ԵՐԵՎԱՆԻ ՔԱՂԱՔԱՊԵՏԻ ՈՐՈՇՈՒՄԸ Ա. ԳՈՒԼԱԿՅԱՆ ՓՈՂՈՑԻ Հ.85 ՇԵՆՔԻ Հ.115 ԵՎ Հ.116 ՀԱՍՑԵՆԵՐՈՒՄ ԳՏՆՎՈՂ ԱՎՏՈԿԱՅԱՆԱՏԵՂԻՆԵՐԻ ԳՈՐԾԱՌԱԿԱՆ ՆՇԱՆԱԿՈՒԹՅՈՒՆՆԵՐԸ ՓՈԽԵԼՈՒ ՄԱՍԻՆ

ԵՐԵՎԱՆԻ ՔԱՂԱՔԱՊԵՏ

Ա. ԳՈՒԼԱԿՅԱՆ ՓՈՂՈՑԻ Հ.85 ՇԵՆՔԻ Հ.115 ԵՎ Հ.116 ՀԱՍՑԵՆԵՐՈՒՄ ԳՏՆՎՈՂ ԱՎՏՈԿԱՅԱՆԱՏԵՂԻՆԵՐԻ ԳՈՐԾԱՌԱԿԱՆ ՆՇԱՆԱԿՈՒԹՅՈՒՆՆԵՐԸ ՓՈԽԵԼՈՒ ՄԱՍԻՆ

Վարչական ակտի ընդունման համար հիմք է հանդիսացել «ԱԼԴԻՆԱ» ՍՊԸ-ի տնօրեն Վեներա Կիրակոսյանի դիմումը՝ Ա. Գուլակյան փողոցի հ.85 շենքի հ.115 և հ.116 հասցեներում գտնվող, սեփականության իրավունքով ընկերությանը պատկանող ավտոկայանատեղիների /անշարժ գույքի նկատմամբ իրավունքների պետական գրանցման հ.30052026-01-0005 և հ.30052026-01-0003 վկայականներ/ գործառական նշանակությունները փոխելու մասին:

Ղեկավարվելով «Երևան քաղաքում տեղական ինքնակառավարման մասին» օրենքի 49-րդ հոդվածով, «Վարչարարության հիմունքների և վարչական վարույթի մասին» օրենքի 3-րդ, 53-րդ, 59-րդ և 60-րդ հոդվածներով, Հայաստանի Հանրապետության կառավարության 2002 թվականի փետրվարի 2-ի հ.88 որոշմամբ հաստատված կարգի 7-րդ կետով, հաշվի առնելով Երևանի քաղաքապետարանի աշխատակազմի ճարտարապետության և քաղաքաշինության վարչության Ն/36641-26 եզրակացությունը.

1. Ա. Գուլակյան փողոցի հ.85 շենքի հ.115 և հ.116 հասցեներում գտնվող, «ԱԼԴԻՆԱ» ՍՊԸ-ին պատկանող ավտոկայանատեղիների գործառական նշանակությունները, առանց ճարտարապետահատակագծային առաջադրանքի և նախագծային փոփոխությունների, սահմանել հասարակական և ընդգրկել ոչ բնակելի ֆոնդում` որպես հասարակական /«ՀՀՇՆ 31-01-2014» պահանջներին չհակասելու պայմանով/։

2. Հանձնարարել Արաբկիր վարչական շրջանի ղեկավարին` սույն որոշման 1-ին կետում նշված տարածքը հաշվառել որպես հասարակական և ընդգրկել ոչ բնակելի ֆոնդում:

3. Ընդունել ի գիտություն, որ սույն որոշմամբ սահմանված տարածքի գործառական նշանակության փոփոխությունը ենթակա է պետական գրանցման` ՀՀ կադաստրի կոմիտեի համապատասխան ստորաբաժանումում:

4. Սույն որոշումն ուժի մեջ է մտնում այն ստանալու հաջորդ օրը։

5. Սույն որոշումը կարող է վարչական կարգով բողոքարկվել Երևանի քաղաքապետին կամ դատական կարգով Հայաստանի Հանրապետության վարչական դատարան՝ դրա ուժի մեջ մտնելու օրվանից երկամսյա ժամկետում։

6. Սույն որոշման կատարման կազմակերպումն ու պատասխանատվությունը դնել Երևանի քաղաքապետարանի աշխատակազմի ճարտարապետության և քաղաքաշինության, անշարժ գույքի կառավարման վարչությունների պետերի և Արաբկիր վարչական շրջանի ղեկավարի վրա։

7. Սույն որոշման կատարման ընթացքի նկատմամբ հսկողությունն ապահովում է Երևանի քաղաքապետարանի աշխատակազմի քարտուղարը:

Տ. Ավինյան