ՀՀ ԱՌՈՂՋԱՊԱՀՈՒԹՅԱՆ ՆԱԽԱՐԱՐԻ ՀՐԱՄԱՆԸ ՀՀ ԱՌՈՂՋԱՊԱՀՈՒԹՅԱՆ ՆԱԽԱՐԱՐԻ ՄԻ ՇԱՐՔ ՀՐԱՄԱՆՆԵՐՈՒՄ ԼՐԱՑՈՒՄՆԵՐ ԵՎ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ԱՌՈՂՋԱՊԱՀՈՒԹՅԱՆ ՆԱԽԱՐԱՐ

«02» ապրիլ 2026 թվականի

N 27-Ն

Հիմք ընդունելով «Նորմատիվ իրավական ակտերի մասին» օրենքի 33-րդ և 34-րդ հոդվածները`

1. Հայաստանի Հանրապետության առողջապահության նախարարի 2014 թվականի փետրվարի 14-ի «Հիվանդանոցային բժշկական կազմակերպություններում կիրառվող մի շարք բժշկական փաստաթղթերի ձևերը, դրանց լրացման կարգը հաստատելու մասին» N 02-Ն հրամանում`

1) լրացնել հետևյալ բովանդակությամբ նոր` 2-րդ կետ.

«2. Սահմանել, որ սույն հրամանով հաստատված բժշկական փաստաթղթերի ձևերը էլեկտրոնային եղանակով վարելու կամ վերջիններս արտատպելու դեպքում` կարող են տարբերվել սույն հրամանով հաստատված թղթային եղանակով լրացվող փաստաթղթերի ձևերից` ապահովելով դրանցով սահմանված տեղեկության լրացումը:».

2) N 1 հավելվածում «Վճարման տեսակը (ընդգծել) - ամբողջությամբ պետական պատվերի շրջանակներում, պետական պատվերի շրջանակներում համավճարով, ապահովագրություն, վճարովի, այլ» բառերը փոխարինել «Վճարման տեսակը (ընդգծել) – բնակչության առողջության պահպանման և բարելավման ծրագրերի շրջանակներում` անվճար, բնակչության առողջության պահպանման և բարելավման ծրագրերի շրջանակներում` համավճարով, առողջության համընդհանուր ապահովագրություն` անվճար, առողջության համընդհանուր ապահովագրություն` համավճարով, մասնավոր ապահովագրություն, վճարովի, այլ» բառերով.

3) N 1 հավելվածում «Պետական պատվերով բուժման պարագայում` սոցիալական հիմքերը» բառերը փոխարինել «Բնակչության առողջության պահպանման և բարելավման ծրագրերի, առողջության համընդհանուր ապահովագրության շրջանակներում բժշկական օգնության պարագայում` համապատասխան հիմքերը» բառերով.

4) N 1 հավելվածում «Սոցիալապես անապահով ու առանձին (հատուկ) խմբերում ընդգրկվածությունը» բառերը փոխարինել «Բժշկական օգնության և սպասարկման ծառայությունների նվազագույն ծավալից և լրացուցիչ ծառայություններից օգտվելու իրավունք ունեցող բնակչության խմբերում ընդգրկվածությունը կամ առողջության համընդհանուր ապահովագրության շրջանակներում ապահովագրված անձ հանդիսանալը» բառերով.

5) 1-ին կետի 7-րդ ենթակետը և N 7 հավելվածը ուժը կորցրած ճանաչել.

6) N 8 հավելվածում «Վճարման տեսակը □ ամբողջությամբ պետական պատվերի շրջանակներում □ պետական պատվերի շրջանակներում համավճարով □ ապահովագրություն □ վճարովի □ այլ» բառերը փոխարինել «Վճարման տեսակը □ բնակչության առողջության պահպանման և բարելավման ծրագրերի շրջանակներում` անվճար □ բնակչության առողջության պահպանման և բարելավման ծրագրերի շրջանակներում` համավճարով □ առողջության համընդհանուր ապահովագրություն` անվճար □ առողջության համընդհանուր ապահովագրություն` համավճարով □ մասնավոր ապահովագրություն □ վճարովի □ այլ» բառերով.

7) N 8 հավելվածում «Պետական պատվերով բուժման պարագայում` սոցիալապես անապահով ու առանձին (հատուկ) խմբերում ընդգրկվածության հիմքերը» բառերը փոխարինել «Բնակչության առողջության պահպանման և բարելավման ծրագրերի, առողջության համընդհանուր ապահովագրության շրջանակներում բժշկական օգնության պարագայում` համապատասխան հիմքերը» բառերով.

8) N 9 հավելվածի 7-րդ կետի 1-ին ենթակետում ««ամբողջությամբ պետական պատվերի շրջանակներում» կամ «պետական պատվերի շրջանակներում համավճարով» կամ «ապահովագրություն» կամ «վճարովի» կամ «այլ»» բառերը փոխարինել ««բնակչության առողջության պահպանման և բարելավման ծրագրերի շրջանակներում` անվճար» կամ «բնակչության առողջության պահպանման և բարելավման ծրագրերի շրջանակներում` համավճարով» կամ «առողջության համընդհանուր ապահովագրություն` անվճար» կամ «առողջության համընդհանուր ապահովագրություն` համավճարով» կամ «մասնավոր ապահովագրություն» կամ «վճարովի» կամ «այլ»» բառերով.

9) N 9 հավելվածում 7-րդ կետի 2-րդ ենթակետը շարադրել նոր խմբագրությամբ.

«2) «Բնակչության առողջության պահպանման և բարելավման ծրագրերի, առողջության համընդհանուր ապահովագրության շրջանակներում բժշկական օգնության պարագայում` համապատասխան հիմքերը (նշել)» տողը լրացվում է բնակչության առողջության պահպանման և բարելավման ծրագրերի, ինչպես նաև առողջության համընդհանուր ապահովագրության շրջանակներում բժշկական օգնություն և սպասարկում ստանալու պարագայում` նշելով համապատասխան հիմքերը («Առողջության համընդհանուր ապահովագրության մասին» օրենքով, Հայաստանի Հանրապետության կառավարության 2025 թվականի դեկտեմբերի 25-ի N 1974-Ն, N 1979-Ն որոշումներով կամ այլ իրավական ակտերով սահմանված համապատասխան հիմքերը):».

10) N 9 հավելվածի 9-րդ կետի 1-ին ենթակետում «Հայաստանի Հանրապետության կառավարության 2004 թվականի մարտի 4-ի թիվ 318-Ն որոշման հավելված 4-ով հաստատված կարգով նախատեսված ուղեգրով» բառերը փոխարինել «Հայաստանի Հանրապետության կառավարության 2025 թվականի դեկտեմբերի 25-ի N 1974-Ն որոշմամբ սահմանված կարգով տրամադրված ուղեգրով կամ ապահովագրական փաթեթի ծառայությունների համար լիազոր մարմնի սահմանած կարգով տրամադրված ուղեգրով» բառերով:

2. Հայաստանի Հանրապետության առողջապահության նախարարի 2022 թվականի ապրիլի 20-ի «Մեծահասակի հիվանդության պատմագրի լրացման և շրջանառության կարգը հաստատելու մասին» N 19-Ն հրամանի հավելվածի`

1) 5-րդ կետի 5-րդ ենթակետում «ժե» պարբերությունը շարադրել նոր խմբագրությամբ.

«ժե. բժշկական օգնության և սպասարկման ծառայությունների նվազագույն ծավալից և լրացուցիչ ծառայություններից օգտվելու իրավունք ունեցող բնակչության խմբերում ընդգրկվածությունը կամ առողջության համընդհանուր ապահովագրության շրջանակներում ապահովագրված անձ հանդիսանալը».

2) 6-րդ կետի 1-ին ենթակետում ««ամբողջությամբ պետական պատվերի շրջանակներում» կամ «պետական պատվերի շրջանակներում համավճարով» կամ «ապահովագրություն» կամ «վճարովի» կամ «այլ»» բառերը փոխարինել ««բնակչության առողջության պահպանման և բարելավման ծրագրերի շրջանակներում` անվճար» կամ «բնակչության առողջության պահպանման և բարելավման ծրագրերի շրջանակներում` համավճարով» կամ «առողջության համընդհանուր ապահովագրություն` անվճար» կամ «առողջության համընդհանուր ապահովագրություն համավճարով` համավճարով» կամ «մասնավոր ապահովագրություն» կամ «վճարովի» կամ «այլ»» բառերով.

3) 6-րդ կետի 2-րդ ենթակետը շարադրել նոր խմբագրությամբ.

«2) «Բնակչության առողջության պահպանման և բարելավման ծրագրերի, առողջության համընդհանուր ապահովագրության շրջանակներում բժշկական օգնության պարագայում` համապատասխան հիմքերը (նշել)» տողը լրացվում է բնակչության առողջության պահպանման և բարելավման ծրագրերի, ինչպես նաև առողջության համընդհանուր ապահովագրության շրջանակներում բժշկական օգնություն և սպասարկում ստանալու պարագայում` նշելով համապատասխան հիմքերը («Առողջության համընդհանուր ապահովագրության մասին» օրենքով, Հայաստանի Հանրապետության կառավարության 2025 թվականի դեկտեմբերի 25-ի N 1974-Ն, N 1979-Ն որոշումներով կամ այլ իրավական ակտերով սահմանված համապատասխան հիմքերը)».

4) 8-րդ կետի 1-ին ենթակետում «Հայաստանի Հանրապետության կառավարության 2004 թվականի մարտի 4-ի թիվ 318-Ն որոշման հավելված 2-ի 9-րդ կետով սահմանված ուղեգրող հանձնաժողովի ուղեգրով կամ բժշկական կազմակերպության ուղեգրով կամ շտապ բժշկական օգնության ծառայության ուղեգրով» բառերը փոխարինել «Հայաստանի Հանրապետության կառավարության 2025 թվականի դեկտեմբերի 25-ի N 1974-Ն որոշմամբ սահմանված կարգով տրամադրված ուղեգրով կամ ապահովագրական փաթեթի ծառայությունների համար լիազոր մարմնի սահմանած կարգով տրամադրված ուղեգրով» բառերով.

5) 19-րդ կետում առաջին նախադասությունից հետո լրացնել հետևյալ բովանդակությամբ նոր նախադասություն.

«Ախտաբանաանատոմիական եզրակացությունը ստորագրվում է ախտաբանաանատոմի կողմից՝ նշելով վերջինիս անունը, ազգանունը և ստորագրման օրը, ամիսը, տարին:».

6) 24-րդ կետում առաջին նախադասությունից հետո լրացնել հետևյալ բովանդակությամբ նոր նախադասություն.

««Էպիկրիզ» թերթիկը ստորագրվում է պացիենտի բուժող բժշկի և բաժանմունքի ղեկավարի կողմից՝ նշելով ստորագրման օրը, ամիսը, տարին:»:

3. Հայաստանի Հանրապետության առողջապահության նախարարի 2021 թվականի օգոստոսի 4-ի «Հոգեբուժական կազմակերպությունում բժշկական փաստաթղթերի լրացման կարգը հաստատելու մասին» N 61-Ն հրամանում լրացնել հետևյալ բովանդակությամբ նոր` 1.1-ին կետ.

«1.1. Սահմանել, որ սույն հրամանով նախատեսված բժշկական փաստաթղթերի ձևերը էլեկտրոնային եղանակով վարելու կամ վերջիններս արտատպելու դեպքում` կարող են տարբերվել թղթային եղանակով լրացվող փաստաթղթերի ձևերից` ապահովելով դրանցով սահմանված տեղեկության լրացումը:»:

4. Հայաստանի Հանրապետության առողջապահության նախարարի 2021 թվականի մայիսի 31-ի «Ուռուցքաբանական բժշկական օգնություն և սպասարկում ստացող մեծահասակ պացիենտի հիվանդության պատմագրի ձևը հաստատելու մասին» N 45-Ն հրամանում`

1) լրացնել հետևյալ բովանդակությամբ նոր` 1.1-ին կետ.

«1.1. Սահմանել, որ սույն հրամանով հաստատված պատմագրի ձևը էլեկտրոնային եղանակով վարելու կամ վերջինս արտատպելու դեպքում` կարող է տարբերվել սույն հրամանով հաստատված թղթային եղանակով լրացվող պատմագրի ձևից` ապահովելով դրանով սահմանված տեղեկությունների լրացումը:».

