ՀՀ ԳԵՐԱԳՈՒՅՆ ԽՈՐՀՐԴԻ ՆԱԽԱԳԱՀՈՒԹՅԱՆ ՈՐՈՇՈՒՄԸ ՏԵՂԱԿԱՆ ԽՈՐՀՈՒՐԴՆԵՐԻ ՊԱՏԳԱՄԱՎՈՐՆԵՐԻ ԱՆՁԵՌՆՄԽԵԼԻՈՒԹՅԱՆ ՊԱՀԱՆՋԻ ԽԱԽՏՄԱՆ ԴԵՊՔԵՐԻ ՄԱՍԻՆ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԳԵՐԱԳՈՒՅՆ ԽՈՐՀՐԴԻ ՆԱԽԱԳԱՀՈՒԹՅԱՆ

Ո Ր Ո Շ ՈՒ Մ Ը

ՏԵՂԱԿԱՆ ԽՈՐՀՈՒՐԴՆԵՐԻ ՊԱՏԳԱՄԱՎՈՐՆԵՐԻ ԱՆՁԵՌՆՄԽԵԼԻՈՒԹՅԱՆ ՊԱՀԱՆՋԻ ԽԱԽՏՄԱՆ ԴԵՊՔԵՐԻ ՄԱՍԻՆ

Հայաստանի Հանրապետության Գերագույն խորհրդի նախագահությունը քննարկելով Հայաստանի Հանրապետության գլխավոր դատախազի միջնորդագրերը տեղական խորհուրդների պատգամավորների քրեական պատասխանատվության կանչելու համաձայնություն տալու մասին` նշում է, որ երբեմն տեղական խորհուրդների պատգամավորների ազատությունը սահմանափակող միջոցների կիրառումը իրականացվում է առանց համապատասխան խորհուրդների կամ նրանց նախագահությունների համաձայնության:

Ելնելով վերը շարադրվածից Հայաստանի Հանրապետության Գերագույն խորհրդի նախագահությունը որոշում է.

1. Հայաստանի Հանրապետության գլխավոր դատախազին` ուժեղացնել հսկողությունը հետաքննության և նախաքննության կատարման ընթացքում օրինականության պահպանման նկատմամբ և երկամսյա ժամկետում Հայաստանի Հանրապետության Գերագույն խորհրդի նախագահությանը հաղորդում ներկայացնել բացահայտված իրավախախտումների և ձեռնարկված միջոցառումների մասին:

2. Հայաստանի Հանրապետության ներքին գործերի նախարարությանը` հետաքննության և նախաքննության ընթացքում խստիվ ղեկավարվել պատգամավորների կարգավիճակի մասին գործող օրենսդրության պահանջներով:

Հայաստանի Հանրապետության Գերագույն խորհրդի նախագահ`	Բ. ԱՐԱՐՔՑՅԱՆ
1 սեպտեմբերի 1994 թվականի, քաղ. Երևան Հ. Նխ-671-I.