ԵՐԵՎԱՆԻ ՔԱՂԱՔԱՊԵՏ
|
N 1878-Ա |
«09» ապրիլի 2026 թ. |
Ո Ր Ո Շ ՈՒ Մ
ԵՐԵՎԱՆԻ ՔԱՂԱՔԱՊԵՏԻ 2012 ԹՎԱԿԱՆԻ ՀՈՒԼԻՍԻ 3-Ի Հ.5024-Ա ՈՐՈՇՄԱՆ ՄԵՋ ԼՐԱՑՈՒՄ ԵՎ ՓՈՓՈԽՈՒԹՅՈՒՆ ԿԱՏԱՐԵԼՈՒ ՄԱՍԻՆ
Ղեկավարվելով «Նորմատիվ իրավական ակտերի մասին» օրենքի 33-րդ և 34-րդ հոդվածներով, հաշվի առնելով Երևանի քաղաքապետարանի աշխատակազմի ճարտարապետության և քաղաքաշինության վարչության 03.04.2026թ. հ.20-Ել-17814 եզրակացությունը, ինչպես նաև քաղաքացի Արմեն Հայրապետյանի 22.02.2024թ. հ.Դ-24808-24 դիմումը.
1. Երևանի քաղաքապետի 2012 թվականի հուլիսի 3-ի «Երևանի Սևանի փողոցի հ.124/14 բնակելի տան և հողամասի նկատմամբ Արմեն Հենրիկի Հայրապետյանի իրավունքները վերականգնելու մասին» հ.5024-Ա որոշման (այսուհետ՝ Որոշում) մեջ կատարել հետևյալ լրացումը և փոփոխությունը.
1) Որոշումը լրացնել նոր 1.1 կետով հետևյալ խմբագրությամբ.
«1.1. Երևան քաղաքի ավագանու 2024 թվականի սեպտեմբերի 10-ի հ․204-Ն որոշումով հաստատված Երևան քաղաքի գլխավոր հատակագծի հիման վրա Երևան քաղաքի Սևանի փողոցի հ.124/14 հասցեում գտնվող 118.7 քառ.մետր մակերեսով հողամասի նպատակային և գործառնական նշանակությունները սահմանել բնակավայրերի հողերի բնակելի կառուցապատման:»,
2) Որոշման 1-ին կետում «133.58» թիվը փոխարինել «118.7» թվով:
2. Սույն որոշման կատարման կազմակերպումն ու պատասխանատվությունը դնել Երևանի քաղաքապետարանի աշխատակազմի ճարտարապետության և քաղաքաշինության վարչության պետի վրա։
3. Որոշման կատարման հսկողությունը դնել Երևանի քաղաքապետարանի աշխատակազմի քարտուղարի վրա։
4. Սույն որոշումը կարող է վարչական կարգով բողոքարկվել Երևանի քաղաքապետին, կամ դատական կարգով՝ Հայաստանի Հանրապետության վարչական դատարան դրա ուժի մեջ մտնելու օրվանից երկամսյա ժամկետում։
| Տ. Ավինյան |