ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
Ո Ր Ո Շ ՈՒ Մ
2 ապրիլի 2026 թվականի N 442-Ա
ԳԵՐԱԿԱ ՈԼՈՐՏՈՒՄ ԻՐԱԿԱՆԱՑՎՈՂ ՆԵՐԴՐՈՒՄԱՅԻՆ ԾՐԱԳՐԻ ՇՐՋԱՆԱԿՆԵՐՈՒՄ ՆԵՐՄՈՒԾՎՈՂ ՏԵԽՆՈԼՈԳԻԱԿԱՆ ՍԱՐՔԱՎՈՐՈՒՄՆԵՐԻ, ԴՐԱՆՑ ԲԱՂԿԱՑՈՒՑԻՉ ՈՒ ՀԱՄԱԼՐՈՂ ՄԱՍԵՐԻ, ՀՈՒՄՔԻ ԵՎ (ԿԱՄ) ՆՅՈՒԹԵՐԻ ՆԿԱՏՄԱՄԲ ՍԱԿԱԳՆԱՅԻՆ, ՄԱՍՆԱՎՈՐԱՊԵՍ, ՆԵՐՄՈՒԾՄԱՆ ՄԱՔՍԱՏՈՒՐՔԻՑ ԱԶԱՏԵԼՈՒ ԱՐՏՈՆՈՒԹՅՈՒՆԻՑ ՕԳՏՎԵԼՈՒ ՀԱՄԱՐ «ՍՈԼԵՅ» ՍԱՀՄԱՆԱՓԱԿ ՊԱՏԱՍԽԱՆԱՏՎՈՒԹՅԱՄԲ ԸՆԿԵՐՈՒԹՅԱՆ ԿՈՂՄԻՑ ՆԵՐԿԱՅԱՑՎԱԾ ՀԱՅՏԸ ԲԱՎԱՐԱՐԵԼՈՒ ԵՎ «ՍՈԼԵՅ» ՍԱՀՄԱՆԱՓԱԿ ՊԱՏԱՍԽԱՆԱՏՎՈՒԹՅԱՄԲ ԸՆԿԵՐՈՒԹՅԱՆ, «ԱԿԲԱ ԼԻԶԻՆԳ» ՎԿ ՓԱԿ ԲԱԺՆԵՏԻՐԱԿԱՆ ԸՆԿԵՐՈՒԹՅԱՆ ՆԿԱՏՄԱՄԲ ԱՐՏՈՆՈՒԹՅՈՒՆԸ ԿԻՐԱՌԵԼՈՒ ՄԱՍԻՆ
Ղեկավարվելով Հայաստանի Հանրապետության կառավարության 2015 թվականի սեպտեմբերի 17-ի N 1118-Ն որոշման (այսուհետ՝ որոշում) պահանջներով` Հայաստանի Հանրապետության կառավարությունը որոշում է.
1. Բավարարել «ՍՈԼԵՅ» սահմանափակ պատասխանատվությամբ ընկերության կողմից ներկայացված հայտը գերակա ոլորտում իրականացվող ներդրումային ծրագրի շրջանակներում ներմուծվող տեխնոլոգիական սարքավորումների, դրանց բաղկացուցիչ ու համալրող մասերի, հումքի և (կամ) նյութերի նկատմամբ սակագնային, մասնավորապես, ներմուծման մաքսատուրքից ազատելու արտոնությունից օգտվելու համար և սահմանված կարգով կիրառել համապատասխան արտոնությունը` համաձայն հավելվածի ներմուծվող տեխնոլոգիական սարքավորումների, դրանց բաղկացուցիչ ու համալրող մասերի, հումքի և (կամ) նյութերի նկատմամբ:
2. Սույն որոշման առաջին կետով սահմանված ծրագրի շրջանակներում ներմուծվող և հավելվածով սահմանված ցանկում ներկայացված լիզինգով ձեռք բերվող ապրանքների (ցանկի 1-5-րդ կետերի) ներմուծման ժամանակ մաքսատուրքից ազատման արտոնություն տրամադրվում է 2025 թվականի նոյեմբերի 20-ի N 2511 489 լիզինգի գլխավոր պայմանագրով սահմանված «ԱԿԲԱ ԼԻԶԻՆԳ» ՎԿ փակ բաժնետիրական ընկերությանը (այսուհետ՝ լիզինգատու կազմակերպություն)՝ պայմանով, որ ապրանքները ներմուծելուց հետո դրանք հանձնվելու են «ՍՈԼԵՅ» սահմանափակ պատասխանատվությամբ ընկերությանը ներդրումային ծրագրի իրականացման համար։
3. Ներդրումային ծրագրի իրականացման ընթացքում լիզինգի պայմանագիրը լուծվելու դեպքում լիզինգատու կազմակերպությունը ներմուծված ապրանքները կարող է օտարել այլ անձանց՝ արտոնությամբ տրամադրված մաքսատուրքերը վճարելուց հետո:
4. Սահմանել, որ՝
1) ներդրումային ծրագրի շրջանակներում ներմուծված ապրանքների, այդ թվում՝ լիզինգատու կազմակերպության կողմից «ՍՈԼԵՅ» սահմանափակ պատասխանատվությամբ ընկերությանը հանձնված ապրանքների նկատմամբ կիրառվում են Եվրասիական տնտեսական միության մաքսային օրենսգրքի և որոշմամբ սահմանված սահմանափակումները․
2) սույն որոշման հավելվածում նշված են ներմուծվող տեխնոլոգիական սարքավորումների, դրանց բաղկացուցիչ ու համալրող մասերի, հումքի և (կամ) նյութերի նախնական արժեքները․
3) ներդրումային ծրագրի շրջանակներում տեխնոլոգիական սարքավորումների, դրանց բաղկացուցիչ ու համալրող մասերի, հումքի և (կամ) նյութերի ներմուծումն իրականացվելու է 2026 թվականի հունվարի 30-ից մինչև 2027 թվականի հունվարի 29-ը ներառյալ․
4) ներդրումային ծրագրի իրականացման ժամկետ է սահմանվում սույն որոշումն ուժի մեջ մտնելուց հետո 1 տարի։
|
Հայաստանի Հանրապետության |
Ն. Փաշինյան |
|
Երևան |
|
03.04.2026 ՀԱՎԱՍՏՎԱԾ Է ԷԼԵԿՏՐՈՆԱՅԻՆ ՍՏՈՐԱԳՐՈՒԹՅԱՄԲ |
|
Հավելված ՀՀ կառավարության 2026 թվականի ապրիլի 2-ի N 442-Ա որոշման |
Ց Ա Ն Կ
ԳԵՐԱԿԱ ՈԼՈՐՏՈՒՄ ԻՐԱԿԱՆԱՑՎՈՂ ՆԵՐԴՐՈՒՄԱՅԻՆ ԾՐԱԳՐԻ ՇՐՋԱՆԱԿՆԵՐՈՒՄ ՆԵՐՄՈՒԾՎՈՂ ՏԵԽՆՈԼՈԳԻԱԿԱՆ ՍԱՐՔԱՎՈՐՈՒՄՆԵՐԻ, ԴՐԱՆՑ ԲԱՂԿԱՑՈՒՑԻՉ ՈՒ ՀԱՄԱԼՐՈՂ ՄԱՍԵՐԻ, ՀՈՒՄՔԻ ԵՎ (ԿԱՄ) ՆՅՈՒԹԵՐԻ
|
NN ը/կ |
ԱՏԳ ԱԱ-ի ծածկագիրը |
Անվանումը |
Տեխնիկական բնութագիրը |
Չափի միավորը |
Քանակը |
Ծագման երկիրը |
Արտա-հանման երկիրը |
Արժեքը (դրամ) |
Այլ տեղեկու- թյուններ |
| ՏԵԽՆՈԼՈԳԻԱԿԱՆ ՍԱՐՔԱՎՈՐՈՒՄՆԵՐ, ԴՐԱՆՑ ԲԱՂԿԱՑՈՒՑԻՉ ՈՒ ՀԱՄԱԼՐՈՂ ՄԱՍԵՐ | |||||||||
|
1. |
7308909809 |
Մետաղական կոնստրուկցիաների ամբողջական հավաքածու |
Մետաղական կոնստրուկցիա պատրաստված թիթեղային գլանվածքի սև մետաղից (պողպատից), ցինկապատ, իր հավաքման դետալներով (պրոֆիլներ, հենակներ, ամրակներ) (նախատեսված արևային վահանակների ամրացման և տեղադրման համար, չհավաքված) |
կգ |
225 000 |
Չինաս-տան |
Չինաս-տան |
160 000 000 |
Լիզինգի գլխավոր պայմանագիր N2511489 |
|
2. |
8544499108 |
Մեկուսացված զրահապատ մալուխ ալյումինե հաղորդալարերով |
Մեկուսացված էլեկտրական զրահապատ ուժային ալյումինե մալուխ, եռաջիղ 3x240մմ2 (նախատեսված 80Վ-ից մինչև 1000Վ սարքավորումների համար, 0․51 մմ-ից ավելի տրամագիծ ունեցող հաղորդալարերով, ծայրակալներով չհամալրված, ոչ կոաքսիալ, ոչ էմալապատ) |
կգ |
20 000 |
Չինաս-տան |
Չինաս-տան |
24 000 000 |
Լիզինգի գլխավոր պայմանագիր N2511489 |
|
3․ |
8544601000 |
Մեկուսացված մալուխ պղնձե հաղորդալարով |
Մեկուսացված էլեկտրական ուժային պղնձե մալուխ 1x6 մմ2 հատույթով պղնձե հաղորդալարով, 1500 Վ (ծայրակալներով չհամալրված, նախատեսված 1000 Վ-ից ավելի լարման համար, ոչ կոաքսիալ, ոչ էմալապատ) |
կգ |
7 000 |
Չինաս-տան |
Չինաս-տան |
18 000 000 |
Լիզինգի գլխավոր պայմանագիր N2511489 |
|
4․ |
8544499108 |
Մեկուսացված մալուխ ալյումինե հաղորդալարով |
Մեկուսացված էլեկտրական ուժային ալյումինե մալուխ ՝ միաջիղ 1x120մմ2 (նախատեսված 80Վ-ից մինչև 1000Վ սարքավորումների համար, 0․51 մմ-ից ավելի տրամագիծ ունեցող հաղորդալարերով, ծայրակալներով չհամալրված, ոչ կոաքսիալ, ոչ էմալապատ) |
կգ |
300 |
Չինաս-տան |
Չինաս-տան |
350 000 |
Լիզինգի գլխավոր պայմանագիր N2511489 |
|
5․ |
8504229000 |
Կոմպակտ ենթակայան |
Կոմպակտ տրանսֆոր-մատորային ենթակայան (ԿՏԵ/STS)՝ հեղուկ դիէլեկտրիկով (յուղային) ուժային տրանսֆորմատոր, արևային կայանների համար (Huawei STS Jupiter 9000K-H1)։ Անվանական հզորությունը՝ 9000 կՎԱ (650 կՎԱ-ից ավելի, բայց 10,000 կՎԱ-ից ոչ ավելի)։ Նախատեսված է էլեկտրական լարման կերպափոխման համար։ Տեղադրված է պաշտպանիչ կոնտեյների մեջ՝ համալրված կառավարման և բաշխման օժանդակ սարքավորումներով |
հատ |
1 |
Չինաս-տան |
Չինաս-տան |
86 000 000 |
Լիզինգի գլխավոր պայմանագիր N2511489 |
|
Ընդամենը |
288 350 000 |
||||||||
|
Հայաստանի Հանրապետության վարչապետի աշխատակազմի ղեկավար |
Ա. Հարությունյան |
|
06.04.2026 ՀԱՎԱՍՏՎԱԾ Է ԷԼԵԿՏՐՈՆԱՅԻՆ ՍՏՈՐԱԳՐՈՒԹՅԱՄԲ |
