ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
Ո Ր Ո Շ ՈՒ Մ
25 օգոստոսի 1993 թ. N 431
Քաղ. Երևան
1993 ԹՎԱԿԱՆԻ ԱՊՐԻԼԻ 22-24-Ը ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆՈՒՄ ՏԵՂԻ ՈՒՆԵՑԱԾ ՑՐՏԱՀԱՐՈՒԹՅԱՆ ՊԱՏՃԱՌԱԾ ՎՆԱՍՆԵՐԻ ՈՒ ՆՐԱ ՀԵՏԵՎԱՆՔՆԵՐԻ ՎԵՐԱՑՄԱՆ ՄԱՍԻՆ
1993 թվականի ապրիլի երրորդ տասնօրյակում տեղի ունեցած ցրտահարության հետևանքով հանրապետության այգեգործության բնագավառում ստեղծված արտակարգ իրավիճակը շտկելու, գյուղացիական և գյուղացիական կոլեկտիվ տնտեսություններին հասցված վնասները մասնակիորեն փոխհատուցելու, ցրտահարված այգետարածքները պահպանելու, մշակության աշխատանքներ իրականացնելու, բերքի կորուստները նվազագույնի հասցնելու նպատակով և, հաշվի առնելով Հայաստանի Հանրապետության Գերագույն խորհրդի ֆինանսավարկային և բյուջետային հարցերի մշտական հանձնաժողովի համաձայնությունը, Հայաստանի Հանրապետության կառավարությունը որոշում է.
1. Գյուղացիական և գյուղացիական կոլեկտիվ տնտեսություններն ըստ շրջանների ազատել 1993 թվականի եկամտահարկից և շահութահարկից, համաձայն հավելվածի:
Սահմանել, որ գյուղացիական և գյուղացիական կոլեկտիվ տնտեսությունների ցանկը հաստատվում է պատգամավորների համապատասխան շրջանային խորհուրդների գործկոմների և Հայաստանի Հանրապետության գյուղատնտեսության նախարարության կողմից:
2. Հանձնարարել Հայաստանի Հանրապետության էկոնոմիկայի նախարարությանը, Հայաստանի Հանրապետության ֆինանսների նախարարությանը, Հայաստանի Հանրապետության գյուղատնտեսության նախարարությանը և առաջարկել Հայպետագրոբանկին`
ա) 1993 թվականի վարկային էմիսիայի ազատ միջոցների հաշվին, Հայաստանի Հանրապետության ֆինանսների նախարարության կողմից սահմանված կարգով, 2 տարի ժամկետով 1 մլրդ 236 հազար ռուբլի արտոնյալ վարկ տրամադրել գյուղացիական և գյուղացիական կոլեկտիվ տնտեսություններին` ցրտահարված խաղողի և պտղատու այգիների պահպանության և վերականգնման համար, համաձայն հավելվածի:
բ) մինչև ցրտահարությունն այգիներում կատարված աշխատանքների, կորցրած բերքի արժեքի, օգտագործված ոռոգման ջրի վարձի, ինչպես նաև հիվանդությունների ու վնասատուների դեմ պայքարի գծով ծախսերի մասնակի փոխհատուցման նպատակով գյուղացիական և գյուղացիական կոլեկտիվ տնտեսություններին տրամադրել միանվագ դրամական օգնություն` մեկ հեկտար ցրտահարված խաղողի այգու համար 30 հազար ռուբլի, մեկ հեկտար ցրտահարված պտղատու այգու համար` 20 հազար ռուբլի.
գ) նախորդ տարվա աշնանը խաղողի չթաղված այգիների սեփականատերերին և պետական գյուղատնտեսական ձեռնարկություններին վարկ ու միանվագ դրամական օգնություն տրամադրել սույն կետի «ա» և «բ» ենթակետերով նախատեսված վարկի և միանվագ օգնության 30 տոկոսի չափով:
3. Հայաստանի Հանրապետության էկոնոմիկայի նախարարությանը, Հայաստանի Հանրապետության ֆինանսների նախարարությանը, Հայաստանի Հանրապետության պարենի և մթերումների նախարարությանը, Հայաստանի Հանրապետության գյուղատնտեսության նախարարությանը` խաղողի և պտղի մթերումների մասին կնքված կոնտրակտացիայի պայմանագրերով նախատեսված ավանսային վճարումները կատարել խաղողի և պտղի համատարած մթերումներն սկսվելուց տասն օր առաջ` ոչ ուշ, քան մինչև սեպտեմբերի 15-ը:
4. Հայաստանի Հանրապետության գյուղատնտեսության նախարարությանը և ցրտահարությունից տուժած խաղողագործական և պտղաբուծական շրջանների պատգամավորների շրջխորհուրդների գործկոմներին` անհրաժեշտ միջոցառումներ իրականացնել ցրտահարված այգետարածքներում բերքի հնարավոր կորուստները նվազագույնի հասցնելու, այգետերերի կրած նյութական վնասների համար հատկացված միջոցները ժամանակին նրանց տրամադրելու, ցրտահարված այգետարածքներում մշակության կենտրոնացված աշխատանքներ կատարելու, այգիները պահպանելու և դրանց քանդումները բացառելու ուղղությամբ:
5. Հանձնարարել պատգամավորների համապատասխան շրջխորհուրդների գործադիր կոմիտեներին` իրենց տարածքում գտնվող գյուղացիական և գյուղացիական կոլեկտիվ տնտեսություններին տրվող միանվագ օգնության գումարներից, «Հայջրտնտ» ՀՆՊՁ-ի կազմակերպությունների և պատգամավորների համապատասխան գյուղական (ավանային) խորհուրդների գործկոմների կողմից ջրօգտագործողների հետ փոխադարձ հաստատված ակտերի հիման վրա, նախապես կատարել տրված ոռոգման ջրի 1992 թվականի և 1993 թվականի վարձի պարտքերի մարումը, իսկ մնացած գումարը փոխանցել բանկերում գործող կամ նոր բացվող գյուղացիական և գյուղացիական կոլեկտիվ տնտեսությունների ավանդային կամ այլ հաշիվներին:
|
Հայաստանի Հանրապետության վարչապետ |
Հ. ԲԱԳՐԱՏյան |
|
Հայաստանի Հանրապետության ԿԱՌԱՎԱՐՈՒԹՅԱՆ ԳՈՐԾԵՐԻ ԿԱՌԱՎԱՐիչ |
Ա. ԽԱՉԱՏՐՅԱՆ |
|
ՀԱՎԵԼՎԱԾ ՀՀ կառավարության 1993 թվականի օգոստոսի 25-ի N 431 որոշման |
Ց Ա Ն Կ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՑՐՏԱՀԱՐՈՒԹՅՈՒՆԻՑ ՏՈՒԺԱԾ ՇՐՋԱՆՆԵՐԻ, ՈՐՈՆՑ ՏԱՐԱԾՔՈՒՄ ԳՏՆՎՈՂ ԳՅՈՒՂԱՑԻԱԿԱՆ ԵՎ ԳՅՈՒՂԱՑԻԱԿԱՆ ԿՈԼԵԿՏԻՎ ՏՆՏԵՍՈՒԹՅՈՒՆՆԵՐՆ ԱԶԱՏՎՈՒՄ ԵՆ 1993 ԹՎԱԿԱՆԻ ԵԿԱՄՏԱՀԱՐԿԻՑ ՈՒ ՇԱՀՈՒԹԱՀԱՐԿԻՑ ԵՎ ՈՐՈՆՑ ՏՐԱՄԱԴՐՎՈՒՄ ԵՆ ԱՐՏՈՆՅԱԼ ՎԱՐԿԵՐ ՄԻԱՆՎԱԳ ԴՐԱՄԱԿԱՆ ՕԳՆՈՒԹՅՈՒՆ
| NN |
Շրջանների անվանումը |
Ընդամենը |
Խաղողի այգիների պահպանման համար |
Պտղատու այգիների պահպանման համար | |||||||
|
վարկ (մլն ռ.) |
միանվագ օգնություն (մլն ռ.) |
տարածու-թյունը (հեկ) |
որից` ցրտա-հարված (հեկ) |
հատ-կացվող վարկը (մլն ռ.) |
միանվագ օգնու-թյուն (մլն ռ.) |
տարածու-թյունը(հեկ) |
որից` ցրտա-հարված (հեկ) |
հատ-կացվող վարկը (մլն ռ.) |
միանվագ օգնություն (մլն ռ.) | ||
|
1 |
2 |
3 |
4 |
5 |
6 |
7 |
8 |
9 |
10 |
11 |
12 |
|
1. |
Արտաշատի | 131,947 | 118,900 | 4273 | 3070 | 96,706 | 92,100 | 1539 | 1340 | 35,241 | 26,800 |
|
2. |
Արարատի |
99,474 | 87,950 | 3652 | 2035 | 64,104 | 61,05 | 1450 | 1345 | 35,370 | 26,900 |
|
3. |
Արմավիրի | 127,249 | 109,290 | 3660 | 2071 | 65,238 | 62,13 | 2752 | 2358 | 62,011 | 47,160 |
|
4. |
Աշտարակի | 140,004 | 116,730 | 2897 | 1697 | 53,456 | 50,91 | 3470 | 3291 | 86,548 | 65,820 |
|
5. |
Բաղրամյանի | 34,759 | 25,970 | 1209 | 585 | 18,428 | 17,55 | 626 | 621 | 16,321 | 12,420 |
|
6. |
Եղեգնաձորի | 12,145 | 9,720 | 912 | 80 | 2,520 | 2,40 | 983 | 366 | 9,625 | 7,320 |
|
7. |
Էջմիածնի | 87,429 | 77,140 | 3695 | 1762 | 55,503 | 52,86 | 1214 | 1214 | 31,926 | 24,28 |
|
8. |
Թալինի | 26,821 | 23,600 | 733 | 530 | 16,695 | 15,90 | 713 | 385 | 10,126 | 7,700 |
|
9. |
Թումանյանի | 34,261 | 26,720 | 110 | 110 | 3,465 | 3,30 | 1371 | 1171 | 30,796 | 23,420 |
|
10. |
Իջևանի | 17,114 | 14,260 | 1027 | 206 | 6,489 | 6,18 | 617 | 404 | 10,625 | 8,080 |
|
11. |
Կոտայքի | 7,791 | 6,300 | 62 | 62 | 1,953 | 1,86 | 789 | 222 | 5,838 | 4,440 |
|
12. |
Մասիսի | 24,849 | 22,470 | 639 | 591 | 18,617 | 17,73 | 237 | 237 | 6,232 | 4,740 |
|
13. |
Մեղրու | 12,624 | 10,580 | 162 | 162 | 5,103 | 4,86 | 286 | 286 | 7,521 | 5,720 |
|
14. |
Նաիրիի | 59,000 | 49,100 | 1079 | 700 | 22,05 | 21,00 | 1512 | 1405 | 36,950 | 28,100 |
|
15. |
Նոյեմբերյանի | 95,300 | 78,460 | 990 | 990 | 31,185 | 29,70 | 2648 | 2438 | 64,115 | 48,760 |
|
16. |
Շահումյանի | 23,594 | 21,370 | 567 | 567 | 17,861 | 17,01 | 226 | 218 | 5,733 | 4,360 |
|
17. |
Տաուշի | 34,252 | 30,280 | 1105 | 700 | 22,05 | 21,00 | 732 | 464 | 12,202 | 9,28 |
|
18. |
Կապանի | 8,919 | 6,910 | 21 | 21 | 0,662 | 0,63 | 314 | 314 | 8,257 |
6,280 |
|
19. |
Գորիսի | 21,126 | 16,290 | 37 | 37 | 1,166 | 1,11 | 759 | 759 | 19,960 | 15,180 |
|
20. |
Վայքի | 1,578 | 1,200 | - | - | - | - | 553 | 60 | 1,578 | 1,200 |
| Ընդամենը` | 1000,236 | 857,240 | 26827 | 15976 | 503,251 | 479,28 | 22791 | 18898 | 496,985 | 377,96 | |
|
Հայաստանի Հանրապետության ԿԱՌԱՎԱՐՈՒԹՅԱՆ ԳՈՐԾԵՐԻ ԿԱՌԱՎԱՐիչ |
Ա. ԽԱՉԱՏՐՅԱՆ |
| Փոփոխող ակտ | Համապատասխան ինկորպորացիան |
|---|
| Փոփոխող ակտ | Համապատասխան ինկորպորացիան |
|---|