2) հավելվածում «Վճարման տեսակ □ ամբողջությամբ պետական պատվերի շրջանակներում □ պետական պատվերի շրջանակներում համավճարով □ վճարովի □ ապահովագրություն» բառերը փոխարինել «Վճարման տեսակը □ բնակչության առողջության պահպանման և բարելավման ծրագրերի շրջանակներում` անվճար □ բնակչության առողջության պահպանման և բարելավման ծրագրերի շրջանակներում` համավճարով □ վճարովի □ առողջության համընդհանուր ապահովագրություն` անվճար □ առողջության համընդհանուր ապահովագրություն` համավճարով □ մասնավոր ապահովագրություն» բառերով.

3) հավելվածում «Պետական պատվերով բուժման սոցիալական հիմքերը» բառերը փոխարինել «Բնակչության առողջության պահպանման և բարելավման ծրագրերի, առողջության համընդհանուր ապահովագրության շրջանակներում բժշկական օգնության համապատասխան հիմքերը» բառերով:

5. Հայաստանի Հանրապետության առողջապահության նախարարի 2021 թվականի դեկտեմբերի 6-ի «Բժշկական մի շարք փաստաթղթերի ձևերը հաստատելու և Հայաստանի Հանրապետության առողջապահության նախարարի 2013 թվականի հուլիսի 3-ի N 35-Ն հրամանն ուժը կորցրած ճանաչելու մասին» N 88-Ն հրամանում կատարել հետևյալ փոփոխությունները և լրացումները`

1) 1-ին կետի 17-րդ ենթակետում «:» կետադրական նշանը փոխարինել «.» կետադրական նշանով.

2) 1-ին կետում`

ա. 5-րդ ենթակետում «հաշվառման» բառից հետո լրացնել «էլեկտրոնային» բառը,

բ. 6-րդ ենթակետում «բժշկի» բառը փոխարինել «բուժաշխատողի» բառով,

գ. 8-րդ և 13-րդ ենթակետերն ուժը կորցրած ճանաչել,

դ. լրացնել հետևյալ բովանդակությամբ նոր` 18-րդ ենթակետ.

«18) Հիվանդանոցային բժշկական կազմակերպությունում չհոսպիտալացված մեծահասակ պացիենտի խորհրդատվության թերթիկի ձևը` համաձայն հավելված 18-ի:».

3) լրացնել հետևյալ բովանդակությամբ նոր` 2.1-ին կետ.

«2.1. Սահմանել, որ սույն հրամանով հաստատված բժշկական փաստաթղթերի ձևերը էլեկտրոնային եղանակով վարելու կամ վերջիններս արտատպելու դեպքում` կարող են տարբերվել սույն հրամանով հաստատված թղթային եղանակով լրացվող փաստաթղթերի ձևերից` ապահովելով դրանցով սահմանված տեղեկությունների լրացումը:».

4) հավելված 5-ը շարադրել նոր խմբագրությամբ` համաձայն հավելված 1-ի.

5) հավելված 6-ը շարադրել նոր խմբագրությամբ` համաձայն հավելված 2-ի.

6) հավելված 7-ը շարադրել նոր խմբագրությամբ` համաձայն հավելված 3-ի.

7) հավելված 9-ը շարադրել նոր խմբագրությամբ` համաձայն հավելված 4-ի.

8) հավելված 10-ով հաստատված ձևի վերնագրում «ՄԱՍՆԱԳԵՏՆԵՐԻ» բառից հետո լրացնել «ԷԼԵԿՏՐՈՆԱՅԻՆ» բառը.

9) հավելված 17-ով հաստատված ձևում «Ֆլյուորոգրաֆիայի արդյունքները» բառերը փոխարինել «Թոքերի գործիքային հետազոտության արդյունքները» բառերով.

10) լրացնել նոր 18-րդ հավելված` համաձայն հավելված 5-ի.

11) հավելված 8-ը և հավելված 13-ը ուժը կորցրած ճանաչել:

6. Հայաստանի Հանրապետության առողջապահության նախարարի 2007 թվականի նոյեմբերի 26-ի «Մեծահասակի ամբուլատոր բժշկական քարտի, երեխաների բժշկական հսկողության ամբուլատոր քարտերի և նախածննդային պատրոնաժի թերթիկի ձևերը հաստատելու մասին» N 1752-Ն հրամանում լրացնել հետևյալ բովանդակությամբ նոր` 2.1-ին կետ.

«2.1. Սահմանել, որ սույն հրամանով հաստատված բժշկական փաստաթղթերի ձևերը էլեկտրոնային եղանակով վարելու կամ վերջիններս արտատպելու դեպքում` կարող են տարբերվել սույն հրամանով հաստատված թղթային եղանակով լրացվող փաստաթղթերի ձևերից` ապահովելով դրանցով սահմանված տեղեկությունների լրացումը:»։

7. Հայաստանի Հանրապետության առողջապահության նախարարի 2025 թվականի հոկտեմբերի 9-ի «Ձերբակալված կամ կալանավորված անձանց խոշտանգման կամ վատ վերաբերմունքի այլ ձևերի հետ կապված բժշկական զննության արձանագրության ձևաթղթի ձևը և դրա լրացման կարգը հաստատելու մասին» N 138-Ն հրամանում լրացնել հետևյալ բովանդակությամբ նոր` 1.1-ին կետ.

«1.1. Սահմանել, որ սույն հրամանի N 1 հավելվածով հաստատված ձևաթղթի ձևը էլեկտրոնային եղանակով վարելու կամ վերջինս արտատպելու դեպքում` կարող է տարբերվել սույն հրամանով հաստատված թղթային եղանակով լրացվող փաստաթղթի ձևից` ապահովելով դրանով սահմանված տեղեկությունների լրացումը:»։

8․ Հայաստանի Հանրապետության առողջապահության նախարարի 2010 թվականի սեպտեմբերի 17-ի «Ստոմատոլոգիական բժշկական օգնություն և սպասարկում իրականացնողների կողմից պացիենտների հաշվառման կարգը, պացիենտների հաշվառման մատյանների, մեծահասակի ստոմատոլոգիական քարտի, երեխայի ստոմատոլոգիական քարտի, պացիենտներին տրամադրվող այցելության քարտի ձևերը և մեծահասակի ստոմատոլոգիական քարտի և երեխայի ստոմատոլոգիական քարտի վարման և դրանց լրացման ուղեցույցները հաստատելու մասին» N 18-Ն հրամանում լրացնել հետևյալ բովանդակությամբ նոր` 2.1-ին կետ.

«2.1. Սահմանել, որ սույն հրամանի 1-ին կետի 2-րդ, 3-րդ, 4-րդ, 5-րդ և 8-րդ ենթակետերով հաստատված բժշկական փաստաթղթերի ձևերը էլեկտրոնային եղանակով վարելու կամ վերջիններս արտատպելու դեպքում` կարող են տարբերվել թղթային եղանակով լրացվող փաստաթղթերի ձևերից` ապահովելով դրանցով սահմանված տեղեկությունների լրացումը:»։

9. Հայաստանի Հանրապետության առողջապահության նախարարի 2021 թվականի օգոստոսի 23-ի «Դիահերձման արձանագրության օրինակելի ձևերը և դրանց լրացման կարգը հաստատելու մասին» N 67-Ն հրամանում լրացնել հետևյալ բովանդակությամբ նոր` 1.1-ին կետ.

«1.1. Սահմանել, որ սույն հրամանով հաստատված բժշկական փաստաթղթերի ձևերը էլեկտրոնային եղանակով վարելու կամ վերջիններս արտատպելու դեպքում` կարող են տարբերվել սույն հրամանով հաստատված թղթային եղանակով լրացվող փաստաթղթերի ձևերից` ապահովելով դրանցով սահմանված տեղեկությունների լրացումը:»։

10. Հայաստանի Հանրապետության առողջապահության նախարարի 2021 թվականի հունիսի 18-ի «Ձևաբանական հետազոտության եզրակացության օրինակելի ձևերը և դրանց լրացման կարգը հաստատելու մասին» N 49-Ն հրամանում լրացնել հետևյալ բովանդակությամբ նոր` 1.1-ին կետ.

«1.1. Սահմանել, որ սույն հրամանով հաստատված բժշկական փաստաթղթերի ձևերը էլեկտրոնային եղանակով վարելու կամ վերջիններս արտատպելու դեպքում` կարող են տարբերվել սույն հրամանով հաստատված թղթային եղանակով լրացվող փաստաթղթերի ձևերից` ապահովելով դրանցով սահմանված տեղեկությունների լրացումը:»։

11. Հայաստանի Հանրապետության առողջապահության նախարարի 2023 թվականի հուլիսի 06-ի «Հոգեկան առողջության խնդիր ունեցող անձին հոգեբուժական կազմակերպությունում հաշվառելու և հաշվառումից հանելու կարգը հաստատելու մասին» N 36-Ն հրամանի հավելվածի 6-րդ կետում «համաձայն:» բառից հետո լրացնել նոր նախադասություն հետևյալ բովանդակությամբ. «Ընդ որում, մատյանի էլեկտրոնային եղանակով վարելու կամ վերջինս արտատպելու դեպքում` ձևը կարող է տարբերվել սույն հրամանով հաստատված թղթային եղանակով լրացվող մատյանի ձևից` ապահովելով դրանով սահմանված տեղեկությունների լրացումը:»:

12. Հայաստանի Հանրապետության առողջապահության նախարարի 2021 թվականի մայիսի 31-ի «Հոգեբուժական կազմակերպությունում գտնվելու ընթացքում հոգեկան առողջության խնդիր ունեցող անձի հանգստի, ներառյալ` բացօթյա զբոսանքի, մարմնամարզության իրականացման կարգը սահմանելու մասին» թիվ 46-Ն հրամանի հավելվածի 10-րդ կետում «բուժքույրը:» բառից հետո լրացնել նոր նախադասություն հետևյալ բովանդակությամբ. «Ընդ որում, մատյանի էլեկտրոնային եղանակով վարելու կամ վերջինս արտատպելու դեպքում` ձևը կարող է տարբերվել սույն հրամանով հաստատված թղթային եղանակով լրացվող մատյանի ձևից` ապահովելով դրանով սահմանված տեղեկությունների լրացումը:»:

13. Հայաստանի Հանրապետության առողջապահության նախարարի 2021 թվականի փետրվարի 15-ի «Ֆիզիկական զսպման կամ մեկուսացման միջոցներ կամ հանդարտեցման մեթոդներ կիրառելու վերաբերյալ հաշվառման մատյանի ձևը հաստատելու մասին» N 07-Ն հրամանում լրացնել հետևյալ բովանդակությամբ նոր` 1.1-ին կետ.

«1.1. Սահմանել, որ սույն հրամանով հաստատված մատյանի ձևը էլեկտրոնային եղանակով վարելու կամ վերջինս արտատպելու դեպքում` կարող է տարբերվել սույն հրամանով հաստատված թղթային եղանակով լրացվող մատյանի ձևից` ապահովելով դրանով սահմանված տեղեկությունների լրացումը:»։

14. Հայաստանի Հանրապետության առողջապահության նախարարի 2012 թվականի հունվարի 24-ի «Արյան, դրա բաղադրամասերի շրջանառության ոլորտում կիրառվող բժշկական փաստաթղթերի ձևերը և դրանց լրացման կարգերը հաստատելու մասին» N 02-Ն հրամանում լրացնել հետևյալ բովանդակությամբ նոր` 1.1-ին կետ.

«1.1. Սահմանել, որ սույն հրամանի 1-ին կետի 2-14-րդ, 16-րդ, 17-րդ և 19-րդ ենթակետերով հաստատված բժշկական փաստաթղթերի ձևերը էլեկտրոնային եղանակով վարելու կամ վերջիններս արտատպելու դեպքում` կարող են տարբերվել սույն հրամանով հաստատված թղթային եղանակով լրացվող փաստաթղթերի ձևերից` ապահովելով դրանցով սահմանված տեղեկությունների լրացումը:»։

15. Հայաստանի Հանրապետության առողջապահության նախարարի 2018 թվականի հունվարի հոկտեմբերի 18-ի «Փոխներարկումային բժշկական օգնության իրականացման կարգը հաստատելու մասին» N 22-Ն հրամանի հավելվածում լրացնել հետևյալ բովանդակությամբ նոր` 11.1-ին կետ.

«11.1. Սույն հավելվածի 11-րդ կետով սահմանված արձանագրության ձևը էլեկտրոնային եղանակով վարելու կամ վերջինս արտատպելու դեպքում` կարող է տարբերվել սույն հրամանով հաստատված թղթային եղանակով լրացվող արձանագրության ձևից` ապահովելով դրանով սահմանված տեղեկությունների լրացումը:»:

16. Սույն հրամանը ուժի մեջ է մտնում պաշտոնական հրապարակման օրվան հաջորդող տասներորդ օրը:

02.04.2026

Ա. ԱվանեսՅԱՆ

Հավելված 1 ՀՀ առողջապահության նախարարի  2026 թվականի ապրիլ «02»-ի N 27-Ն հրամանի

«Հավելված 5 ՀՀ առողջապահության նախարարի 2021 թվականի դեկտեմբերի 06-ի N 88-Ն հրամանի

Ձև

0-18 ՏԱՐԵԿԱՆ ԵՐԵԽԱՆԵՐԻ ՀԱՇՎԱՌՄԱՆ ԷԼԵԿՏՐՈՆԱՅԻՆ «ՄԱՅՐ ՄԱՏՅԱՆ»

Հ/Հ	ԵՐԵԽԱՅԻ ԱՆՈՒՆ, ՀԱՅՐԱՆՈՒՆ, ԱԶԳԱՆՈՒՆ	ԾՆՆԴՅԱՆ ՕՐ, ԱՄԻՍ, ՏԱՐԻ	ԲՆԱԿՈՒԹՅԱՆ ՎԱՅՐԸ	ՀԱՇՎԱՌՄԱՆ ՎԵՐՑՆԵԼՈՒ ՕՐ, ԱՄԻՍ, ՏԱՐԻ	ՀԱՇՎԱ-ՌՈՒՄԻՑ ՀԱՆԵԼՈՒ ՕՐ, ԱՄԻՍ, ՏԱՐԻ	ԵՐԵԽԱՅԻ ԲԺՇԿԱԿԱՆ ՀՍԿՈՂՈՒԹՅԱՆ ԱՄԲՈՒԼԱՏՈՐ ՔԱՐՏ N
1	2	3	4	5	6	7

Հավելված 2 ՀՀ առողջապահության նախարարի  2026 թվականի ապրիլ «02»-ի N 27-Ն հրամանի

«Հավելված 6 ՀՀ առողջապահության նախարարի 2021 թվականի դեկտեմբերի 06-ի N 88-Ն հրամանի

Ձև

ԳՐԱՆՑԱՄԱՏՅԱՆ

0-18 ՏԱՐԵԿԱՆ ԵՐԵԽԱՆԵՐԻՆ ՍՊԱՍԱՐԿՈՂ ԱՌՈՂՋՈՒԹՅԱՆ ԱՌԱՋՆԱՅԻՆ ՊԱՀՊԱՆՄԱՆ ԲՈՒԺԱՇԽԱՏՈՂԻ ՏՆԱՅԻՆ ԱՅՑԵՐԻ

Հ/Հ	Կանչը գրանցելու օր, ամիս, տարի, ժամ	Երեխայի անուն, հայրանուն, ազգանուն	Ծննդյան օր, ամիս, տարի, տարիք	Բնա-կության վայր, հեռա-խոս	Կանչը գրան-ցելու պատ-ճառ	Ում կողմից է տրվել կանչը	Այցի բնույթը, (առաջ-նակի, կրկնակի կանչ, ակտիվ այց, պատ-րոնաժ)	Կանչը կատա- րելու օր, ամիս, տարի	Կանչը կատարող բուժաշ-խատողի անուն, հայրանուն, ազգանուն	Ախտո- րոշում	Ելք
1	2	3	4	5	6	7	8	9	10	11	12

1. Մինչև 1 տարեկան երեխաների կանչի ընդունման դեպքում նշվում է երեխայի ծննդյան օրը, ամիսը, տարին:»:

Հավելված 3 ՀՀ առողջապահության նախարարի  2026 թվականի ապրիլ «02»-ի N 27-Ն հրամանի

«Հավելված 7 ՀՀ առողջապահության նախարարի 2021 թվականի դեկտեմբերի 06-ի N 88-Ն հրամանի

Ձև

ԳՐԱՆՑԱՄԱՏՅԱՆ

ՄԵԾԱՀԱՍԱԿՆԵՐԻ ՏՆԱՅԻՆ ԱՅՑԵՐԻ

Հ/Հ	Կանչը գրանցելու օր, ամիս, տարի, ժամ	Պացիենտի անուն, ազգանուն, հայրանուն	Ծննդյան օր, ամիս, տարի	Բնա-կության վայր, հեռա-խոսա-համար	Կանչը գրան-ցելու նպատակ	Այցի բնույթը (առաջ-նակի, կրկնակի կանչ, ակտիվ այց)	Կանչը կատա-րելու օր, ամիս, տարի	Կանչը կատարող բժշկի անուն, ազգանուն	Ախտո- րոշում	Կանչի ելք
1	2	3	4	5	6	7	8	9	10	11

»:

Հավելված 4 ՀՀ առողջապահության նախարարի  2026 թվականի ապրիլ «02»-ի N 27-Ն հրամանի

«Հավելված 9 ՀՀ առողջապահության նախարարի 2021 թվականի դեկտեմբերի 06-ի N 88-Ն հրամանի

Ձև

ՆՈՐԱԾԻՆՆԵՐԻ ՀԱՇՎԱՌՄԱՆ ՄԱՏՅԱՆ

Հաշ-վառ- ման հա-մարը	Գրանց-ման օր, ամիս, տարի	Նո-րածնի անուն, հայրա-նուն, ազգա-նուն	Ծննդյան օր, ամիս, տարի	Բնա-կության վայր	Բժշկական կազ-մակեր- պության անվա-նումը, որտեղ ծնվել է նորածինը	Ծննդա-տնից դուրս գրման օր, ամիս, տարի	Ընդգրկ-ման օր, ամիս, տարի	Նո-րածնին հաշ-վառող բժշկի անուն, հայրա-նուն, ազգա-նուն	Առողջու- թյան անձ-նագրի տրման օր, ամիս, տարի	Օրի-նական ներկա-յացուցչի անուն, հայրա-նուն, ազգա-նուն	Նշում- ներ
1	2	3	4	5	6	7	8	9	10	11	12

»:

Հավելված 5 ՀՀ առողջապահության նախարարի  2026 թվականի ապրիլ «02»-ի N 27-Ն հրամանի

«Հավելված 18 ՀՀ առողջապահության նախարարի 2021 թվականի դեկտեմբերի 06-ի N 88-Ն հրամանի

Ձև

ԽՈՐՀՐԴԱՏՎՈՒԹՅԱՆ ԹԵՐԹԻԿ

ՀԻՎԱՆԴԱՆՈՑԱՅԻՆ ԲԺՇԿԱԿԱՆ ԿԱԶՄԱԿԵՐՊՈՒԹՅՈՒՆՈՒՄ ՉՀՈՍՊԻՏԱԼԱՑՎԱԾ ՄԵԾԱՀԱՍԱԿ ՊԱՑԻԵՆՏԻ

__________________________________________________________________________

Բժշկական կազմակերպության անվանումը

Պացիենտ ____________________________________________________________________________

/անուն, ազգանուն, հայրանուն

_____________________________________________________________________________________

/ծննդյան տարեթիվ/

Ախտորոշում _________________________________________________________________________

_____________________________________________________________________________________

Իրականացված միջոցառումներ _________________________________________________________

Նշանակված բուժում __________________________________________________________________

Տրված խորհուրդներ __________________________________________________________________

Տրման օր, ամիս, տարի________________________________________________________________

Բժիշկ	___________________________________________ /անուն, ազգանուն, հայրանուն/	________________ /ստորագրություն/

»:

Պաշտոնական հրապարակման օրը՝ 9 ապրիլի 2026 թվական: