ԲՆՈՒԹԱԳՐԵՐ

ապրանքի նույնականացման միջոցի, ապրանքի նույնականացման միջոցում պարունակվող տեղեկատվության կազմին ու կառուցվածքին ներկայացվող պահանջներ, նույնականացման այդ միջոցի գեներացման և զետեղման կարգ

1. Սույն փաստաթուղթը մշակվել է «Եվրասիական տնտեսական միությունում նույնականացման միջոցներով ապրանքների դրոշմավորման մասին» 2018 թվականի փետրվարի 2-ի համաձայնագրի 5-րդ հոդվածի 1-ին կետի «ա» ենթակետին համապատասխան։

2. Եվրասիական տնտեսական հանձնաժողովի խորհրդի 2025 թվականի դեկտեմբերի 5-ի թիվ 122 որոշմամբ հաստատված՝ նույնականացման միջոցներով դրոշմավորման ենթակա ապրանքների ցանկում նշված սննդամթերքի (այսուհետ՝ ապրանքներ) առանձին տեսակների սպառողական և խմբային փաթեթվածքի դրոշմավորման համար օգտագործվում է նույնականացման միջոց՝ մեքենայական ընթերցման համար պիտանի և ԻՍՕ/ՄԷՀ 16022:2006 «Տեղեկատվական տեխնոլոգիաներ․ Տվյալների ավտոմատ նույնականացման և հավաքման տեխնոլոգիաներ․ Data Matrix ստվերագծային ծածկագրի պայմանանշանների ամբողջության մասնագիր» (ISO/IEC 16022:2006 «Information technology - Automatic identification and datacapture techniques - Data Matrix barcode symbology specification») միջազգային ստանդարտի կամ դրան նույնական՝ Եվրասիական տնտեսական միության անդամ պետության (անդամ պետություն) ազգային ստանդարտի պահանջներին համապատասխան ձևավորված՝ Data Matrix GS1 ձևաչափով՝ երկչափ ստվերագծային ծածկագրի տեսքով ներկայացված՝ պայմանանշանների եզակի հաջորդականություն։ Դրոշմավորման ծածկագիրը նույնականացման միջոցի փոխակերպելիս պետք է կիրառվի ЕСС 200 սիմվոլիկան՝ օգտագործելով FNC1 նշանը՝ որպես (AI) GS1 կիրառման նույնականացուցիչների տիպային ձևաչափին տվյալների համապատասխանության հատկանիշ։

3. Նույնականացման միջոցն իր մեջ ներառում է հետևյալ տվյալները՝

տվյալների առաջին խումբ (կիրառման նույնականացուցիչ (01))՝ առևտրային միավորի գլոբալ նույնականացման համարը (GTIN), որը կազմված է 14 թվային պայմանանշաններից․

տվյալների երկրորդ խումբ (կիրառման նույնականացուցիչ (21))՝ ապրանքի (ապրանքի փաթեթվածքի) անհատական սերիական համարը, որը կազմված է 13 պայմանանշանից՝ (թվանշաններից, լատինական այբուբենի փոքրատառերից և մեծատառերից, ինչպես նաև հատուկ պայմանանշաններից (! ” % & ’ * + - . / _ , : ; = <> ?))։ Որպես առաջին պայմանանշան՝ նշվում է այն անդամ պետության նույնականացուցիչը, որտեղ տվյալ ծածկագիրը թողարկվել է (1 կամ A(a)՝ Հայաստանի Հանրապետություն, 2 կամ B(b)՝ Բելառուսի Հանրապետություն, 3 կամ C(c)՝ Ղազախստանի Հանրապետություն, 4 կամ D(d)՝ Ղրղզստանի Հանրապետություն, 5 կամ E(e)՝ Ռուսաստանի Դաշնություն)։ Որպես ավարտական պայմանանշան՝ տվյալ խմբի համար օգտագործվում է ASCII պայմանանշանների աղյուսակում 29 ծածկագիր ունեցող հատուկ բաժանիչ պայմանանշանը․

տվյալների երրորդ խումբ (կիրառման նույնականացուցիչ (91))՝ ստուգման բանալի, որը կազմված է 4 պայմանանշանից (թվանշաններից, լատինական այբուբենի փոքրատառերից և մեծատառերից)։ Որպես ավարտական պայմանանշան՝ տվյալ խմբի համար օգտագործվում է ASCII պայմանանշանների աղյուսակում 29 ծածկագիր ունեցող հատուկ բաժանիչ պայմանանշանը․

տվյալների չորրորդ խումբ (կիրառման նույնականացուցիչ (92))՝ ստուգման ծածկագիր, որը կազմված է 44 պայմանանշանից (թվանշաններից, լատինական այբուբենի փոքրատառերից և մեծատառերից, ինչպես նաև հատուկ պայմանանշաններից)։

Տվյալների երրորդ ու չորրորդ խմբերն օգտագործվում են Եվրասիական տնտեսական հանձնաժողովի խորհրդի 2021 թվականի ապրիլի 23-ի «Եվրասիական տնտեսական միությունում նույնականացման միջոցներով ապրանքների դրոշմավորման դեպքում գաղտնագրային պաշտպանության միասնական մեխանիզմների մասին» թիվ 41 որոշման 1-ին կետի «ա» և «բ» ենթակետերին համապատասխան» (այսուհետ՝ Հանձնաժողովի խորհրդի թիվ 41 որոշում)։

Եթե ապրանքների շրջանառության մասնակիցը չունի տվյալների չորս խումբ պարունակող նույնականացման միջոցի զետեղման հնարավորություն՝ կապված սպառողական փաթեթվածքի չափերի հետ, որոնք թույլ չեն տալիս զետեղել սույն փաստաթղթի 2-րդ կետում նշված միջազգային ստանդարտի կամ դրան նույնական՝ անդամ պետության ազգային ստանդարտի պահանջներին համապատասխանող չափով և որակով Data Matrix պայմանանշան, ապա շրջանառության այդ մասնակիցն իրավունք ունի կիրառելու տվյալների երեք խումբ ներառող նույնականացման միջոց։

Այդ դեպքում տվյալների երրորդ խումբը (կիրառման նույնականացուցիչ (93)) պարունակում է ստուգման ծածկագիր, որը բաղկացած է 4 պայմանանշանից (թվանշաններից, լատինական այբուբենի փոքրատառերից և մեծատառերից, ինչպես նաև հատուկ պայմանանշաններից) և օգտագործվում է Հանձնաժողովի խորհրդի թիվ 41 որոշման 1-ին կետի «գ» ենթակետին համապատասխան։

Տվյալների չորս կամ երեք խումբ պարունակող նույնականացման միջոց կիրառելու մասին որոշումն ապրանքների շրջանառության մասնակիցը կայացնում է ինքնուրույն՝ հաշվի առնելով սույն կետի դրույթները։

4. Ապրանքների նույնականացման միջոցները ձևավորվում են անդամ պետությունների նույնականացման միջոցներ թողարկողների կամ ապրանքների շրջանառության մասնակիցների կողմից։

5. Ապրանքները դրոշմավորվում են՝ սպառողական փաթեթվածքի վրա նույնականացման միջոցի կամ նույնականացման միջոց պարունակող նյութական կրիչի զետեղման միջոցով՝ սպառողական փաթեթվածքից դրանց առանց վնասելու առանձնացումը բացառող եղանակով։

6. Դրոշմավորված ապրանքները խմբային փաթեթվածքի մեջ լրակազմելիս այդ փաթեթվածքի վրա կարող է զետեղվել նույնականացման միջոցը կամ նույնականացման միջոց պարունակող նյութական կրիչը՝ այդպիսի փաթեթվածքում տեղադրված ապրանքների նույնականացման միջոցների միավորմամբ։

7. Դրոշմավորված ապրանքները տրանսպորտային փաթեթվածքի մեջ լրակազմելիս այդ տրանսպորտային փաթեթվածքի վրա կարող է զետեղվել տրանսպորտային փաթեթվածքի նույնականացման ծածկագիրը պարունակող տրանսպորտային փաթեթվածքի նույնականացման միջոցը՝ այդ փաթեթվածքի մեջ տեղադրված ապրանքների նույնականացման միջոցների միավորմամբ։

Տրանսպորտային փաթեթվածքի նույնականացման միջոցի ձևավորումը և տրանսպորտային փաթեթվածքի դրոշմավորումն իրականացվում են GS1 միջազգային ստանդարտներին համապատասխան: Տրանսպորտային փաթեթվածքի դրոշմավորման ժամանակ տրանսպորտային փաթեթվածքի վրա զետեղվող ոչ պարտադիր տեղեկատվական դաշտերի կազմը սահմանվում է տրանսպորտային փաթեթվածքի մեջ ապրանքների լրակազմում իրականացնող՝ ապրանքների շրջանառության մասնակցի կողմից:

ՀԱՍՏԱՏՎԱԾ ԵՆ Եվրասիական տնտեսական հանձնաժողովի խորհրդի 2025 թվականի դեկտեմբերի 5-ի թիվ 122 որոշմամբ

ՊԱՀԱՆՋՆԵՐ

1. Ապրանքների դրոշմավորման տեղեկատվական համակարգի ազգային բաղադրիչների ազգային օպերատորների (ադմինիստրատորների) (այսուհետ՝ օպերատորներ) միջև տեղեկատվական փոխգործակցություն իրականացնելիս փոխանցվում են Եվրասիական տնտեսական հանձնաժողովի խորհրդի 2025 թվականի դեկտեմբերի 5-ի թիվ 122 որոշմամբ հաստատված՝ նույնականացման միջոցներով դրոշմավորման ենթակա ապրանքների ցանկում (այսուհետ՝ ապրանքների ցանկ, ապրանք) ներառված սպառողական փաթեթվածքում սննդամթերքի մակնշված առանձին տեսակների և հետևյալ ստանդարտներին համապատասխան` XML-ձևաչափով դրանց նույնականացման միջոցների մասին տեղեկությունները (այսուհետ՝ տեղեկություններ)․

«Extensible Markup Language (XML) 1.0 (Fifth Edition)» (հրապարակվել է «Ինտերնետ» տեղեկատվական հեռահաղորդակցական ցանցում http://www.w3.org/TR/REC-xml հասցեով).

«Name spacesin XML 1.0 (Third Edition)»՝ (հրապարակվել է «Ինտերնետ» տեղեկատվական հեռահաղորդակցական ցանցում http://www.w3.org/TR/REC-xml-names հասցեով).

«XML Schema Part 1: Structures Second Edition» и «XML Schema Part 2: Data types Second Edition»՝ (հրապարակվել են «Ինտերնետ» տեղեկատվական-հեռահաղորդակցական ցանցում http://www.w3.org/TR/xmlschema-1/ и http://www.w3.org/TR/xmlschema-2/ հասցեներով)։

2. Տեղեկությունների ձևաչափին, կազմին և կառուցվածքին ներկայացվող պահանջները բերված են Եվրասիական տնտեսական հանձնաժողովի խորհրդի 2021 թվականի մարտի 5-ի թիվ 19 որոշմամբ հաստատված՝ Եվրասիական տնտեսական միությունում նույնականացման միջոցներով ապրանքների դրոշմավորման համակարգի բազային տեխնոլոգիական կազմակերպական մոդելի (այսուհետ՝ բազային մոդել) հավելվածի 1-4-րդ, 7-8-րդ և 11-12-րդ աղյուսակներում, ինչպես նաև սույն պահանջների 1-4-րդ աղյուսակներում։

3. Սույն պահանջների 1-4-րդ աղյուսակների դաշտերի (սյունակների) ձևավորումը, ինչպես նաև տարրերի բազմաքանակությունը նշելու համար նշագրերի կիրառումն իրականացվում են բազային մոդելի հավելվածի 3-րդ և 4-րդ կետերին համապատասխան։

4. Տեղեկությունները փոխանցվում են իրական ժամանակի ռեժիմով՝ հաշվի առնելով բազային մոդելի դրույթները։

Աղյուսակ 1

Ապրանքի բնութագրերի մասին տեղեկությունների ցանկ

Համարը	Անվանումը	Նկարագրությունը	Ծանոթագրությունը	Բազմ.
1	Ապրանքի ֆունկցիոնալ անվանում (ապրանքի տեսակ)	ապրանքի միավորի ֆունկցիոնալ անվանում	ապրանքի ընդհանուր նկարագրություն (այն արտադրանքի տիպի անվանումը, որին դասվում է ապրանքը, օրինակ՝ «չորահացեր», «բատոն», «դարչին» և այլն)	1
2	Ապրանքի անվանումը պիտակի վրա		ձևավորվում է ազատ ձևով	1
3	Ապրանքային նշան (բրենդ)	տեղեկություններ ապրանքային նշանի (բրենդի, առևտրային նշանի) մասին	նպատակային շուկայում կոնկրետ արտադրողի ապրանքների դիրքավորման ժամանակ օգտագործվող նշագիր։ Բացակայության դեպքում նշվում է «բացակայում է»	1
4	Ապրանքի զտաքաշ կամ ծավալ	սպառողական փաթեթվածքում ապրանքի զտաքաշը կամ դրա ծավալը՝ չափման միավորի նշմամբ (գ, կգ, մլ, լ)		1
5	Գենետիկորեն մոդիֆիկացված օրգանիզմների (ԳՄՕ) պարունակության հատկանիշ	արտադրանքի կազմում գենետիկորեն մոդիֆիկացված օրգանիզմների (ԳՄՕ) օգտագործմամբ ստացված բաղադրիչների առկայության հատկանիշ	հատկանիշն ընդունում է հետևյալ արժեքը՝ «այո»՝ արտադրանքը պարունակում է ԳՄՕ․ «ոչ»՝ մնացած դեպքերում	1
6	Հումքի հիմնական տեսակ		տարրը պարտադիր է ԵԱՏՄ ԱՏԳ ԱԱ 1904 10, 1905 10 000 0, 1905 40, 1905 90 550 0, 1905 90 900 0, 2005 20 200 0, 2005 20 800 0, 2209 00 դիրքերում դասակարգվող ապրանքների համար	0..1
7	Մանկական սննդի արտադրանքի հատկանիշ	ապրանքի՝ մանկական սննդին պատկանելության հատկանիշ	հատկանիշն ընդունում է հետևյալ արժեքը՝ «այո»՝ մանկական սնունդ. «ոչ»՝ մնացած դեպքերում	1
8	Ապրանքի բաղադրություն	ապրանքի որակական կազմի նկարագրություն	ձևավորվում է ազատ ձևով,	1
9	Արտադրության/մշակման եղանակը (տեսակը)		նշվում է արտադրության/մշակման եղանակը (տեսակը) Տարրը պարտադիր է ԵԱՏՄ ԱՏԳ ԱԱ 0904 10, 0910 20 000 10 դիրքերում դասակարգվող ապրանքների համար	0..1
10	Սննդային արժեքի նշմանը ներկայացվող պահանջների առկայության հատկանիշ		հատկանիշն ընդունում է հետևյալ արժեքը՝ «այո»՝ առկա են նորմատիվ պահանջներ (տեխնիկական կանոնակարգեր և այլ նորմատիվ փաստաթղթեր), որոնցով սահմանվում են փաթեթվածքի վրա սննդային արժեքի մասին տեղեկատվության նշմանը ներկայացվող պահանջները․ «ոչ»՝ մնացած դեպքերում Տարրը պարտադիր է ԵԱՏՄ ԱՏԳ ԱԱ 0712 20 000 0, 0712 90 900 0, 0904-0910, 1211 90 860 8, 2103, 2209 00 դիրքերում դասակարգվող ապրանքների համար	0..1
11	Սպիտակուցների, ճարպերի, ածխաջրերի չափման միավոր	սպառողական փաթեթվածքի տեղեկատվությանը համապատասխան սպիտակուցների, ճարպերի և ածխաջրերի չափման միավոր	նշվում է հետևյալ արժեքներից մեկը․ «գ/100գ». «գ/100մլ». «գ/բաժին»	1
12	Սպիտակուցներ	սպիտակուցների քանակը	լրացվում է սպառողական փաթեթվածքի վրա նշված տեղեկատվությանը համապատասխան՝ տիպի նշմամբ («Ճշգրիտ արժեք», «Սկսած», «Մինչև») Տվյալ բնութագրի բացակայության դեպքում նշվում է «0» արժեքը	1..3
13	Ճարպեր	ճարպերի քանակը	լրացվում է սպառողական փաթեթվածքի վրա նշված տեղեկատվությանը համապատասխան՝ տիպի նշմամբ («Ճշգրիտ արժեք», «Սկսած», «Մինչև») Տվյալ բնութագրի բացակայության դեպքում նշվում է «0» արժեքը	1..3
14	Ածխաջրեր	ածխաջրերի քանակ	լրացվում է սպառողական փաթեթվածքի վրա նշված տեղեկատվությանը համապատասխան՝ տիպի նշմամբ («Ճշգրիտ արժեք», «Սկսած», «Մինչև») Տվյալ բնութագրի բացակայության դեպքում նշվում է «0» արժեքը	1..3
15	Էներգետիկ արժեքի չափման միավոր, կկալ	նշվում է էներգետիկ արժեքի չափման միավորը (կիլոկալորիաներով)՝ սպառողական փաթեթվածքի վրա նշված տեղեկատվությանը համապատասխան	նշվում է հետևյալ արժեքներից մեկը՝ «կկալ/100գ»; «կկալ/100մլ». «կկալ/բաժին»	1
16	Էներգետիկ արժեք, կկալ		լրացվում է սպառողական փաթեթվածքի վրա նշված տեղեկատվությանը համապատասխան՝ տիպի նշմամբ («Ճշգրիտ արժեք», «Սկսած», «Մինչև») Տվյալ բնութագրի բացակայության դեպքում նշվում է «0» արժեքը	1..3
17	Էներգետիկ արժեքի չափման միավոր, կՋ	նշվում է էներգետիկ արժեքի չափման միավորը (կիլոջոուլներով)՝ սպառողական փաթեթվածքի վրա նշված տեղեկատվությանը համապատասխան	նշվում է հետևյալ արժեքներից մեկը՝ «կՋ/100գ». «կՋ/100մլ». «կՋ/բաժին»	0..1
18	Էներգետիկ արժեք, կՋ		լրացվում է սպառողական փաթեթվածքի վրա նշված տեղեկատվությանը համապատասխան՝ տիպի նշմամբ («Ճշգրիտ արժեք», «Սկսած», «Մինչև») Տվյալ բնութագրի բացակայության դեպքում նշվում է «0» արժեքը	0..3
19	Քացախաթթվի պարունակությունը		տարրը պարտադիր է ԵԱՏՄ ԱՏԳ ԱԱ 2209 00 դիրքում դասակարգվող ապրանքների համար	0..1
20	Փաթեթվածքի տիպը	GS1 ստանդարտների հետ ներդաշնակեցված՝ փաթեթվածքների տիպերի անվանումների օգտագործման հիման վրա ձևավորված սպառողական փաթեթվածքի տիպի նկարագրություն		1
21	Փաթեթվածքի նյութ	GS1 ստանդարտների հետ ներդաշնակեցված՝ փաթեթվածքի նյութերի անվանումների օգտագործմամբ ձևավորված սպառողական փաթեթվածքի նյութերի նկարագրություն		1
22	Խմբային փաթեթվածքում սպառողական փաթեթվածքների քանակը		տարրը պարտադիր է խմբային փաթեթվածքում ապրանքների համար	0..1
23	Պահպանման պայմաններ		նշվում են պահպանման այն պայմանները, որոնց դեպքում ապրանքը պահպանում է իր հատկությունները	1
24	Ապրանքի պատկերը	ապրանքի լուսանկարչական պատկերը	տարրը պարունակում է ապրանքի լուսանկարչական պատկերը	0..*