ՀՀ ԿԱՌԱՎԱՐՈՒԹՅԱՆ ՈՐՈՇՈՒՄԸ ՀԱՑԱՀԱՏԻԿԻ ԳՆՄԱՆ ՊԱՅՄԱՆԱԳՐԻ ՄԱՍԻՆ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

8 ապրիլի 1994 թ. N 161

Քաղ. Երևան

ՀԱՑԱՀԱՏԻԿԻ ԳՆՄԱՆ ՊԱՅՄԱՆԱԳՐԻ ՄԱՍԻՆ

Բնակչությանը հացամթերքներով անխափան մատակարարելու նպատակով Հայաստանի Հանրապետության կառավարությունը որոշում է.

1. Հայաստանի Հանրապետության պարենի և մթերումների նախարարությանը` գնել 20,0 հազ. տոննա պարենային ցորեն, յուրաքանչյուր տոննան 107 ԱՄՆ-ի դոլար, ՍԻՖ-ի պայմաններով Փոթի և Բաթումի նավահանգիստներում ստանալ այն և ներկրել հանրապետություն սեփական միջոցներով:

2. Առաջարկել Հայարդշինբաժնետերբանկին, հիմք ընդունելով «Էքսպորտխլեբի» հետ կնքված պայմանագիրը, Հայաստանի Հանրապետության պարենի և մթերումների նախարարության համակարգի Երևանի ալրաղաց գործարանին հատկացնել 2,14 մլն ԱՄՆ-ի դոլարով վարկ` 8 ամիս ժամկետով, ամսական 1 տոկոսադրույքով, մարումը սկսելով 1994 թվականի հուլիսի 1-ից, վարկի օգտագործման տոսկոսները դրամով մարելու պայմանով` մարման պահին Հայաստանի Հանրապետության կենտրոնական բանկի կողմից հաստատված կուրսին համապատասխան:

3. Հայաստանի Հանրապետության ֆինանսների նախարարությանը`

ա) Հայարդշինբաժնետերբանկին տալ երաշխիք-նամակ վարկի հատկացման համար` վարկային պայմանագրով նշված ժամկետում վարկը ԱՄՆ-ի դոլարով, իսկ տոկոսները դրամով հանրապետական բյուջեի հաշվին մարելու պայմանով.

բ) ցորենը ստանալուց և հացի արտադրության համար օգտագործելուց հետո Հայաստանի Հանրապետության պարենի և մթերումների նախարարության հետ համատեղ որոշել նշված ցորենից ստացված հացի վաճառքից հասույթի չափը և այն գանձել հանրապետական բյուջե` վարկի մարման համար:

4. Առաջարկել Հայաստանի Հանրապետության կենտրոնական բանկին Հայարդշինբաժնետերբանկի կողմից հատկացվող վարկի չափը չհաշվարկել բանկի համար նախատեսված նորմատիվների հաշվարկման ժամանակ:

ՀԱՅԱՍՏԱՆի հանրապետության վարչապետ

Հ. ԲԱԳՐԱՏՅԱՆ

ՀԱՅԱՍՏԱՆի հանրապետության կԱՌԱՎԱՐՈՒԹՅԱՆ ԳՈՐԾԵՐԻ ԿԱՌԱՎԱՐիչ

Ա. ԽԱՉԱՏՐՅԱՆ