ՀՀ ԱՌՈՂՋԱՊԱՀՈՒԹՅԱՆ ՆԱԽԱՐԱՐԻ ՀՐԱՄԱՆԸ «ՀԱՇՎԱՌՄԱՆ ԵՎ ՀԱՂՈՐԴՄԱՆ ԵՆԹԱԿԱ ՀԻՎԱՆԴՈՒԹՅՈՒՆՆԵՐԻ ՑԱՆԿ, ՀԱՇՎԱՌՄԱՆԸ ԵՎ ՀԱՂՈՐԴՄԱՆԸ ՆԵՐԿԱՅԱՑՎՈՂ ՊԱՀԱՆՋՆԵՐ» ՀԱՆՐԱՅԻՆ ԱՌՈՂՋԱՊԱՀԱԿԱՆ ՆՈՐՄԱՏԻՎԸ ՀԱՍՏԱՏԵԼՈՒ ԵՎ ՀՀ ԱՌՈՂՋԱՊԱՀՈՒԹՅԱՆ ՆԱԽԱՐԱՐԻ 2010 ԹՎԱԿԱՆԻ ԴԵԿՏԵՄԲԵՐԻ 17-Ի N 35-Ն ՀՐԱՄԱՆՆ ՈՒԺԸ ԿՈՐՑՐԱԾ ՃԱՆԱՉԵԼՈՒ ՄԱՍԻՆ

Գլխավոր տեղեկություն

Համար

N 53-Ն

Տիպ

Հրաման

Ակտի տիպ

Հիմնական ակտ (12.08.2026-մինչ օրս)

Կարգավիճակ

Գործում է

Սկզբնաղբյուր

Միասնական կայք 2026.07.20-2026.08.02 Պաշտոնական հրապարակման օրը 28.07.2026

Ընդունող մարմին

Առողջապահության նախարար

Ընդունման ամսաթիվ

17.07.2026

Ստորագրող մարմին

Առողջապահության նախարար

Ստորագրման ամսաթիվ

17.07.2026

Ուժի մեջ մտնելու ամսաթիվ

12.08.2026

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ԱՌՈՂՋԱՊԱՀՈՒԹՅԱՆ ՆԱԽԱՐԱՐ

«17» հուլիս 2026 թ.

N 53-Ն

Հ Ր Ա Մ Ա Ն

«ՀԱՇՎԱՌՄԱՆ ԵՎ ՀԱՂՈՐԴՄԱՆ ԵՆԹԱԿԱ ՀԻՎԱՆԴՈՒԹՅՈՒՆՆԵՐԻ ՑԱՆԿ, ՀԱՇՎԱՌՄԱՆԸ ԵՎ ՀԱՂՈՐԴՄԱՆԸ ՆԵՐԿԱՅԱՑՎՈՂ ՊԱՀԱՆՋՆԵՐ» ՀԱՆՐԱՅԻՆ ԱՌՈՂՋԱՊԱՀԱԿԱՆ ՆՈՐՄԱՏԻՎԸ ՀԱՍՏԱՏԵԼՈՒ ԵՎ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՌՈՂՋԱՊԱՀՈՒԹՅԱՆ ՆԱԽԱՐԱՐԻ 2010 ԹՎԱԿԱՆԻ ԴԵԿՏԵՄԲԵՐԻ 17-Ի N 35-Ն ՀՐԱՄԱՆՆ ՈՒԺԸ ԿՈՐՑՐԱԾ ՃԱՆԱՉԵԼՈՒ ՄԱՍԻՆ

Հիմք ընդունելով «Հանրային առողջապահության մասին» օրենքի 7-րդ հոդվածի 1-ին մասի 3-րդ կետը, 14-րդ հոդվածի 1-ին մասը և «Նորմատիվ իրավական ակտերի մասին» օրենքի 37-րդ հոդվածը՝

ՀՐԱՄԱՅՈՒՄ ԵՄ`

1. Հաստատել «Հաշվառման և հաղորդման ենթակա հիվանդությունների ցանկ, հաշվառմանը և հաղորդմանը ներկայացվող պահանջներ» հանրային առողջապահական նորմատիվը՝ համաձայն հավելվածի:

2. Ուժը կորցրած ճանաչել Հայաստանի Հանրապետության առողջապահության նախարարի 2010 թվականի դեկտեմբերի 17-ի ««Հիվանդությունների և թունավորումների դեպքերի հաշվառմանը և հաղորդմանը ներկայացվող պահանջներ» 3.1.1-018-10 սանիտարական կանոնները և հիգիենիկ նորմատիվները հաստատելու մասին» N 35-Ն հրամանը:

3. Սույն հրամանն ուժի մեջ է մտնում պաշտոնական հրապարակման օրվան հաջորդող տասնհինգերորդ օրը:

17.07.2026

Ա. ԱվանեսՅԱՆ

Հավելված

ՀՀ առողջապահության նախարարի

2026 թվականի հուլիս «17»-ի

թիվ 53-Ն հրամանի

«ՀԱՇՎԱՌՄԱՆ ԵՎ ՀԱՂՈՐԴՄԱՆ ԵՆԹԱԿԱ ՀԻՎԱՆԴՈՒԹՅՈՒՆՆԵՐԻ ՑԱՆԿ, ՀԱՇՎԱՌՄԱՆԸ ԵՎ ՀԱՂՈՐԴՄԱՆԸ ՆԵՐԿԱՅԱՑՎՈՂ ՊԱՀԱՆՋՆԵՐ» ՀԱՆՐԱՅԻՆ ԱՌՈՂՋԱՊԱՀԱԿԱՆ ՆՈՐՄԱՏԻՎ

ԳԼՈՒԽ 1. ԸՆԴՀԱՆՈՒՐ ԴՐՈՒՅԹՆԵՐ ԵՎ ԿԻՐԱՌՄԱՆ ՈԼՈՐՏ

1. «Հաշվառման և հաղորդման ենթակա հիվանդությունների ցանկ, հաշվառմանը և հաղորդմանը ներկայացվող պահանջներ» հանրային առողջապահական նորմատիվը (այսուհետ` Նորմատիվ) նախատեսված է Հայաստանի Հանրապետությունում բժշկական օգնություն և սպասարկում իրականացնող կազմակերպությունների (այսուհետ՝ Բժշկական կազմակերպություններ) համար՝ անկախ կազմակերպական-իրավական և սեփականության ձևից, բացառությամբ՝ Հայաստանի Հանրապետության պաշտպանության բնագավառում պետական կառավարման համակարգի լիազոր մարմնի, Ոստիկանության և Ազգային անվտանգության ծառայության ենթակա բժշկական օգնություն և սպասարկում իրականացնող կազմակերպությունների:

2. Նորմատիվը սահմանում է Բժշկական կազմակերպությունների կողմից արձանագրված հիվանդությունների դեպքերի հաշվառմանը և հաղորդմանը ներկայացվող պահանջները և անհետաձգելի, շտապ, ընթացիկ և ամփոփ հաղորդման ենթակա հիվանդությունների ցանկերը:

ԳԼՈՒԽ 2. ՀԻՎԱՆԴՈՒԹՅՈՒՆՆԵՐԻ ԴԵՊՔԵՐԻ ՀԱՇՎԱՌՈՒՄ ԵՎ ՀԱՂՈՐԴՈՒՄ

3. Հիվանդությունների հաշվառումը և հաղորդումը Բժշկական կազմակերպություններում ապահովելու նպատակով Բժշկական կազմակերպության գործադիր մարմնի ղեկավարի հրամանով նշանակվում է պատասխանատու:

4. Նորմատիվի Ձև 1-ով, Ձև 2-ով, Ձև 3-ով և Ձև 4-ով հաստատված հիվանդությունները հաշվառվում են՝ հիմք ընդունելով Հայաստանի Հանրապետության առողջապահության նախարարի 2025 թվականի մայիսի 26-ի N 49-Ն հրամանը և հիվանդությունների ստանդարտ բնորոշումները սահմանող՝ Հայաստանի Հանրապետության առողջապահության բնագավառի պետական կառավարման լիազոր մարմնի (այսուհետ՝ Լիազոր մարմին) ղեկավարի ընդունած այլ հանրային առողջապահական նորմատիվները։

5. Բժշկական կազմակերպությունները Նորմատիվի Ձև 1-ով սահմանված հիվանդությունների արձանագրման դեպքում իրականացնում են անհետաձգելի հաղորդում՝ անմիջապես, Ձև 2-ով սահմանված հիվանդությունների արձանագրման դեպքում իրականացնում են շտապ հաղորդում՝ 24 ժամվա ընթացքում, ամսվա ընթացքում Ձև 3-ով սահմանված հիվանդությունների արձանագրման դեպքում իրականացնում են ընթացիկ հաղորդում՝ մինչև հաջորդ ամսվա 5-րդ օրը, ամսվա ընթացքում Ձև 4-ով սահմանված հիվանդությունների արձանագրման դեպքում իրականացնում են ամփոփ հաղորդում՝ մինչև հաջորդ ամսվա 5-րդ օրը։

6. Բժշկական կազմակերպությունները Նորմատիվի Ձև 1-ով, Ձև 2-ով, Ձև 3-ով և Ձև 4-ով սահմանված հիվանդությունների դեպքեր հայտնաբերելիս, տվյալները մուտքագրում են էլեկտրոնային առողջապահության համակարգ (այսուհետ՝ ԱՐՄԵԴ համակարգ)՝ համաձայն Հայաստանի Հանրապետության առողջապահության նախարարի 2021 թվականի դեկտեմբերի 28-ի N 99-Ն հրամանի հավելվածի 38-րդ, 40-րդ և 43-րդ կետերի:

7. Բժշկական կազմակերպությունները Նորմատիվի Ձև 1-ով, Ձև 2-ով, Ձև 3-ով և Ձև 4-ով սահմանված հիվանդությունների դեպքեր հայտնաբերելիս՝ համաձայն Նորմատիվի 11-րդ կետի՝ հաղորդում են ներկայացնում Հայաստանի Հանրապետության առողջապահության նախարարության «Հիվանդությունների վերահսկման և կանխարգելման ազգային կենտրոն» պետական ոչ առևտրային կազմակերպության (այսուհետ` «ՀՎԿԱԿ» ՊՈԱԿ) տվյալ վարչատարածքային միավորում գործող համապատասխան ստորաբաժանմանը, իսկ 11-րդ կետի 2-րդ և 4-րդ ենթակետերի համաձայն՝ նաև Հայաստանի Հանրապետության առողջապահության նախարարության «Այրվածքաբանության և մաշկաբանության ազգային կենտրոն» փակ բաժնետիրական ընկերությանը։

8. «ՀՎԿԱԿ» ՊՈԱԿ-ի ստորաբաժանումների և Հայաստանի Հանրապետության առողջապահության նախարարության «Այրվածքաբանության և մաշկաբանության ազգային կենտրոն» փակ բաժնետիրական ընկերության կոնտակտային տվյալները ներկայացված են Նորմատիվի Ձև 9-ում:

9. Աշխատանքային ժամերին Բժշկական կազմակերպությունները Նորմատիվի Ձև 1-ով և Ձև 2-ով սահմանված հիվանդությունների դեպքերի մասին ներկայացնում են հաղորդում «ՀՎԿԱԿ» ՊՈԱԿ էլեկտրոնային տարբերակով՝ համաձայն Նորմատիվի Ձև 5-ի կամ Ձև 5-ում ընդգրկված բոլոր տվյալները պարունակող այլ ձևաչափի։

10. Ոչ աշխատանքային օրերին և ժամերին Բժշկական կազմակերպությունները Նորմատիվի Ձև 1-ով և Ձև 2-ով սահմանված հիվանդությունների դեպքերի մասին Նորմատիվի Ձև 5-ով սահմանված բոլոր տվյալները հաղորդում են «ՀՎԿԱԿ» ՊՈԱԿ հեռախոսազանգով, այնուհետև 24 ժամվա ընթացքում՝ էլեկտրոնային ձևաչափով:

11. Բժշկական կազմակերպությունները՝

1) Նորմատիվի Ձև 1-ով սահմանված հիվանդությունների արձանագրման դեպքում, վերջիններիս մասին անհետաձգելի հաղորդում են ներկայացնում «ՀՎԿԱԿ» ՊՈԱԿ-ի էլեկտրոնային հասցեին՝ համաձայն Նորմատիվի Ձև 5-ի կամ Ձև 5-ում ընդգրկված բոլոր տվյալները պարունակող այլ ձևաչափի.

2) Նորմատիվի Ձև 2-ով սահմանված հիվանդությունների արձանագրման դեպքում, վերջիններիս մասին շտապ հաղորդում են ներկայացնում «ՀՎԿԱԿ» ՊՈԱԿ-ի էլեկտրոնային հասցեին, իսկ Նորմատիվի Ձև 2-ի 16-րդ և 17-րդ կետերով սահմանված հիվանդությունների դեպքերի մասին հաղորդում են ներկայացնում նաև Հայաստանի Հանրապետության առողջապահության նախարարության «Այրվածքաբանության և մաշկաբանության ազգային կենտրոն» փակ բաժնետիրական ընկերության էլեկտրոնային հասցեին.

3) Մինչև յուրաքանչյուր ամսվա 5-րդ օրը, նախորդ ամսվա ընթացքում արձանագրված Նորմատիվի Ձև 3-ով սահմանված հիվանդությունների դեպքերի վերաբերյալ՝ Նորմատիվի Ձև 5-ով կամ Ձև 5-ում ընդգրկված բոլոր տվյալները պարունակող այլ ձևաչափով, ընթացիկ էլեկտրոնային տարբերակով հաղորդում են ներկայացնում «ՀՎԿԱԿ» ՊՈԱԿ-ի էլեկտրոնային հասցեին.

4) Մինչև յուրաքանչյուր ամսվա 5-րդ օրը, նախորդ ամսվա ընթացքում արձանագրված Նորմատիվի Ձև 4-ով սահմանված հիվանդությունների դեպքերի վերաբերյալ (բացառությամբ Նորմատիվի Ձև 4-ի 6-րդ, 10-րդ, 14-րդ և 15-րդ կետերով սահմանված hիվանդությունների դեպքերի)՝ ըստ մարզերի և Երևան քաղաքի, Նորմատիվի Ձև 7-ի համաձայն ամփոփ էլեկտրոնային տարբերակով հաղորդում են ներկայացնում «ՀՎԿԱԿ» ՊՈԱԿ-ի էլեկտրոնային հասցեին, իսկ Նորմատիվի Ձև 4-ի 6-րդ կետով սահմանված hիվանդությունների դեպքերի վերաբերյալ՝ Նորմատիվի Ձև 7-ի համաձայն, հաղորդում են ներկայացնում Հայաստանի Հանրապետության առողջապահության նախարարության «Այրվածքաբանության և մաշկաբանության ազգային կենտրոն» փակ բաժնետիրական ընկերության էլեկտրոնային հասցեին.

5) Մինչև յուրաքանչյուր ամսվա 5-րդ օրը, նախորդ ամսվա ընթացքում արձանագրված՝ Նորմատիվի Ձև 4-ի 15-րդ կետով սահմանված հիվանդությունների դեպքերի վերաբերյալ Նորմատիվի Ձև 6-ի համաձայն ամփոփ էլեկտրոնային տարբերակով հաղորդում են ներկայացնում «ՀՎԿԱԿ» ՊՈԱԿ-ի էլեկտրոնային հասցեին.

6) Նորմատիվի Ձև 4-ով (բացառությամբ Նորմատիվի Ձև 4-ի 10-րդ, 14-րդ և 15-րդ կետերով սահմանված հիվանդությունների դեպքերի) և Նորմատիվի Ձև 6-ով սահմանված հիվանդություններ արձանագրված չլինելու դեպքում Բժշկական կազմակերպությունները հիվանդության դեպք չլինելու մասին հաղորդում են ներկայացնում «ՀՎԿԱԿ» ՊՈԱԿ-ի էլեկտրոնային հասցեին։

12. Հիվանդությունները, առողջության հետ կապված խնդիրները, վիճակագրական դասակարգչի վարակային բնույթի այլ հիվանդությունները, որոնք ընդգրկված չեն Նորմատիվի Ձև 1-ում, Ձև 2-ում, Ձև 3-ում և Ձև 4-ում՝ հաղորդվում են Նորմատիվի 11-րդ կետի 3-րդ ենթակետով սահմանված կարգով։

13. Հայաստանի Հանրապետության առողջապահության նախարարության «Ինֆեկցիոն հիվանդությունների ազգային կենտրոն» փակ բաժնետիրական ընկերությունը մինչև յուրաքանչյուր ամսվա 5-րդ օրը, նախորդ ամսվա ընթացքում արձանագրված՝ Նորմատիվի Ձև 4-ի 10-րդ և 14-րդ կետերով սահմանված հիվանդությունների դեպքերի վերաբերյալ՝ ըստ մարզերի և Երևան քաղաքի՝ Նորմատիվի Ձև 8-ի համաձայն՝ էլեկտրոնային տարբերակով հաղորդում է ներկայացնում «ՀՎԿԱԿ» ՊՈԱԿ։

14. Հայաստանի Հանրապետության առողջապահության նախարարության «Այրվածքաբանության և մաշկաբանության ազգային կենտրոն» փակ բաժնետիրական ընկերությունը մինչև յուրաքանչյուր ամսվա 10-րդ օրը, նախորդ ամսվա ընթացքում արձանագրված՝ Նորմատիվի Ձև 4-ի 6-րդ կետով սահմանված հիվանդությունների դեպքերի վերաբերյալ՝ ըստ մարզերի և Երևան քաղաքի՝ Նորմատիվի Ձև 7-ի համաձայն՝ էլեկտրոնային տարբերակով հաղորդում է ներկայացնում «ՀՎԿԱԿ» ՊՈԱԿ։

15. Պացիենտի մոտ մեկից ավելի՝ հաշվառման և հաղորդման ենթակա հիվանդություն արձանագրելիս՝ Բժշկական կազմակերպությունների կողմից տեղեկատվությունը հաշվառվում և հաղորդվում է «ՀՎԿԱԿ» ՊՈԱԿ-ին՝ յուրաքանչյուր հիվանդության դեպքի վերաբերյալ առանձին՝ համաձայն նշված հիվանդության համար Նորմատիվի Ձև 1-ով, Ձև 2-ով, Ձև 3-ով և Ձև 4-ով սահմանված հաղորդման տեսակի։

16. Հետպատվաստումային անբարեհաջող դեպքերի հաշվառման և հաղորդման պահանջները սահմանվում են Լիազոր մարմնի ղեկավարի կողմից ընդունված իմունականխարգելման գործընթացի կազմակերպմանը և իրականացմանը ներկայացվող պահանջները սահմանող նորմատիվ իրավական ակտով սահմանված կարգով։

17. Վնասվածքների դեպքերի հաշվառման և հաղորդման պահանջները սահմանվում են Լիազոր մարմնի ղեկավարի հրամանով հաստատած նորմատիվ իրավական ակտերով։

18. Բժշկական կազմակերպությունը, Նորմատիվի Ձև 1-ով կամ Ձև 2-ով սահմանված հիվանդության դեպք հայտնաբերելիս, պացիենտին չհոսպիտալացնելու դեպքում` Նորմատիվի 11-րդ կետի 1-ին և 2-րդ ենթակետերով սահմանված կարգով հիվանդության դեպքի մասին հաղորդում է «ՀՎԿԱԿ» ՊՈԱԿ և այն առողջության առաջնային պահպանման ծառայություններ մատուցող բժշկական հաստատություն, որտեղ պացիենտը Հայաստանի Հանրապետության առողջապահության նախարարի 2023 թվականի հոկտեմբերի 17-ի թիվ 48-Ն հրամանով սահմանված կարգով գրանցված է։

19. Նորմատիվի 18-րդ կետով սահմանված կարգով առողջության առաջնային պահպանման ծառայություններ մատուցող բժշկական հաստատությունը հաղորդումը ստանալուց հետո, ախտորոշման փոփոխման, հիվանդության ելքի և Նորմատիվի Ձև 5-ով պահանջվող այլ տեղեկատվության դեպքում ներկայացնում է լրացուցիչ հաղորդում «ՀՎԿԱԿ» ՊՈԱԿ։

20. Նորմատիվի Ձև 1-ով, Ձև 2-ով, Ձև 3-ով և Ձև 4-ով սահմանված հիվանդությունների դեպքերը Բժշկական կազմակերպությունների կողմից հաշվառվում են հիվանդությունների հաշվառման մատյանում (այսուհետ՝ Մատյան)։ Մատյանը պետք է պարունակի Նորմատիվի Ձև 5-ով պահանջվող բոլոր տվյալները։

21. Հիվանդության ախտորոշման փոփոխման, հաստատման, հիվանդության ելքի, ինչպես նաև Նորմատիվի Ձև 5-ով պահանջվող այլ տեղեկատվության լրացման կամ փոփոխման դեպքում, Բժշկական կազմակերպության կողմից կատարվում է լրացում կամ փոփոխություն ԱՐՄԵԴ համակարգում և նոր հաղորդմամբ տեղեկացում «ՀՎԿԱԿ» ՊՈԱԿ:

Ձև 1

ՑԱՆԿ

ԱՆՀԵՏԱՁԳԵԼԻ ՀԱՂՈՐԴՄԱՆ ԵՆԹԱԿԱ

ՀԻՎԱՆԴՈՒԹՅՈՒՆՆԵՐԻ

N	Ախտորոշում	ՀՄԴ-10	Ծանուցման տեսակ	Հաղորդման ենթակա կարգավիճակ
Անհետաձգելի (անմիջապես)
1.	Խոլերա	A00	Անհետաձգելի	Բոլոր դեպքերը
2.	Տիֆ և պարատիֆեր Ա,Բ,Ց	A01	Անհետաձգելի	Բոլոր դեպքերը
3.	Այլ մանրէային սննդային թունավորումներ` այլ դասերում չդասակարգված	A05	Անհետաձգելի	Բոլոր դեպքերը
4.	Ժանտախտ	A20	Անհետաձգելի	Հավանական Հաստատված
5.	Տուլարեմիա	A21	Անհետաձգելի	Հավանական Հաստատված
6.	Սիբիրյան խոց	A22	Անհետաձգելի	Հավանական Հաստատված
7.	Բրուցելոզ	A23	Անհետաձգելի	Հավանական Հաստատված
8.	Խլնախտ և մելիոիդոզ	A24	Անհետաձգելի	Բոլոր դեպքերը
9.	Առնետի կծելուց առաջացած տենդ	A25	Անհետաձգելի	Բոլոր դեպքերը
10.	Մանրէային այլ զոոնոզներ` այլ դասերում չդասակարգված	A28	Անհետաձգելի	Բոլոր դեպքերը
11.	Պրկախտ	A33-A35	Անհետաձգելի	Բոլոր դեպքերը
12.	Դիֆթերիա	A36	Անհետաձգելի	Բոլոր դեպքերը
13.	Հետադարձ տենդեր	A68	Անհետաձգելի	Բոլոր դեպքերը
14.	Օրնիտոզ	A70	Անհետաձգելի	Հավանական Հաստատված
15.	Ռիկետսիոզներ, այդ թվում՝ Քյու տենդ	A75- A79	Անհետաձգելի	Հավանական Հաստատված
16.	Սուր պոլիոմիելիտ	A80	Անհետաձգելի	Բոլոր դեպքերը
17.	Կրեյտցֆելդ-Յակոբի հիվանդություն	A81	Անհետաձգելի	Բոլոր դեպքերը
18.	Կատաղություն	A82	Անհետաձգելի	Բոլոր դեպքերը
19.	Վիրուսային Էնցեֆալիտներ	A83 – A87	Անհետաձգելի	Հավանական Հաստատված
20.	Վիրուսային հեմոռագիկ տենդեր՝	A90-A96, A98, A99	Անհետաձգելի	Հավանական Հաստատված
21.	Բնական ծաղիկ	B03	Անհետաձգելի	Բոլոր դեպքերը
22.	ԷՄփոքս հիվանդություն (նախկինում՝ կապիկի ծաղիկ հիվանդություն)	B04	Անհետաձգելի	Բոլոր դեպքերը
23.	Կարմրուկ	B05	Անհետաձգելի	Բոլոր դեպքերը
24.	Կարմրախտ	B06	Անհետաձգելի	Բոլոր դեպքերը
25.	Մալարիա	B50- B54	Անհետաձգելի	Հաստատված
26.	Համավարակ առաջացնելու ներուժ ունեցող հիվանդություններ (նոր գրիպ, զոոնոզային գրիպ)		Անհետաձգելի	Բոլոր դեպքերը
27.	Բնածին կարմրախտային համախտանիշ	P35.0	Անհեատձգելի	Բոլոր դեպքերը
28.	Որպես սնունդ ընդունած սնկերում պարունակվող վնասակար նյութերի	T62.0	Անհեատձգելի	Բոլոր դեպքերը
29.	Ծանր սուր շնչառական (ռեսպիրատոր) համախտանիշ (SARS)	U04	Անհեատձգելի	Բոլոր դեպքերը
30.	Կենդանիների կողմից տուժելու դեպքեր		Անհետաձգելի	Բոլոր դեպքերը
31.	Անսովոր և անսպասելի դեպքեր (սահմանված Հայաստանի Հանրապետության կառավարության 2010 թվականի օգոստոսի 21-ի թիվ 1138 -Ն որոշմամբ)		Անհետաձգելի	Բոլոր դեպքերը
32.	Վարակակրություն, հակամարմինների առկայությամբ անձիք՝
1)	Դիֆթերիայի հարուցչի	Z22.2	Անհետաձգելի	Հաստատված
2)	Մենինգակոկային վարակներ	Z22.3	Անհետաձգելի	Հաստատված
3)	Մալարիա	Z22.8	Անհետաձգելի	Հաստատված
33.	Սուր թորշոմած կաթված (համախտանիշ)		Անհետաձգելի	Բոլոր դեպքերը

Ձև 2

ՑԱՆԿ

ՇՏԱՊ ՀԱՂՈՐԴՄԱՆ ԵՆԹԱԿԱ

ՀԻՎԱՆԴՈՒԹՅՈՒՆՆԵՐԻ

N	Ախտորոշում	ՀՄԴ-10	Ծանուցման տեսակ	Հաղորդման ենթակա կարգավիճակ
Շտապ (24 ժամվա ընթացքում)
1.	Սալմոնելոզային այլ վարակներ	A02	Շտապ	Բոլոր դեպքերը
2.	Շիգելյոզ	A03	Շտապ	Բոլոր դեպքերը
3.	Այլ մանրէային աղիքային վարակներ (կասկածելի աղիքային վարակ)	A04	Շտապ	Բոլոր դեպքերը
4.	Ամեոբիազ	A06	Շտապ	Հաստատված
5.	Պրոտոզոային (նախակենդանիների) այլ աղիքային հիվանդություններ	A07	Շտապ	Հաստատված
6.	Վիրուսային և ճշտված այլ աղիքային վարակներ	A08	Շտապ	Հաստատված
7.	Այլ գաստրոէնտերիտ և կոլիտ վարակային` չճշտված ծագմամբ	A09	Շտապ	Հաստատված
8.	Տուբերկուլոզ	A15 - A19	Շտապ	Հաստատված
9.	Լեպտոսպիրոզ	A27	Շտապ	Հավանական Հաստատված
10.	Լեպրա (Բոր) (Հանսենի հիվանդություն)	A30	Շտապ	Բոլոր դեպքերը
11.	Լիստերիոզ	A32	Շտապ	Հավանական Հաստատված
12.	Կապույտ հազ / հարկապույտ հազ	A37	Շտապ	Բոլոր դեպքերը
13.	Քութեշ	A38	Շտապ	Բոլոր դեպքերը
14.	Մենինգակոկային վարակ	A39	Շտապ	Բոլոր դեպքերը
15.	Լեգիոներների հիվանդություն	A48.1	Շտապ	Բոլոր դեպքերը
16.	Բնածին սիֆիլիս	A50	Շտապ	Բոլոր դեպքերը
17.	Հղիների շրջանում սիֆիլիս	A51-A53	Շտապ	Բոլոր դեպքերը
18.	Լայմի հիվանդություն	A69.2	Շտապ	Հավանական Հաստատված
19.	Կենտրոնական նյարդային համակարգի վիրուսային վարակներ` այլ դասերում չդասակարգված	A88	Շտապ	Հավանական Հաստատված
20.	Կենտրոնական նյարդային համակարգի վիրուսային վարակներ` չճշտված	A89	Շտապ	Հավանական Հաստատված
21.	Ջրծաղիկ	B01	Շտապ	Բոլոր դեպքերը
22.	Վիրուսային հեպատիտներ	B15-B19	Շտապ	Բոլոր դեպքերը
23.	Համաճարակային պարօտիտ (խոզուկ)	B26	Շտապ	Բոլոր դեպքերը
24.	Լեյշմանիոզ	B55	Շտապ	Կասկածելի Հաստատված
25.	Հելմինթոզներ (ճիճվախտներ)	B65–B83	Շտապ	Հաստատված
26.	Ոջլոտություն և ֆտիրիոզ	B85	Շտապ	Հաստատված
27.	Քոս	B86	Շտապ	Հաստատված
28.	Այլ ինֆեստացիաներ	B88	Շտապ	Հաստատված
29.	Լիմ‎ֆոիդ լեյկոզ	C91	Շտապ	Բոլոր դեպքերը
30.	Միելոիդ լեյկոզ (միելոլեյկոզ)	C92	Շտապ	Բոլոր դեպքերը
31.	Մոնոցիտար լեյկոզ	C93	Շտապ	Բոլոր դեպքերը
32.	Այլ բջջային տիպի լեյկոզ	C94	Շտապ	Բոլոր դեպքերը
33.	Լեյկոզ` չճշտված բջջային տիպի	C95	Շտապ	Բոլոր դեպքերը
34.	Մանրէային (բակտերիալ) մենինգիտ` այլ դասերում չդասակարգված	G00	Շտապ	Բոլոր դեպքերը
35.	Մենինգիտ` այլ դասերում դասակարգված մանրէային հիվանդությունների դեպքում	G01	Շտապ	Բոլոր դեպքերը
36.	Մենինգիտներ` այլ դասերում դասակարգված վարակիչ և մակաբուծային հիվանդությունների ժամանակ	G02	Շտապ	Բոլոր դեպքերը
37.	Մենինգիտ` չճշտված	G03.9	Շտապ	Բոլոր դեպքերը
38.	Մանրէային մենինգոէնցեֆալիտ և մենինգոմիելիտ` այլ դասերում չդասակարգված	G04.2	Շտապ	Բոլոր դեպքերը
39.	Էնցեֆալիտ, միելիտ և էնցեֆալոմիելիտ` չճշտված Վենտրիկուլիտ (ուղեղային)` ԱՀՃ	G04.9	Շտապ	Բոլոր դեպքերը
40.	Ստրեպտոկոկային ֆարինգիտ	J02.0	Շտապ	Հաստատված
41.	Գրիպ` հարուցված գրիպի վիրուսով	J09-J11	Շտապ	Հաստատված
42.	Սուր թոքային երևույթներ` առաջացած ճառագայթումից, Ճառագայթային պնևմոնիտ	J70.0	Շտապ	Բոլոր դեպքերը
43.	Ճառագայթային գաստրոէնտերիտ և կոլիտ	K52.0	Շտապ	Բոլոր դեպքերը
44.	Մաշկի և ենթամաշկային հյուսվածքի՝ ախտահարումներ պայմանավորված ճառագայթմամբ	L55-L59	Շտապ	Բոլոր դեպքերը
45.	COVID-19` վիրուսը նույնականացված է	U07.1	Շտապ	Հաստատված
46.	Մարմնի արտաքին մակերեսի ջերմային և քիմիական Այրվածքներ` ճշտված տեղակայմամբ	T20-T25	Շտապ	Բոլոր դեպքերը
47.	Աչքի և ներքին օրգանների ջերմային և քիմիական այրվածքներ	T26-T28	Շտապ	Բոլոր դեպքերը
48.	Ջերմային և քիմիական այրվածքներ` բազմակի և չճշտված տեղակայմամբ	T29-T32	Շտապ	Բոլոր դեպքերը
49.	Թունավորում` դեղամիջոցներից, դեղորայքից և կենսաբանական նյութերից	T36-T50	Շտապ	Բոլոր դեպքերը
50.	Հիմնականում ոչ բժշկական նշանակության նյութերի թունավոր ազդեցություններ, բացառությամբ՝ T62.0	T51-T65	Շտապ	Բոլոր դեպքերը
51.	Ճառագայթման ազդեցության չճշտված հետևանքներ	T66	Շտապ	Բոլոր դեպքերը
52.	Վարակակրություն, հակամարմինների առկայությամբ անձիք՝
1)	Հեպատիտ Բ-ի վիրուսի հակածնակրություն	Z22.5	Շտապ	Բոլոր դեպքերը
2)	Հակա-ՀՑՎ-ակրություն		Շտապ	Բոլոր դեպքերը

Ձև 3

ՑԱՆԿ

ԸՆԹԱՑԻԿ ՀԱՂՈՐԴՄԱՆ ԵՆԹԱԿԱ

ՀԻՎԱՆԴՈՒԹՅՈՒՆՆԵՐԻ

N	Ախտորոշում	ՀՄԴ-10	Ծանուցման տեսակ	Հաղորդման ենթակա կարգավիճակ
Ընթացիկ (հաշվետու ժամանակահատված)
1.	Էրիզիպելոիդ	A26	Ընթացիկ	Հաստատված
2.	Մանրէային այլ հիվանդություններ, այլ դասերում չդասակարգված	A48	Ընթացիկ	Հաստատված
3.	Չճշտված տեղակայումով մանրէային վարակներ	A49	Ընթացիկ	Հաստատված
4.	Վարակային մոնոնուկլեոզ	B27	Ընթացիկ	Հաստատված
5.	Վիրուսային վարակ` չճշտված տեղակայմամբ	B34	Ընթացիկ	Հաստատված
6.	Աֆրիկյան տրիպանոսոմոզ	B56	Ընթացիկ	Հաստատված
7.	Շագասի հիվանդություն	B57	Ընթացիկ	Հաստատված
8.	Նախակենդանիներից առաջացած այլ հիվանդություններ` այլ դասերում չդասակարգված	B60	Ընթացիկ	Հաստատված
9.	Նախակենդանիներից հարուցված այլ հիվանդություններ` չճշտված	B64	Ընթացիկ	Հաստատված
10.	Տոքսոպլազմոզ	B58	Ընթացիկ	Հաստատված
11.	Պնևմոցիստոզ	B59	Ընթացիկ	Հաստատված
12.	Թոքաբորբ	J12 - J18	Ընթացիկ	Հաստատված
13.	Վարակակրություն հակամարմինների առկայությամբ անձիք՝
1)	Որովայնային տիֆի հարուցչի վարակակրություն	Z22.0	Ընթացիկ	Հաստատված
2)	Ստամոքսաղիքային այլ վարակիչ հիվանդությունների հարուցիչների վարակակրություն	Z22.1	Ընթացիկ	Հաստատված

Ձև 4

ՑԱՆԿ

ԱՄՓՈՓ ՀԱՂՈՐԴՄԱՆ ԵՆԹԱԿԱ

ՀԻՎԱՆԴՈՒԹՅՈՒՆՆԵՐԻ

N	Ախտորոշում	ՀՄԴ-10	Ծանուցման տեսակ	Հաղորդման ենթակա կարգավիճակ
Ամփոփ (հաշվետու ժամանակահատված)
1.	Վարակներ` հարուցված այլ միկոբակտերիաներով (սնկամանրէներով)	A31	Ամփոփ	Հաստատված
2.	Շողասնկախտ (ակտինոմիկոզ)	A42	Ամփոփ	Հաստատված
3.	Նոկարդիոզ	A43	Ամփոփ	Հաստատված
4.	Բարթոնելոզ	A44	Ամփոփ	Հաստատված
5.	Կարմիր քամի	A46	Ամփոփ	Հաստատված
6.	Առավելապես սեռական ճանապարհով փոխանցվող վարակներ, բացառությամբ հղիների սիֆիլիսի	A51-A64	Ամփոփ	Հաստատված
7.	Ոչ վեներական սիֆիլիս	A65	Ամփոփ	Հաստատված
8.	Գոտևորող որքին (հերպես զոստեր) (herpes zoster)	B02	Ամփոփ	Հաստատված
9.	Վիրուսային գորտնուկներ	B07	Ամփոփ	Հաստատված
10.	Մարդու իմունային անբավարարության վիրուս` ՄԻԱՎ (ներառյալ Ձեռքբերովի իմունային անբավարարության համախտանիշ (ՁԻԱՀ))	B20-B24	Ամփոփ	Հաստատված
11.	Միկոզներ (սնկախտեր)	B35-B49	Ամփոփ	Հաստատված
12.	Վիրուսային ագենտներ (ազդակներ)` որպես այլ դասերում դասակարգված հիվանդությունների հարուցիչներ	B97	Ամփոփ	Հաստատված
13.	Վերին շնչառական ուղիների սուր ռեսպիրատոր (շնչառական) վարակներ, այդ թվում COVID-19 վիրուսը նույնականացված չէ (U07.2), բացառությամբ Ստրեպտակոկային ֆարինգիտ (J02.0)	J00-J06, U07.2	Ամփոփ	Հաստատված
14.	Անախտանշան վարակիչ կարգավիճակ` հարուցված մարդու իմունանբավարարության վիրուսով (ՄԻԱՎ)	Z21	Ամփոփ	Հաստատված
15.	Բժշկական օգնության և սպասարկման ընթացքում ձեռք բերվող վարակներ (համաձայն՝ ՀՀ առողջապահության նախարարի 2025 թվականի մայիսի 26-ի թիվ 49-Ն հրամանի)		Ամփոփ	Հաստատված

Ձև 5

ՀԻՎԱՆԴՈՒԹՅՈՒՆՆԵՐԻ

ԱՆՀԵՏԱՁԳԵԼԻ, ՇՏԱՊ ԵՎ ԸՆԹԱՑԻԿ ՀԱՂՈՐԴՈՒՄ

1. Ախտորոշում______________________________________________________________

2. Ազգանուն, անուն, հայրանուն______________________________________________

3. Անձը հաստատող փաստաթղթի սերիա/համար_____________________________

4. Սեռ______________________________________________________________________

5. Տարիք (ծննդյան ամիս, ամսաթիվ, տարի) ___________________________________

6. Հեռախոս ________________________________________________________________

7. Բնակության հասցե______________________________________________________________

8. Հաշվառման հասցե________________________________________________________________

9. Աշխատանքի կամ ուսումնական կազմակերպության անվանում (առկայության դեպքում գտնվելու հասցե,հեռախոս) _________________________________________

10. Ամսաթվեր`

1) հիվանդացման ____________________________________________________________

2) առաջին անգամ դիմելու (հայտնաբերման) ___________________________________

3) ախտորոշման (նախնական, փոփոխված/ճշգրտված, վերջնական) ______________

4) հոսպիտալացման _________________________________________________________

11. Հոսպիտալացման վայր (բժշկական հաստատության անվանում, բաժանմունք) ________________________________________________________________________________

12. Հղիություն (ժամկետ) ____________________________________________________

13. Կլինիկական ախտանշաններ_____________________________________________

14. Լաբորատոր հետազոտության եղանակ, արդյունք__________________________

15. Լաբորատոր հետազոտության ամսաթիվ__________________________________

16. Հիվանդության ելքը ( առողջացում, լավացում, անփոփոխ, վատացում, մահ)__________________________________________________________________________

17. Հիվանդության ելքի ամսաթիվ____________________________________________

18. Հաղորդման ուղարկման ամսաթիվ և ժամ_________________________________

19. Հաղորդում ուղարկողի անուն, ազգանուն _________________________________

Ձև 6

ԲԺՇԿԱԿԱՆ ՕԳՆՈՒԹՅԱՆ ԵՎ ՍՊԱՍԱՐԿՄԱՆ ԸՆԹԱՑՔՈՒՄ ՁԵՌՔ ԲԵՐՎՈՂ ՎԱՐԱԿՆԵՐ

Բժշկական օգնություն և սպասարկում իրականացնող կազմակերպության անվանումը՝ ________________________________________________

Հաշվետու ժամանակահատված՝ ամիս , տարեթիվ

N	Բժշկական օգնության և սպասարկման ընթացքում ձեռք բերվող վարակներ	Դեպքերի թիվ
N		Ընդամենը	Որից՝ 0-17 տարեկան
	Ընդունված պացիենտների ընդհանուր թիվը
1.	Վիրաբուժական վերքի վարակ, որից
1)	Վիրաբուժական վերքի մակերեսային վարակ
2)	Վիրաբուժական վերքի խորը վարակ
3)	Օրգանի ախտահարմամբ հետվիրահատական վարակ
2.	Թոքաբորբ
3.	Միզուղիների վարակ
4.	Արյան հունի վարակ (լաբորատոր հաստատված)
5.	Կենտրոնական երակային կաթետեր ասոցացված վարակ (լաբորատոր հաստատված)
6.	Ծայրամասային կաթետեր ասոցացված վարակ (լաբորատոր հաստատված)
7.	Սրտանոթային համակարգի վարակ
1)	Զարկերակային կամ երակային վարակ
2)	Էնդոկարդիտ
3)	Միոկարդիտ կամ պերիկարդիտ
4)	Մեդիաստինիտ
8.	Կենտրոնական նյարդային համակարգի վարակ, որից
1)	Ներգանգային վարակ
2)	Մենինգիտ կամ վենտրիկուլիտ
3)	Սպինալ աբսցես առանց մենինգիտի
9.	Աչքի, ականջի, քթի կամ բերանի խոռոչի վարակ
1)	Շաղկապենու բորբոքում (կոնյունկտիվիտ)
2)	Աչքի վարակ՝ բացառությամբ կոնյունկտիվիտի
3)	Ականջի, պտկաձև ելունի վարակ
4)	Բերանի խոռոչի (բերանի, լեզվի կամ լնդերի) վարակ
5)	Սինուսիտ
6)	Վերին շնչուղիների վարակ՝ ֆարինգիտ, լարինգիտ, էպիգլոտիտ
10.	Աղեստամոքսային համակարգի վարակներ, որից
1)	Կլոստրիդիում դիֆիցելեով պայմանավորված վարակ
2)	Գաստրոէնտերիտ` բացառությամբ Կլոստրիդիում դիֆիցելեով պայմանավորված վարակ
3)	Աղեստամոքսային տրակտի (կերակրափողի, ստամոքսի, բարակ և հաստ աղու, ուղիղ աղիքի) վարակ՝ բացառությամբ գաստրոէնտերիտ (GE) և Կլոստրիդիում դիֆիցելեով պայմանավորված վարակ
4)	Հեպատիտ
5)	Ներորովայնային վարակ, որևէ այլ տեղում չդասակարգված
11.	Ստորին շնչուղիների վարակ, բացի թոքաբորբից
1)	Բրոնխիտ, տրախեոբրոնխիտ, բրոնխիոլիտ, տրախեիտ՝ առանց թոքաբորբի նշանների
2)	Ստորին շնչուղիների այլ վարակներ
12.	Վերարտադրողական համակարգի վարակներ
1)	Էնդոմետրիտ
2)	Շեքահատման հետևանքով առաջացած վարակ
3)	Հեշտոցի մանժետից առաջացած վարակ
4)	Տղամարդու կամ կնոջ վերարտադրողական օրգանների այլ վարակներ
13.	Մաշկի և փափուկ հյուսվածքների վարակներ
1)	Մաշկի վարակ
2)	Փափուկ հյուսվածքների վարակ (նեկրոզացնող ֆասցիիտ, մանրէային գանգրենա, նեկրոզացնող ցելյուլիտ, վարակիչ միոզիտ, լիմֆադենիտ կամ լիմֆանգիտ)
3)	Պառկելախոց, այդ թվում մակերեսային և խորանիստ շերտերի վարակներ
4)	Այրվածք
5)	Կրծքագեղձի թարախակույտ (աբսցես) կամ կրծքագեղձի բորբոքում (մաստիտ)
14.	Ոսկրի և հոդի վարակներ
1)	Ոսկրածուծաբորբ (Օստեոմիելիտ)
2)	Հոդի կամ հոդապարկի վարակ
3)	Միջսկավառակային տարածության վարակ
15.	Համակարգային վարակներ
16.	Նորածնային դեպքի սահմանումներ, որից
1)	Կլինիկական նորածնային սեպսիս
2)	Արյան հունի վարակ նորածնի մոտ՝ լաբորատոր հաստատումով, կոագուլազ-դրակամ ստաֆիլակոկ հարուցված
3)	Արյան հունի վարակ նորածնի մոտ՝ լաբորատոր հաստատումով, կոագուլազ-բացասական ստաֆիլակոկով հարուցված
4)	Նորածնային թոքաբորբ
5)	Նեկրոզային էնտերոկոլիտ

Ձև 7

ԲԺՇԿԱԿԱՆ ՀԱՍՏԱՏՈՒԹՅԱՆ ԿՈՂՄԻՑ ԱՐՁԱՆԱԳՐՎԱԾ, ԱՄՓՈՓ ՁԵՎՈՎ ՀԱՂՈՐԴՄԱՆ ԵՆԹԱԿԱ ՀԻՎԱՆԴՈՒԹՅՈՒՆՆԵՐԻ ՎԵՐԱԲԵՐՅԱԼ ՏԵՂԵԿԱՏՎՈՒԹՅՈՒՆ՝ ԸՍՏ ՄԱՐԶԵՐԻ ԵՎ ԵՐԵՎԱՆ ՔԱՂԱՔԻ

Հիվան-դություն-ների անվանում

Գրանցված հիվանդության դեպքերի քանակը

դրանցից՝

Գրանցվել են հիվանդներ մահվան ելքով, մարդ

Ընդա-մենը

այդ թվում` մինչև 18 տարեկան (17 տարեկան 11 ամսական 29 օրական)

որից՝ հոսպիտալացված

ըստ սեռի

ըստ բնակավայրի

Արական

իգական

Քաղաքաբնակ

գյուղաբնակ

Ընդա-մենը

այդ թվում` մինչև 18 տարեկան

Ընդա-մենը

այդ թվում` մինչև 18 տարեկան

Ընդա-մենը

այդ թվում` մինչև 18 տարեկան

Ընդա-մենը

այդ թվում` մինչև 18 տարեկան

Ընդա-մենը

այդ թվում` մինչև 18 տարեկան

Ընդա-մենը

այդ թվում` մինչև 18 տարեկան

Ձև 8

ԲԺՇԿԱԿԱՆ ՀԱՍՏԱՏՈՒԹՅԱՆ ԿՈՂՄԻՑ ԱՐՁԱՆԱԳՐՎԱԾ՝ ՄԱՐԴՈՒ ԻՄՈՒՆԱՅԻՆ ԱՆԲԱՎԱՐԱՐՈՒԹՅԱՆ ՎԻՐՈՒՍԻ` ՄԻԱՎ (B20-B24) ԵՎ ԱՆԱԽՏԱՆՇԱՆ ՎԱՐԱԿԻՉ ԿԱՐԳԱՎԻՃԱԿԻ` ՀԱՐՈՒՑՎԱԾ ՄԱՐԴՈՒ ԻՄՈՒՆԱՆԲԱՎԱՐԱՐՈՒԹՅԱՆ ՎԻՐՈՒՍՈՎ (ՄԻԱՎ) (Z21) ՎԵՐԱԲԵՐՅԱԼ ՏԵՂԵԿԱՏՎՈՒԹՅՈՒՆ՝ ԸՍՏ ՄԱՐԶԵՐԻ ԵՎ ԵՐԵՎԱՆ ՔԱՂԱՔԻ

Ախտորո-շում

Տողի

համարը

Ծածկա-գիրն՝ ըստ ՀԴ 014-2013 (ՀՄԴ 10)

Գրանցված հիվան-դության դեպքերի քանակը, միավոր

Դրանցից`

Գրանցվել են հիվանդներ մահվան ելքով, մարդ

կանայք

մինչև

18 տարեկան

(17 տարեկան

11 ամսական

29 օրական)

որից՝

գյուղաբնակներ

ընդա-մենը

100000 բնակչի հաշվով

ընդամենը

100000 բնակչի հաշվով

0-2

տարե-կան

3-6

տարե-կան

ընդամենը

մինչև 18 տարե-կան

Ձև 9

ԿՈՆՏԱԿՏԱՅԻՆ ՏՎՅԱԼՆԵՐ

N	Կազմակերպություն	Էլեկտրոնային հասցե	Հեռախոսահամար
1	«ՀՎԿԱԿ» ՊՈԱԿ - Երևան	yerevan.epid@ncdc.am	(+374 41) 808097
2	«ՀՎԿԱԿ» ՊՈԱԿ - Արագածոտն	aragatsotn@ncdc.am	(+374 41) 808051
3	«ՀՎԿԱԿ» ՊՈԱԿ - Արարատ	ararat@ncdc.am	(+374 41) 808052
4	«ՀՎԿԱԿ» ՊՈԱԿ - Արմավիր	armavir@ncdc.am	(+374 41) 808053
5	«ՀՎԿԱԿ» ՊՈԱԿ - Գեղարքունիք	gegharqunik@ncdc.am	(+374 41) 808054
6	«ՀՎԿԱԿ» ՊՈԱԿ - Լոռի	lori@ncdc.am	(+374 41) 808061
7	«ՀՎԿԱԿ» ՊՈԱԿ - Կոտայք	kotayk@ncdc.am	(+374 41) 808062
8	«ՀՎԿԱԿ» ՊՈԱԿ - Շիրակ	shirak@ncdc.am	(+374 41) 808063
9	«ՀՎԿԱԿ» ՊՈԱԿ - Սյունիք	syunik@ncdc.am	(+374 41) 808064
10	«ՀՎԿԱԿ» ՊՈԱԿ - Վայոց Ձոր	vayotcdzor@ncdc.am	(+374 41) 808095
11	«ՀՎԿԱԿ» ՊՈԱԿ - Տավուշ	tavush@ncdc.am	(+374 41) 808096
12	ՀՀ ԱՆ «Այրվածքաբանության և մաշկաբանության ազգային կենտրոն» ՓԲԸ	info@amak.am	(+374 93) 808033

Պաշտոնական հրապարակման օրը՝ 28 հուլիսի 2026 թվական:

Փոփոխման պատմություն

Փոփոխող ակտ		Համապատասխան ինկորպորացիան

Փոփոխված ակտ

Փոփոխող ակտ		Համապատասխան ինկորպորացիան