ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
Օ Ր Ե Ն Ք Ը
Ընդունված է 2026 թվականի հուլիսի 3-ին
«ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԴՐՈՇԻ ՄԱՍԻՆ» ՕՐԵՆՔՈՒՄ ԼՐԱՑՈՒՄ ԿԱՏԱՐԵԼՈՒ ՄԱՍԻՆ
Հոդված 1. «Հայաստանի Հանրապետության դրոշի մասին» 2006 թվականի հունիսի 15-ի ՀՕ-149-Ն օրենքի 3-րդ հոդվածը լրացնել հետևյալ բովանդակությամբ 1.1-ին մասով.
«1.1. Հայաստանի Հանրապետության դրոշը մշտապես բարձրացվում է Հայաստանի Հանրապետության համայնքների կազմում ընդգրկված յուրաքանչյուր բնակավայր տանող միջպետական կամ հանրապետական կամ տեղական նշանակության ավտոճանապարհի՝ բնակավայրի սկիզբը նշանակող հատվածների մոտ: Յուրաքանչյուր բնակավայր տանող միջպետական կամ հանրապետական կամ տեղական նշանակության ավտոճանապարհի՝ բնակավայրի սկիզբը նշանակող հատվածների մոտ Հայաստանի Հանրապետության դրոշի բարձրացման առանձնահատկությունները և կարգը հաստատում է Կառավարությունը:»:
Հոդված 2.
1. Սույն օրենքն ուժի մեջ է մտնում պաշտոնական հրապարակման օրվան հաջորդող տասներորդ օրը:
2. Սույն օրենքից բխող ենթաօրենսդրական նորմատիվ իրավական ակտն ընդունվում է սույն օրենքն ուժի մեջ մտնելուց հետո` վեցամսյա ժամկետում:
|
Հանրապետության նախագահ |
Վ. Խաչատուրյան |
|
2026 թ. հուլիսի 13 Երևան ՀՕ-303-Ն |
Պաշտոնական հրապարակման օրը՝ 14 հուլիսի 2026 թվական: