ՀՀ ԵՐԵՎԱՆ ՔԱՂԱՔԻ ԱՎԱԳԱՆՈՒ ՈՐՈՇՈՒՄԸ ԵՐԵՎԱՆ ՔԱՂԱՔԻ ԱՎԱԳԱՆՈՒ 2025 ԹՎԱԿԱՆԻ ԴԵԿՏԵՄԲԵՐԻ 23-Ի N 463-Ն ՈՐՈՇՄԱՆ ՄԵՋ ԼՐԱՑՈՒՄ ԿԱՏԱՐԵԼՈՒ ՄԱՍԻՆ

ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ

ԵՐԵՎԱՆ ՔԱՂԱՔԻ ԱՎԱԳԱՆԻ

Ղեկավարվելով «Նորմատիվ իրավական ակտերի մասին» օրենքի 34-րդ հոդվածով.

 Երևան քաղաքի ավագանին որոշում է.

1. Երևան քաղաքի ավագանու 2025 թվականի դեկտեմբերի 23-ի «Երևան քաղաքի սեփականություն հանդիսացող գույքը օգտագործման տրամադրելու և օտարման 2026 թվականի ծրագրի (ներառյալ` իրավաբանական անձի կանոնադրական կապիտալում համայնքի մասնակցության) վերաբերյալ» N 463-Ն որոշման 1-ին կետով հաստատված հավելվածի 3-րդ կետից հետո լրացնել նոր 3.1-ին կետ՝ հետևյալ բովանդակությամբ.

«3.1. Երևան քաղաքի սեփականությունը հանդիսացող շենքերը և շինությունները, առանց Երևան քաղաքի ավագանու նախնական համաձայնության, Երևանի քաղաքապետի որոշմամբ կարող են քանդվել (ապամոնտաժվել), եթե դրանց քանդումը (ապամոնտաժումը) իրականացվում է հանրային անվտանգության ապահովման նպատակով կամ պայմանավորված է քաղաքաշինական ծրագրերի իրականացման անհրաժեշտությամբ՝ օրենքով և այլ իրավական ակտերով սահմանված պահանջների պահպանմամբ։»:

2. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:

Երևանի քաղաքապետ`	Տ. Ավինյան
2026 թ. սեպտեմբերի 8 Երևան

Պաշտոնական հրապարակման օրը՝ 11 սեպտեմբերի 2026 թվական: