ԵՎՐԱՍԻԱԿԱՆ ՏՆՏԵՍԱԿԱՆ ՀԱՆՁՆԱԺՈՂՈՎԻ ԽՈՐՀՐԴԻ ՈՐՈՇՈՒՄԸ ՄԱՔՍԱՅԻՆ ՄԻՈՒԹՅԱՆ ՀԱՆՁՆԱԺՈՂՈՎԻ ՈՐՈՇ ՈՐՈՇՈՒՄՆԵՐՈՒՄ ՊՂՆՁԻ ՄԱՏՐԻՑԻ ԵՎ ՑԵՄԵՆՏԱՑՄԱՆ ՊՂՆՁԻ (ՆՍՏՎԱԾՔԱՅԻՆ ՊՂԻՆՁ) ՄԱՍՈՎ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ

ԵՎՐԱՍԻԱԿԱՆ ՏՆՏԵՍԱԿԱՆ ՀԱՆՁՆԱԺՈՂՈՎ

ԽՈՐՀՈՒՐԴ

Ո Ր Ո Շ ՈՒ Մ

30 հունվարի 2026 թվականի

թիվ 17

քաղ. Մոսկվա

ՄԱՔՍԱՅԻՆ ՄԻՈՒԹՅԱՆ ՀԱՆՁՆԱԺՈՂՈՎԻ ՈՐՈՇ ՈՐՈՇՈՒՄՆԵՐՈՒՄ ՊՂՆՁԻ ՄԱՏՐԻՑԻ ԵՎ ՑԵՄԵՆՏԱՑՄԱՆ ՊՂՆՁԻ (ՆՍՏՎԱԾՔԱՅԻՆ ՊՂԻՆՁ) ՄԱՍՈՎ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ

«Եվրասիական տնտեսական միության մասին» 2014 թվականի մայիսի 29-ի պայմանագրի 43-րդ և 45-րդ հոդվածներին, «Եվրասիական տնտեսական հանձնաժողովի մասին» հիմնադրույթի («Եվրասիական տնտեսական միության մասին» 2014 թվականի մայիսի 29-ի պայմանագրի թիվ 1 հավելված) 16-րդ կետին, Եվրասիական տնտեսական բարձրագույն խորհրդի 2014 թվականի դեկտեմբերի 23-ի թիվ 98 որոշմամբ հաստատված՝ Եվրասիական տնտեսական հանձնաժողովի աշխատանքի կանոնակարգի թիվ 1 հավելվածի 7-րդ և 16-րդ կետերին համապատասխան՝ Եվրասիական տնտեսական հանձնաժողովի խորհուրդը որոշեց.

1. «Եվրասիական տնտեսական միության միասնական մաքսասակագնային կարգավորման մասին» Մաքսային միության հանձնաժողովի 2009 թվականի նոյեմբերի 27-ի թիվ 130 որոշման 7-րդ կետը լրացնել հետևյալ բովանդակությամբ 7.1.88 ենթակետով․

«7.1.88. Պղնձի մատրից և ցեմենտացման պղինձ (նստվածքային պղինձ), որոնք դասակարգվում են ԵԱՏՄ ԱՏԳ ԱԱ 7401 00 000 0 ծածկագրով և Ղազախստանի Հանրապետություն են ներմուծվում ոչ ավելի, քան 2,5 հազ․ տոննա ծավալով՝ մետալուրգիական ձեռնարկություններում օգտագործման համար։

Նշված սակագնային արտոնությունը տրամադրվում է Ղազախստանի Հանրապետության գործադիր իշխանության՝ արդյունաբերության ոլորտում պետական քաղաքականության մշակման և նորմատիվ իրավական կարգավորման գործառույթներ իրականացնող մարմնի կողմից տրված և այդ ապրանքների քանակի, ինչպես նաև դրանց ներմուծումն իրականացնող կազմակերպությունների մասին տեղեկություններ պարունակող փաստաթղթի առկայության դեպքում։

Սույն ենթակետով նախատեսված սակագնային արտոնությունը տրամադրվում է «բացթողում՝ ներքին սպառման համար» մաքսային ընթացակարգով ձևակերպվող (ձևակերպված) ապրանքների համար, որոնց մասով ապրանքների հայտարարագիրը, իսկ մինչև ապրանքների հայտարարագիր ներկայացնելն ապրանքների բացթողման դեպքում՝ մինչև ապրանքների հայտարարագիր ներկայացնելն ապրանքների բացթողման մասին դիմումը գրանցվել են Ղազախստանի Հանրապետության մաքսային մարմնի կողմից Եվրասիական տնտեսական հանձնաժողովի խորհրդի 2026 թվականի հունվարի 30-ի թիվ 17 որոշումն ուժի մեջ մտնելու օրվանից մինչև 2026 թվականի դեկտեմբերի 31-ը ներառյալ:

Այն ապրանքների օգտագործումը, որոնց առնչությամբ, սույն ենթակետին համապատասխան, կիրառվել է սակագնային արտոնություն, թույլատրվում է բացառապես Ղազախստանի Հանրապետության տարածքում։

Ապրանքների օգտագործման և (կամ) տնօրինման մասով՝ նշված սահմանափակումները գործում են մինչև Ղազախստանի Հանրապետության՝ պղնձի մատրիցի և ցեմենտացման պղնձի (նստվածքային պղինձ) սպառող հանդիսացող մետալուրգիական ձեռնարկության պահեստ դրանց հասնելը։ Այդպիսի ձեռնարկության պահեստ ապրանքների մուտքը հաստատող փաստաթուղթ է համարվում այդ ապրանքների ընդունման կամ ընդունման-հանձնման ակտը կամ դրա պատճենը:»։

2. Մաքսային միության հանձնաժողովի 2011 թվականի հուլիսի 15-ի թիվ 728 որոշմամբ հաստատված՝ Մաքսային միության միասնական մաքսային տարածք ապրանքների առանձին կատեգորիաների ներմուծման ժամանակ մաքսատուրքերի վճարումից ազատում կիրառելու կարգի 15-րդ կետում «7.1.87» թվերը փոխարինել «7.1.88» թվերով։

3. Սույն որոշումն ուժի մեջ է մտնում դրա պաշտոնական հրապարակման օրվանից 10 օրացուցային օրը լրանալուց հետո։

Եվրասիական տնտեսական հանձնաժողովի խորհրդի անդամներ՝

Հայաստանի Հանրապետությունից`	Բելառուսի Հանրապետությունից`	Ղազախստանի Հանրապետությունից`	Ղրղզստանի Հանրապետությունից`	Ռուսաստանի Դաշնությունից`
Մ. Գրիգորյան	Ն. Պետկևիչ	Ս. Ժումանգարին	Դ. Ամանգելդիև	Ա. Օվերչուկ

Պաշտոնական հրապարակման օրը՝ 14 օգոստոսի 2026 թվական: