ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՓՈԽՎԱՐՉԱՊԵՏ

Ո Ր Ո Շ ՈՒ Մ

N 333-Ա

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՓՈԽՎԱՐՉԱՊԵՏԻ 2026 ԹՎԱԿԱՆԻ ՄԱՐՏԻ 25-Ի N 164-Ա ՈՐՈՇՄԱՄԲ ՀԱՍՏԱՏՎԱԾ ԾՐԱԳՐԻՆ ՀԱՐԱԿԻՑ ԳՈՐԾԱՐՔՆԵՐԻ ՄԱՍԻՆ

Հիմք ընդունելով «Բարեգործության մասին» օրենքի 13-րդ հոդվածի 2-րդ մասի 3-րդ կետը՝

1. Սահմանել, որ «Հայկական Կարիտաս» բարեսիրական հասարակական կազմակերպության կողմից (ՀՎՀՀ` 05514397) կնքված` ստորև նշված պայմանագրերով նախատեսված գործարքներն անմիջականորեն կապված են Հայաստանի Հանրապետության փոխվարչապետի 2026 թվականի մարտի 25-ի «Հայկական Կարիտաս» բարեսիրական հասարակական կազմակերպության կողմից իրականացվող «Հայաստանում ներառական և համապատասխան որակյալ կրթության կայացում» ծրագրի մասին» N 164-Ա որոշմամբ հաստատված ծրագրի իրականացման հետ և դրա համար ունեն զգալի նշանակություն`

1) Ծաղկաձորի «Գարուն Հյուրանոց» սահմանափակ պատասխանատվությամբ ընկերության հետ (ՀՎՀՀ` 03015321) 2026 թվականի մայիսի 18-ին կնքված՝ N 590/IEQE26/2026/02/21 պայմանագրում նշված գործարքը, որով նախատեսվում է հյուրանոցային ծառայությունների մատուցում՝ 6,928,500 դրամի չափով, առանց ավելացված արժեքի հարկի.

2) «Սկանտեկ» սահմանափակ պատասխանատվությամբ ընկերության հետ (ՀՎՀՀ` 00855665) 2026 թվականի մայիսի 19-ին կնքված՝ N 590/IEQE26/2026/04/02 պայմանագրում նշված գործարքը, որով նախատեսվում է ինտերակտիվ գրատախտակի ձեռքբերման, փոխադրման և տեղադրման աշխատանքների իրականացում` 1,020,000 դրամի չափով, առանց ավելացված արժեքի հարկի: