ՀՀ ՕՐԵՆՔԸ «ՀԱՆՐԱՅԻՆ ԾԱՌԱՅՈՒԹՅԱՆ ՄԱՍԻՆ» ՕՐԵՆՔՈՒՄ ԼՐԱՑՈՒՄ ԿԱՏԱՐԵԼՈՒ ՄԱՍԻՆ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

Ընդունված է 2026 թվականի մայիսի 7-ին

«ՀԱՆՐԱՅԻՆ ԾԱՌԱՅՈՒԹՅԱՆ ՄԱՍԻՆ» ՕՐԵՆՔՈՒՄ ԼՐԱՑՈՒՄ ԿԱՏԱՐԵԼՈՒ ՄԱՍԻՆ

Հոդված 1․ «Հանրային ծառայության մասին» 2018 թվականի մարտի 23-ի ՀՕ-206-Ն օրենքի 31֊րդ հոդվածը լրացնել հետևյալ բովանդակությամբ 20-րդ մասով.

«20․ Սույն հոդվածով սահմանված անհամատեղելիության պահանջների խախտում չի համարվում «Արտաքին հետախուզական գործունեության և արտաքին հետախուզության ծառայության մասին» օրենքով սահմանված կարգով արտաքին հետախուզության ծառայության ծառայողի կողմից իրականացվող աշխատանքը կամ ձեռնարկատիրական գործունեությունը։»։

Հոդված 2. Սույն օրենքն ուժի մեջ է մտնում պաշտոնական հրապարակմանը հաջորդող օրվանից։

Հանրապետության նախագահ	Վ. Խաչատուրյան
2026 թ. հունիսի 2 Երևան  ՀՕ-227-Ն

Պաշտոնական հրապարակման օրը՝ 3 հունիսի 2026 թվական: