ՀՀ ԿԱՌԱՎԱՐՈՒԹՅԱՆ ՈՐՈՇՈՒՄԸ ԳԵՐԱԿԱ ՈԼՈՐՏՈՒՄ ԻՐԱԿԱՆԱՑՎՈՂ ՆԵՐԴՐՈՒՄԱՅԻՆ ԾՐԱԳՐԻ ՇՐՋԱՆԱԿՆԵՐՈՒՄ ՆԵՐՄՈՒԾՎՈՂ ՏԵԽՆՈԼՈԳԻԱԿԱՆ ՍԱՐՔԱՎՈՐՈՒՄՆԵՐԻ, ԴՐԱՆՑ ԲԱՂԿԱՑՈՒՑԻՉ ՈՒ ՀԱՄԱԼՐՈՂ ՄԱՍԵՐԻ, ՀՈՒՄՔԻ ԵՎ (ԿԱՄ) ՆՅՈՒԹԵՐԻ ՆԿԱՏՄԱՄԲ ՍԱԿԱԳՆԱՅԻՆ, ՄԱՍՆԱՎՈՐԱՊԵՍ, ՆԵՐՄՈՒԾՄԱՆ ՄԱՔՍԱՏՈՒՐՔԻՑ ԱԶԱՏԵԼՈՒ ԱՐՏՈՆՈՒԹՅՈՒՆԻՑ ՕԳՏՎԵԼՈՒ ՀԱՄԱՐ «Վ-ՍԱՆԿ» ՍԱՀՄԱՆԱՓԱԿ ՊԱՏԱՍԽԱՆԱՏՎՈՒԹՅԱՄԲ ԸՆԿԵՐՈՒԹՅԱՆ ԿՈՂՄԻՑ ՆԵՐԿԱՅԱՑՎԱԾ ՀԱՅՏԸ ԲԱՎԱՐԱՐԵԼՈՒ ԵՎ «Վ-ՍԱՆԿ» ՍԱՀՄԱՆԱՓԱԿ ՊԱՏԱՍԽԱՆԱՏՎՈՒԹՅԱՄԲ ԸՆԿԵՐՈՒԹՅԱՆ, «ԻՆԵԿՈԲԱՆԿ» ՓԱԿ ԲԱԺՆԵՏԻՐԱԿԱՆ ԸՆԿԵՐՈՒԹՅԱՆ ՆԿԱՏՄԱՄԲ ԱՐՏՈՆՈՒԹՅՈՒՆԸ ԿԻՐԱՌԵԼՈՒ ՄԱՍԻՆ

Ո Ր Ո Շ ՈՒ Մ

26 սեպտեմբերի 2024 թվականի N 1520-Ա

ԳԵՐԱԿԱ ՈԼՈՐՏՈՒՄ ԻՐԱԿԱՆԱՑՎՈՂ ՆԵՐԴՐՈՒՄԱՅԻՆ ԾՐԱԳՐԻ ՇՐՋԱՆԱԿՆԵՐՈՒՄ ՆԵՐՄՈՒԾՎՈՂ ՏԵԽՆՈԼՈԳԻԱԿԱՆ ՍԱՐՔԱՎՈՐՈՒՄՆԵՐԻ, ԴՐԱՆՑ ԲԱՂԿԱՑՈՒՑԻՉ ՈՒ ՀԱՄԱԼՐՈՂ ՄԱՍԵՐԻ, ՀՈՒՄՔԻ ԵՎ (ԿԱՄ) ՆՅՈՒԹԵՐԻ ՆԿԱՏՄԱՄԲ ՍԱԿԱԳՆԱՅԻՆ, ՄԱՍՆԱՎՈՐԱՊԵՍ, ՆԵՐՄՈՒԾՄԱՆ ՄԱՔՍԱՏՈՒՐՔԻՑ ԱԶԱՏԵԼՈՒ ԱՐՏՈՆՈՒԹՅՈՒՆԻՑ ՕԳՏՎԵԼՈՒ ՀԱՄԱՐ «Վ-ՍԱՆԿ» ՍԱՀՄԱՆԱՓԱԿ ՊԱՏԱՍԽԱՆԱՏՎՈՒԹՅԱՄԲ ԸՆԿԵՐՈՒԹՅԱՆ ԿՈՂՄԻՑ ՆԵՐԿԱՅԱՑՎԱԾ ՀԱՅՏԸ ԲԱՎԱՐԱՐԵԼՈՒ ԵՎ «Վ-ՍԱՆԿ» ՍԱՀՄԱՆԱՓԱԿ ՊԱՏԱՍԽԱՆԱՏՎՈՒԹՅԱՄԲ ԸՆԿԵՐՈՒԹՅԱՆ, «ԻՆԵԿՈԲԱՆԿ» ՓԱԿ ԲԱԺՆԵՏԻՐԱԿԱՆ ԸՆԿԵՐՈՒԹՅԱՆ ՆԿԱՏՄԱՄԲ ԱՐՏՈՆՈՒԹՅՈՒՆԸ ԿԻՐԱՌԵԼՈՒ ՄԱՍԻՆ

Ղեկավարվելով Հայաստանի Հանրապետության կառավարության 2015 թվականի սեպտեմբերի 17-ի N 1118-Ն որոշման (այսուհետ՝ որոշում) պահանջներով` Հայաստանի Հանրապետության կառավարությունը որոշում է.

1. Բավարարել «Վ-ՍԱՆԿ» սահմանափակ պատասխանատվությամբ ընկերության կողմից ներկայացված հայտը գերակա ոլորտում իրականացվող ներդրումային ծրագրի շրջանակներում ներմուծվող տեխնոլոգիական սարքավորումների, դրանց բաղկացուցիչ ու համալրող մասերի, հումքի և (կամ) նյութերի նկատմամբ սակագնային, մասնավորապես, ներմուծման մաքսատուրքից ազատելու արտոնությունից օգտվելու համար և սահմանված կարգով կիրառել համապատասխան արտոնությունը` համաձայն հավելվածի ներմուծվող տեխնոլոգիական սարքավորումների, դրանց բաղկացուցիչ ու համալրող մասերի, հումքի և (կամ) նյութերի նկատմամբ:

2. Սույն որոշման 1-ին կետով սահմանված ծրագրի շրջանակներում ներմուծվող և հավելվածով սահմանված ցանկում ներկայացված լիզինգով ձեռքբերվող ապրանքների (ցանկի 1-ին և 3-րդ կետերի) ներմուծման ժամանակ մաքսատուրքից ազատման արտոնություն տրամադրվում է լիզինգի թիվ LB24/00165, թիվ LB25/00310 պայմանագրերով սահմանված «ԻՆԵԿՈԲԱՆԿ» փակ բաժնետիրական ընկերությանը (այսուհետ՝ լիզինգատու կազմակերպություն)՝ պայմանով, որ ապրանքները ներմուծելուց հետո դրանք հանձնվելու են «Վ-ՍԱՆԿ» սահմանափակ պատասխանատվությամբ ընկերությանը ներդրումային ծրագրի իրականացման համար։

(2-րդ կետը փոփ. 18.04.26 N 518-Ա)

3. Ներդրումային ծրագրի իրականացման ընթացքում լիզինգի պայմանագիրը լուծվելու դեպքում լիզինգատու կազմակերպությունը ներմուծված ապրանքները կարող է օտարել այլ անձանց՝ արտոնությամբ տրամադրված մաքսատուրքերը վճարելուց հետո:

4. Սահմանել, որ՝

1) ներդրումային ծրագրի շրջանակներում ներմուծված ապրանքները, այդ թվում՝ լիզինգատու կազմակերպության կողմից «Վ-ՍԱՆԿ» սահմանափակ պատասխանատվությամբ ընկերությանը հանձնված ապրանքների նկատմամբ կիրառվում են Եվրասիական տնտեսական միության մաքսային օրենսգրքի և որոշմամբ սահմանված սահմանափակումները․

2) սույն որոշման հավելվածում նշված են ներմուծվող տեխնոլոգիական սարքավորումների, դրանց բաղկացուցիչ ու համալրող մասերի, հումքի և (կամ) նյութերի նախնական արժեքները․

3) ներդրումային ծրագրի շրջանակներում տեխնոլոգիական սարքավորումների, դրանց բաղկացուցիչ ու համալրող մասերի, հումքի և (կամ) նյութերի ներմուծումն իրականացվելու է 2024 թվականի օգոստոսի 10-ից մինչև 2027 թվականի օգոստոսի 9-ը ներառյալ․

4) ծրագրի իրականացման ժամկետ է սահմանվում սույն որոշումն ուժի մեջ մտնելուց հետո 3 տարի։

Հայաստանի Հանրապետության փոխվարչապետ	Մ. ԳՐԻԳՈՐՅԱՆ
Երևան

26.09.2024 ՀԱՎԱՍՏՎԱԾ Է ԷԼԵԿՏՐՈՆԱՅԻՆ ՍՏՈՐԱԳՐՈՒԹՅԱՄԲ

Հավելված ՀՀ կառավարության 2024 թվականի սեպտեմբերի 26-ի N 1520-Ա որոշման

Ց Ա Ն Կ

ԳԵՐԱԿԱ ՈԼՈՐՏՈՒՄ ԻՐԱԿԱՆԱՑՎՈՂ ՆԵՐԴՐՈՒՄԱՅԻՆ ԾՐԱԳՐԻ ՇՐՋԱՆԱԿՆԵՐՈՒՄ ՆԵՐՄՈՒԾՎՈՂ ՏԵԽՆՈԼՈԳԻԱԿԱՆ ՍԱՐՔԱՎՈՐՈՒՄՆԵՐԻ, ԴՐԱՆՑ ԲԱՂԿԱՑՈՒՑԻՉ ՈՒ ՀԱՄԱԼՐՈՂ ՄԱՍԵՐԻ, ՀՈՒՄՔԻ ԵՎ (ԿԱՄ) ՆՅՈՒԹԵՐԻ

NN ը/կ	ԱՏԳ ԱԱ-ի ծածկագիրը	Անվանումը	Տեխնիկական բնութագիրը	Չափի միա- վորը	Քանակը	Ծագման երկիրը	Արտահան- ման երկիրը	Արժեքը (դրամ)	Այլ տեղեկու- թյուններ
ՏԵԽՆՈԼՈԳԻԱԿԱՆ ՍԱՐՔԱՎՈՐՈՒՄՆԵՐ, ԴՐԱՆՑ ԲԱՂԿԱՑՈՒՑԻՉ ՈՒ ՀԱՄԱԼՐՈՂ ՄԱՍԵՐ
1.	9603500009	Խոզանակները աշխատեցնող ավտոմատացված կայան/ համակարգ/ (խոզանակներով) քանդված վիճակում/ Brush station with roof, whell and side washers/ WashTec	Ավտոմեքենաների ավտոմատ լվացման հոսքագծի համար նախատեսված WashTec ընկերության արտադրության խոզանակները պտտող/ աշխատեցնող ավտոմատացված համակարգ իր հավաքման դետալներով և հորիզոնական, ուղղահայաց, կողմնային խոզանակներով՝ կազմված… Անիվների և շեմի/порог/ լվացման հորիզոնական խոզանակներ և վերազինման համակարգ։ Տանիքի խոզանակների կայան DW1-9.5/11 և խոզանակ/ներ SofTecs: Կողմնային խոզանակների կայան SW4-8 և կողմնային 4 խոզանակներ։ Ճնշման պոմպի չոր վազքի պաշտպանիչ/ pressure pump dry-running protaction/: Պոմպ 2,2 կՎտ, 3,5 Բար/bar, 230 լիտր/վայրկյան։	հատ	1	Գերմանիա	Գերմանիա	45 000 000	Լիզինգի պայմա-նագիր թիվ LB24/00165
2.	9603500009	Ավտոմեքենաների լվացման խոզանակներ	WashTec ընկերության խոզանակներ՝ նախատեսված ավտոմեքենաների հոսքագծային համակարգի համար, որոնք տեղադրվում են հոսքագծի խոզանակային կայանի վրա ավտոմեքենաների թափքի լվացման համար։	հատ	50	Գերմանիա	Գերմանիա	52 000 000
3.	9406909009	The Revolving Toilet by Sanitronics (Մոդուլային ինքնամաքրվող սանիտարական/ սանհանգուցային ամբողջական կառույց)	Գործարանային պայմաններում ամբողջությամբ հավաքված (prefabricated), ինքնուրույն կանգնող և ինքնամաքրվող սանիտարական ամբողջական կառույց/մոդուլ (1 հատ, քաշը՝ 10,000-11,000 կգ, չափերը՝ 5,335մ x 2,91մ x 2,945մ)՝ նախատեսված հանրային օգտագործման համար: Տեղում պահանջվում է միայն ինժեներական ցանցին (ջուր, կոյուղի, էլեկտրամա-տակարարում) միացում: Կառուցված է չժանգոտվող պողպատե (RVS) կրող շրջանակից, ինտեգրված պատերով և տանիքային պանելներով, հիմքը՝ բետոն, ներքին պատերը ծածկված են բարձր ճնշման լամինատով (HPL): Հագեցած է սենսորային և PLC կառավարման համակարգով, ինքնամաքրվող երկակի զուգարանային համակարգով, 2 պողպատե/Corian ամաններով, որոնք մաքրվում են մինչև 70 բար ճնշմամբ ավտոմատ լվացմամբ	կգ	11 000	Նիդերլանդներ	Նիդերլանդներ	65 000 000	Լիզինգի պայմա-նագիր թիվ LB25/00310
ՀՈՒՄՔ ԵՎ (ԿԱՄ) ՆՅՈՒԹԵՐ
1.	2834298000	Ալյումինի նիտրատի պարունակությամբ ջրային լուծույթ	Green Care/Կանաչ խնամք/, ալյումինի նիտրատի պարունակությամբ ջրային լուծույթ 25 կգ փաթեթավորմամբ, WS AQUAFLOCE EXPRESS, WashTec ընկերության արտադրության։	կգ	50 000	Գերմանիա	Գերմանիա	105 000 000
2.	3405300000	Փայլեցնող միջոցներ	Հոսքագծով աշխատանքի համար նախատեսված Green Care/ Կանաչ խնամք/ փայլեցնող և համանման միջոցներ ավտոմեքենաների թափքի համար 25 կգ փաթեթավորմամբ, WashTec ընկերության արտադրության:	կգ	30 000	Գերմանիա	Գերմանիա	115 000 000
3.	3402909000	Լվացող և մաքրող միջոցներ	Հոսքագծով աշխատանքի համար նախատեսված Green Care/Կանաչ խնամք/ լվացող և մաքրող միջոցներ 25 կգ փաթեթավորմամբ, WashTec ընկերության արտադրության։	կգ	220 000	Գերմանիա	Գերմանիա	330 000 000
	Ընդամենը							712 000 000

(հավելվածը փոփ., լրաց. 18.04.26 N 518-Ա)

Հայաստանի Հանրապետության վարչապետի աշխատակազմի ղեկավարի տեղակալ

Ա. Խաչատրյան

26.09.2024 ՀԱՎԱՍՏՎԱԾ Է ԷԼԵԿՏՐՈՆԱՅԻՆ ՍՏՈՐԱԳՐՈՒԹՅԱՄԲ