ՀՀ ԿԱՌԱՎԱՐՈՒԹՅԱՆ ՈՐՈՇՈՒՄԸ ԳԱՐՆԱՆԱՑԱՆ ՀԱՑԱՀԱՏԻԿԱՅԻՆ ՄՇԱԿԱԲՈՒՅՍԵՐԻ ՍՈՐՏԱՅԻՆ ՍԵՐՄԵՐԻ ՄԻԱՍՆԱԿԱՆ ԳՆԵՐԻ ՍԱՀՄԱՆՄԱՆ ՄԱՍԻՆ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

7 մայիսի 1993 թ. N 211

Քաղ. Երևան

ԳԱՐՆԱՆԱՑԱՆ ՀԱՑԱՀԱՏԻԿԱՅԻՆ ՄՇԱԿԱԲՈՒՅՍԵՐԻ ՍՈՐՏԱՅԻՆ ՍԵՐՄԵՐԻ ՄԻԱՍՆԱԿԱՆ ԳՆԵՐԻ ՍԱՀՄԱՆՄԱՆ ՄԱՍԻՆ

Ելնելով հանրապետություն ներկրվող և առկա հացահատիկային մշակաբույսերի սորտային սերմերի միասնական գների սահմանման անհրաժեշտությունից, Հայաստանի Հանրապետության կառավարությունը որոշում է.

1. Թույլատրել Հայաստանի Հանրապետության պարենի և մթերումների նախարարությանը` 1993 թվականին հանրապետություն ներմուծվող և պետական պաշարներում առկա գարնանացան հացահատիկային մշակաբույսերի սորտային սերմերը պետական, գյուղացիական, գյուղացիական կոլեկտիվ տնտեսություններին ու կազմակերպություններին, ինչպես նաև բնակչությանը վաճառել Հայաստանի Հանրապետության գյուղատնտեսության նախարարության հայտագրերով` սահմանված միասնական գներով, համաձայն հավելվածի:

2. Հայաստանի Հանրապետության գյուղատնտեսության նախարարությանն ու պարենի և մթերումների նախարարությանը` Հայաստանի Հանրապետության ֆինանսների նախարարության հետ համատեղ գարնանացան մշակաբույսերի սերմերի իրացումից հետո ճշգրտել դրանց փաստացի արժեքները, համադրել սույն որոշմամբ սահմանված միասնական գների հետ և կատարել վերահաշվարկ`

ա) փաստացի կատարված ծախսերը սահմանված գներից բարձր լինելու դեպքում տարբերությունը փոխհատուցել Հայաստանի Հանրապետության պարենի և մթերումների նախարարությանը` գյուղատնտեսության նախարարության հումանիտար օգնության կարգով ստացված միջոցների հաշվին.

բ) փաստացի կատարված ծախսերը սահմանված գներից ցածր լինելու դեպքում ավելի գանձված գումարները պարենի և մթերումների նախարարության հաշվից փոխհատուցել գյուղատնտեսության նախարարությանը:

Հայաստանի Հանրապետության վարչապետ

Հ. ԲԱԳՐԱՏյան

Հայաստանի Հանրապետության ԿԱՌԱՎԱՐՈՒԹՅԱՆ ԳՈՐԾԵՐԻ ԿԱՌԱՎԱՐԻՉ

Ա. ԽԱՉԱՏՐՅԱՆ

ՀԱՎԵԼՎԱԾ ՀՀ կառավարության 1993 թ. մայիսի 7-ի N 211 որոշման

ՄԻԱՍՆԱԿԱՆ ԳՆԵՐ

1993 ԹՎԱԿԱՆԻ ԳԱՐՆԱՆԱՑԱՆ ՀԱՑԱՀԱՏԻԿԱՅԻՆ ՄՇԱԿԱԲՈՒՅՍԵՐԻ ՍՈՐՏԱՅԻՆ ՍԵՐՄԵՐԻ

Հայաստանի Հանրապետության ԿԱՌԱՎԱՐՈՒԹՅԱՆ ԳՈՐԾԵՐԻ ԿԱՌԱՎԱՐԻՉ

Ա. ԽԱՉԱՏՐՅԱՆ