ՀՀ ԿԱՌԱՎԱՐՈՒԹՅԱՆ ՈՐՈՇՈՒՄԸ ԱՆՇԱՐԺ ԳՈՒՅՔ ԱՆՀԱՏՈՒՅՑ ՕԳՏԱԳՈՐԾՄԱՆ ԻՐԱՎՈՒՆՔՈՎ ՏՐԱՄԱԴՐԵԼՈՒ ՄԱՍԻՆ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

3 սեպտեմբերի 2026 թվականի N 1310-Ա

ԱՆՇԱՐԺ ԳՈՒՅՔ ԱՆՀԱՏՈՒՅՑ ՕԳՏԱԳՈՐԾՄԱՆ ԻՐԱՎՈՒՆՔՈՎ ՏՐԱՄԱԴՐԵԼՈՒ ՄԱՍԻՆ

Հիմք ընդունելով «Պետական գույքի կառավարման մասին» օրենքի 30-րդ հոդվածի 2-րդ մասի 3-րդ կետը, Հայաստանի Հանրապետության կառավարության 2023 թվականի ապրիլի 21-ի N 595-Ն որոշմամբ հաստատված N 1 հավելվածի 3-րդ կետը` Հայաստանի Հանրապետության կառավարությունը որոշում է.

1. Հայաստանի Հանրապետության սեփականությունը հանդիսացող՝ քաղաք Երևան, Քանաքեռ-Զեյթուն Կ․ Ուլնեցու փողոց 31 շենք հասցեում գտնվող 9,489,634․0 դրամ սկզբնական արժեքով 108 քառ․ մետր ընդհանուր մակերեսով կաթսայատունը և 0,2433 հա ընդհանուր բաժնային սեփականություն հանդիսացող հողամասը (կադաստրային ծածկագիր՝ 01-012-0334-0013-003, անշարժ գույքի նկատմամբ իրավունքների պետական գրանցման վկայական N 05092017-01-0116, այսուհետ՝ անշարժ գույք) անժամկետ անհատույց օգտագործման իրավունքով տրամադրել Հայաստանի տարածքային զարգացման հիմնադրամին (գրանցման համար՝ 222․160․02351/2000-09-13, այսուհետ՝ հիմնադրամ) կանոնադրական գործառույթներին համապատասխան գործունեություն իրականացնելու համար։

2. Հայաստանի Հանրապետության տարածքային կառավարման և ենթակառուցվածքների նախարարության պետական գույքի կառավարման կոմիտեի նախագահին՝ սույն որոշումն ուժի մեջ մտնելուց հետո երկամսյա ժամկետում հիմնադրամի հետ կնքել 2024 թվականի հոկտեմբերի 30-ին կնքված ոչ բնակելի տարածքի անհատույց օգտագործման թիվ 56/0024 պայմանագրում սույն որոշման 1-ին կետից բխող փոփոխություններ կատարելու վերաբերյալ համաձայնագիր (այսուհետ՝ համաձայնագիր)՝ դրանում նախատեսելով, որ անշարժ գույքի հանձնումը կիրականացվի համաձայնագրի կնքման օրվանից սկսած մեկամսյա ժամկետում, համաձայնագրի նոտարական վավերացման և համաձայնագրից ծագող գույքային իրավունքների պետական գրանցման ծախսերը ենթակա են իրականացման հիմնադրամի միջոցների հաշվին։

Հայաստանի Հանրապետության վարչապետ	Ն. Փաշինյան
Երևան

03.09.2026 ՀԱՎԱՍՏՎԱԾ Է ԷԼԵԿՏՐՈՆԱՅԻՆ ՍՏՈՐԱԳՐՈՒԹՅԱՄԲ