու (12) օրացուցային ամիս: Ծրագրի իրականացումն սկսվում է սույն Համաձայնագրի ուժի մեջ մտնելու պահից երեք (3) օրացուցային օր հետո:
| Հոդված 3. | Իրականացնող գործընկերոջ պարտականությունները |
1. Իրականացնող գործընկերը պետք է ստանձնի սույն Համաձայնագրում և նրա Հավելվածներում նկարագրված խնդիրները` այնտեղ սահմանված ժամկետներում և եղանակով:
2. Իրականացնող գործընկերը պետք է մասնակցի 1-ին և 2-րդ Հավելվածներում նշված` Ծրագրի Գործադիր ղեկավար կոմիտեի հանդիպումներին ոստիկանության պետի մակարդակով:
3. Իրականացնող գործընկերը պետք է պատասխանատու և հաշվետու լինի ԵԱՀԿ-ին` երաշխավորելու համար, որ ԵԱՀԿ-ի կողմից տրամադրված բոլոր սարքավորումները և ապրանքները կօգտագործվեն բացառապես սույն Համաձայնագրում և նրա Հավելվածներում նկարագրված նպատակներով: Իրականացնող գործընկերոջ սույն պարտավորությունը պետք է ուժի մեջ մնա սույն Համաձայնագրի ժամկետը լրանալուց կամ դրա դադարելուց անկախ:
4. Իրականացնող գործընկերը Ծրագրով իր պարտականությունների կատարման համար պետք է աշխատանքի ընդունի անհրաժեշտ անձնակազմ և անհրաժեշտության դեպքում պետք է ուղղակիորեն պայմանագրային հարաբերությունների մեջ մտնի նրանց հետ` որպես գործատու: Նման անձնակազմը պետք է աշխատի Իրականացնող գործընկերոջ վերահսկողության և պատասխանատվության ներքո: ԵԱՀԿ-ն ոչ մի դեպքում չպետք է պատասխանատու լինի Իրականացնող գործընկերոջ կողմից Ծրագրով ստանձնած պարտականությունները կատարելու նպատակով աշխատանքի ընդունված անձնակազմի համար:
5. Հնարավորության սահմաններում Իրականացնող գործընկերը պետք է երաշխավորի, որ սույն Ծրագրով իրականացվող ուսումնական ծրագրերի մասնակիցները կշարունակեն իրենց համապատասխան գործառույթները Իրականացնող գործընկերոջ կառույցներում ուսումնական դասընթաց(ներ)ը անցնելուց առնվազն տասներկու (12) օրացուցային ամիս հետո, և որ Արաբկիրի ոստիկանության պետը պետք է շարունակի իր գործառույթների կատարումը առնվազն մինչև Ծրագրի իրականացման ավարտը:
6. Ծրագրի իրականացման, նրա մոնիտորինգի և Ծրագրի ազդեցության հետագա գնահատման նպատակներով Իրականացնող գործընկերը պետք է թույլատրի ԵԱՀԿ-ին, նրա պաշտոնյաներին և փորձագետներին անսահմանափակ մատչելիություն բոլոր հնարավոր գրագրության, տեղեկատվության և վայրերի նկատմամբ` բացառությամբ այն դեպքերի, երբ նման մատչելիությունը սահմանափակվում է կանոնակարգերով և ազգային օրենսդրությամբ` ելնելով հանրային և/կամ ազգային անվտանգության նկատառումներից:
7. Իրականացնող գործընկերը ԵԱՀԿ պաշտոնյաներին և փորձագետներին, որոնք ընդգրկված են Ծրագրի իրականացման մեջ, պետք է անվճար ապահովի համապատասխան գրասենյակային տարածքով Արաբկիրի ոստիկանության բաժնում:
8. Իրականացնող գործընկերը պետք է ապահովի բոլոր հարմարությունները և մեխանիզմները, որոնք անհրաժեշտ են ԵԱՀԿ-ին Ծրագրի իրականացման մոնիտորինգն իրականացնելու համար:
| Հոդված 4. | ԵԱՀԿ պարտավորությունները |
ԵԱՀԿ-ն պետք է.
1. իրականացնի սույն Համաձայնագրի Հավելվածներում սահմանված խնդիրները.
2. գնի Ծրագրի իրականացման համար անհրաժեշտ սարքավորումները և այլ ապրանքները, ինչպես նշված է սույն Համաձայնագրի Հավելվածներում, ԵԱՀԿ գնումների կանոնների համաձայն.
3. համակարգի և մոնիտորինգ իրականացնի Ծրագրի իրականացման և հատկացված միջոցների պատշաճ կառավարման նկատմամբ:
| Հոդված 5. | Բյուջեն և վճարումները |
1. Ծրագրի բյուջեն պետք է սահմանվի սույն Համաձայնագրի 1-ին Հավելվածում: ԵԱՀԿ-ն ոչ մի դեպքում չպետք է կրի Ծրագրի իրականացման համար 1-ին Հավելվածում սահմանված գումար(ներ)ը գերազանցող ծախսերը:
2. Ծրագրի հաստատումը և դրա իրականացման մեկնարկը չպետք է պարտավորություն հանդիսանան ԵԱՀԿ-ի համար` իրականացնել Ծրագիրը կամ դրա որևէ մասը:
3. Ծրագրի գործողությունների համար միջոցների օգտագործումը պետք է ենթակա լինի ներքին և արտաքին աուդիտի, ինչպես կարող է պահանջվել ԵԱՀԿ ֆինանսական կանոններով:
| Հոդված 6. | Հաշվետվության կարգը |
1. Ի լրումն սույն Համաձայնագրի 1-ին և 3-րդ Հավելվածներում սահմանված հաշվետվության պահանջների` Իրականացնող գործընկերը, ըստ պահանջի, պետք է ներկայացնի հաշվետվություններ, որոնք կներառեն.
ա) ձեռնարկված գործողությունների հակիրճ նկարագիրը.
բ) տեղեկատվություն նպատակներին հասնելու վերաբերյալ.
գ) գործողություններով ստեղծված ազդեցության գնահատումը, ներառյալ տեղ գտած որևէ խնդիրը կամ հաջողությունը:
2. Պատմողական հաշվետվությունները պետք է ներկայացվեն երկու օրինակից. մեկը` հայերեն, մեկը` անգլերեն:
3. Ծրագրի իրականացումն ավարտելուց հետո` երեսուն (30) օրվա ընթացքում, Կողմերը պետք է պատրաստեն վերջնական ֆինանսական հաշվետվություն, որը պետք է պարունակի Ծրագրի ֆինանսական վիճակի մասին մանրամասն տեղեկատվություն, ներառյալ եկամուտը, ծախսերը և չծախսված հաշվեկշիռը: Վերջնական ֆինանսական հաշվետվությունը պետք է պարունակի նաև լրացուցիչ տեղեկատվություն` կապված ԵԱՀԿ կողմից Ծրագրի իրականացման նպատակով սարքավորումները և/կամ ապրանքները Իրականացնող գործընկերոջը որպես սեփականություն փոխանցելու հետ:
4. Վերջնական ֆինանսական հաշվետվությունը պետք է կազմվի անգլերեն, երկու (2) օրինակից, յուրաքանչյուր Կողմի համար` մեկական:
| Հոդված 7. | Սարքավորումները և այլ ապրանքները |
1. Բոլոր սարքավորումները և այլ ապրանքները, որոնք գնվում են ԵԱՀԿ կողմից, համաձայն վերը նշված 4-րդ հոդվածի 2-րդ կետի, ազատվում են բոլոր մաքսային տուրքերից, գանձումներից, հարկերից և այլ վճարներից:
2. Ծրագրի շրջանակում ԵԱՀԿ կողմից, համաձայն վերը նշված 4-րդ հոդվածի 2-րդ կետի և 7-րդ հոդվածի 1-ի կետի, գնված սարքավորումները և/կամ ապրանքները Իրականացնող գործընկերոջ կողմից նշված վայր առաքվելուց երեսուն (30) օրվա ընթացքում ԵԱՀԿ-ն պետք է մատչելի դարձնի նշված սարքավորումները և ապրանքները Իրականացնող գործընկերոջ համար, իսկ Իրականացնող գործընկերը պետք է տիրապետի սարքավորումները և ապրանքները:
3. ԵԱՀԿ կողմից սույն Համաձայնագրով գնված սարքավորումները և ապրանքները տիրապետելիս Իրականացնող գործընկերը պետք է ստանձնի ամբողջ պատասխանատվությունը` զերծ պահելով ԵԱՀԿ-ին որևէ պահանջից, որը ուղղակիորեն կամ անուղղակիորեն բխում է սարքավորումների և ապրանքների կամ դրանց հետ կապված շահագործումից և պահպանությունից, վարելով ճշգրիտ գույքագրման հսկողության տվյալներ, որոնք վերաբերում են սարքավորումներին և ապրանքներին: Նշված տվյալները, ըստ պահանջի, պետք է մատչելի լինեն ԵԱՀԿ-ին:
4. Ծրագրի իրականացումն ավարտելուց հետո Ծրագրի իրականացման նպատակներով սույն Համաձայնագրով ԵԱՀԿ կողմից գնված սարքավորումների և/կամ ապրանքների հանդեպ սեփականության իրավունքը ԵԱՀԿ կողմից պետք է փոխանցվի Իրականացնող գործընկերոջը: Վերջնական ֆինանսական հաշվետվությունը պետք է պարունակի այդ փոխանցման բոլոր մանրամասները:
| Հոդված 8. | Պարտավորությունը |
1. Իրականացնող գործընկերը պետք է ԵԱՀԿ-ին զերծ պահի որևէ հայցից, կորստից և վնասից, որոնք ԵԱՀԿ-ն կարող է կրել որպես ուղղակի կամ անուղղակի հետևանք Ծրագրում իր մասնակցությունից կամ դրանից բխող հանգամանքների արդյունքում:
2. Իրականացնող գործընկերը և նրա վերահսկողության տակ գտնվող անձնակազմը պետք է խուսափեն ցանկացած գործողությունից, որը կարող է բացասաբար անդրադառնալ ԵԱՀԿ հեղինակության և կարգավիճակի վրա:
3. Իրականացնող գործընկերը պետք է ապահովի և պահպանի համապատասխան ապահովագրություն երրորդ կողմի պարտավորության նկատմամբ:
| Հոդված 9. | Հրապարակայնությունը |
ԵԱՀԿ կողմից Ծրագրի գործունեության ֆինանսավորումը պետք է լուսաբանվի Ծրագրի հետ կապված ցանկացած տպագիր նյութում: Իրականացնող գործընկերն իր տպագիր նյութերում, ելույթներում ու մամուլի հրապարակումներում կամ լրատվության այլ համանման միջոցներով պետք է հիշատակի ԵԱՀԿ մասնակցության վերաբերյալ:
| Հոդված 10. | Հաղորդակցությունը |
Ծրագրի իրականացման հետ կապված հաղորդակցությունը պետք է հասցեագրվի հետևյալ կերպով.
|
Հայաստանի Հանրապետության Հեռախոս` +374 1 58 71 25 Ֆաքս` +374 1 58 71 25, 54 81 37 Էլ. փոստ` staffmia@arminco.com |
ԵԱՀԿ-ի համար` Հեռախոս` +374 1 54 10 62, ներքին` 115 Ֆաքս` +374 1 54 10 61 Էլ. փոստ` Carel.Hofstra@osce.org |
| Հոդված 11. | Վեճերի լուծումը |
Սույն Համաձայնագրի մեկնաբանումից, իրականացումից և/կամ կիրառումից ծագող բոլոր վեճերը, տարաձայնությունները կամ պահանջները պետք է Կողմերի միջև լուծվեն բանակցությունների և խորհրդակցությունների միջոցով: Այն դեպքում, եթե Կողմերին չի հաջողվում վեճը լուծել բանակցային ճանապարհով, այն լուծվում է արբիտրաժային դատարանի միջոցով: Արբիտրաժային դատարանը ղեկավարվում է UNCITRAL արբիտրաժային կանոններով։
Նշանակող մարմին պետք է լինի Հաագայի արբիտրաժային դատարանը: Արբիտրների քանակը պետք է լինի մեկ (1): Դատավարության վայր պետք է հանդիսանա Վիեննան. Ավստրիա: Դատավարության ժամանակ օգտագործվող լեզուն պետք է լինի անգլերենը: Արբիտրի որոշումը պետք է վերջնական և պարտադիր լինի Կողմերի համար:
| Հոդված 12. | Արտոնությունները և անձեռնմխելիությունը |
Սույն Համաձայնագրում ոչինչ չի կարող դիտվել որպես ԵԱՀԿ-ի և նրա աշխատակազմի համար սահմանված արտոնությունները և անձեռնմխելիությունը սահմանափակող։
| Հոդված 13. | Ուժի մեջ մտնելը, դադարեցումը և փոփոխումը |
1. Սույն Համաձայնագիրը պետք է ուժի մեջ մտնի անհրաժեշտ ներպետական ընթացակարգերը կատարելու մասին Կողմերի գրավոր ծանուցումը ստանալու օրվանից և պետք է ուժի մեջ մնա մինչև սույն Համաձայնագրից բխող պարտավորությունների կատարումը, եթե Կողմերից մեկը չի դադարեցնում վաղաժամկետ` այդ մասին ոչ պակաս, քան երեսուն (30) օրացուցային օր առաջ գրավոր ծանուցում տալու միջոցով, կամ անմիջապես ԵԱՀԿ կողմից` Իրականացնող գործընկերոջ կողմից սույն Համաձայնագրով պարտավորությունները լրիվ կամ մասնակիորեն չկատարվելու դեպքում: Դադարեցման դեպքում ԵԱՀԿ` Ծրագրի իրականացման հետ կապված բոլոր պարտավորությունները պետք է անմիջապես դադարեն:
2. Ծրագրի իրագործելիությունը կասկածի տակ դնող կամ Ծրագրում էական փոփոխություններ կատարելու անհրաժեշտություն առաջացնող հանգամանքներ ի հայտ գալու դեպքում Իրականացնող գործընկերը, նախքան Ծրագրի իրականացումը շարունակելը կամ նախքան նման փոփոխություններ մտցնելը, պետք է ստանա ԵԱՀԿ գրավոր համաձայնությունը։ Սույն Համաձայնագրի բոլոր փոփոխությունները պետք է ենթակա լինեն երկու Կողմերի համաձայնությանը և ամրագրվեն սույն Համաձայնագրի լրացուցիչ արձանագրությունում, որը կկազմի նրա անբաժանելի մասը: Ցանկացած նման արձանագրություն պետք է ուժի մեջ մտնի սույն հոդվածի 1-ին կետում նկարագրված ընթացակարգի համաձայն:
Սույն Համաձայնագիրն ստորագրվել է Երևան քաղաքում, 2007 թ. մարտի 20-ին, երկու բնօրինակով, յուրաքանչյուրը` հայերեն և անգլերեն: Երկու տեքստերն էլ հավասարազոր են: Սույն Համաձայնագրի դրույթների մեկնաբանման ժամանակ անհամաձայնություն առաջանալու դեպքում գերակայում է անգլերեն տարբերակը:
Համաձայնագիրն ուժի մեջ է մտել 2007 թ. մայիսի 29-ին: