ԵՎՐԱՍԻԱԿԱՆ ՏՆՏԵՍԱԿԱՆ ՀԱՆՁՆԱԺՈՂՈՎ

ԽՈՐՀՈՒՐԴ

Ո Ր Ո Շ ՈՒ Մ
 

«Եվրասիական տնտեսական միությունում փոխադրումների հետագծման համար նավիգացիոն կապարակնիքների կիրառման մասին» 2022 թվականի ապրիլի 19-ի համաձայնագրի 7-րդ հոդվածի 4-րդ կետի երրորդ պարբերությանը և Եվրասիական տնտեսական բարձրագույն խորհրդի 2014 թվականի դեկտեմբերի 23-ի թիվ 98 որոշմամբ հաստատված՝ Եվրասիական տնտեսական հանձնաժողովի աշխատանքի կանոնակարգի թիվ 1 հավելվածի 162-րդ կետին համապատասխան՝ Եվրասիական տնտեսական հանձնաժողովի խորհուրդը որոշեց.

1. Եվրասիական տնտեսական հանձնաժողովի խորհրդի 2023 թվականի օգոստոսի 29-ի թիվ 81 որոշմամբ հաստատված՝ Էլեկտրոնային փաստաթղթերից տեղեկությունների և (կամ) կոնկրետ փոխադրման հետագծման ժամանակահատվածում նավիգացիոն կապարակնիքում պարունակվող փաստաթղթերից տեղեկությունների կազմում կատարել հետևյալ փոփոխությունները՝

ա) V բաժնի 7-րդ կետում «Տրանսպորտային միջոցի գրանցման երկիրը» բառերը փոխարինել «Տրանսպորտային միջոցի գրանցման համարը» բառերով․

բ) VIII բաժնում․

11-րդ կետը լրացնել «(վկայականում առկայության դեպքում)» բառերով.

12-րդ կետը շարադրել հետևյալ խմբագրությամբ․

«12. Տրանսպորտային միջոցի (քարշակի, կցորդի) սեփականատեր հանդիսացող իրավաբանական անձի, իրավաբանական անձ չհանդիսացող կազմակերպության անվանումը կամ ֆիզիկական անձի ազգանունը, անունը։»․

լրացնել հետևյալ բովանդակությամբ 13-րդ և 14-րդ կետերով․

«13. Տրանսպորտային միջոցի (քարշակի, կցորդի) սեփականատիրոջ հասցեն (վկայականում առկայության դեպքում)։

14. Տրանսպորտային միջոցի (քարշակի, կցորդի) գրանցման երկիրը։»։

2. Սույն որոշումն ուժի մեջ է մտնում դրա պաշտոնական հրապարակման օրվանից 30 օրացուցային օրը լրանալուց հետո։

Եվրասիական տնտեսական հանձնաժողովի խորհրդի անդամներ՝

Պաշտոնական հրապարակման օրը՝ 14 օգոստոսի 2026 թվական: