16 հուլիսի 2010 թվականի

թիվ 328

քաղ. Մոսկվա

ՔԱՂԱՔԱՑԻԱԿԱՆ ՈՒՂԵՎՈՐԱՏԱՐ ՕԴԱՆԱՎԵՐ ՆԵՐՄՈՒԾԵԼՈՒ ԴԵՊՔՈՒՄ ՍԱԿԱԳՆԱՅԻՆ ԱՐՏՈՆՈՒԹՅՈՒՆՆԵՐԻ, ՄԱՔՍԱՏՈՒՐՔԵՐԻՑ, ՀԱՐԿԵՐԻՑ ԼՐԻՎ ԱԶԱՏՄԱՆ, ԻՆՉՊԵՍ ՆԱԵՎ ԺԱՄԱՆԱԿԱՎՈՐ ՆԵՐՄՈՒԾՄԱՆ ԺԱՄԿԵՏՆԵՐԻ ԵՐԿԱՐԱՁԳՄԱՆ ՈՒ ԱՌԱՆՁԻՆ ՄԱՔՍԱՅԻՆ ԸՆԹԱՑԱԿԱՐԳԵՐԻ ԿԻՐԱՌՄԱՆ ՄԱՍԻՆ

(Մաքսային միության հանձնաժողովի 2010 թվականի սեպտեմբերի 20-ի թիվ 411, 2011 թվականի հունվարի 28-ի թիվ 541, 2011 թվականի մարտի 2-ի թիվ 592 որոշումների, Եվրասիական տնտեսական հանձնաժողովի կոլեգիայի 2012 թվականի մայիսի 24-ի թիվ 50 որոշման խմբագրությամբ)

Մաքսային միության հանձնաժողովը որոշեց.

1. Մաքսային միության հանձնաժողովի 2009 թվականի նոյեմբերի 27-ի «Բելառուսի Հանրապետության, Ղազախստանի Հանրապետության և Ռուսաստանի Դաշնության մաքսային միության միասնական մաքսասակագնային կարգավորման մասին» թիվ 130 որոշման 7.1. կետը լրացնել հետևյալ խմբագրությամբ 7.1.13, 7.1.14 և 7.1.15 ենթակետերով.

«7.1.13. Քաղաքացիական ուղևորատար օդանավերը (մաքսային միության արտաքին տնտեսական գործունեության ապրանքային անվանացանկի ծածկագիր՝ 8802 40 002 2), որոնք ներմուծվում են Բելառուսի Հանրապետություն և Ղազախստանի Հանրապետություն մինչև 2014 թվականի հուլիսի 1-ը՝ տվյալ ապրանքի ներմուծումն իրականացնող պետության տարածքով և (կամ) Մաքսային միության անդամ պետությունների տարածքների միջև՝ միջազգային փոխադրումների և (կամ) ներքին փոխադրումների համար դրանք օգտագործելու նպատակով:

7.1.14. Քաղաքացիական ուղևորատար օդանավերը (մաքսային միության արտաքին տնտեսական գործունեության ապրանքային անվանացանկի ծածկագիր՝ 8802 40 002 2), որոնք ներմուծվում են Բելառուսի Հանրապետություն և Ղազախստանի Հանրապետություն՝ սույն որոշման 7.1.13. կետում նշված արտոնության կիրառմամբ, և որոնք դրանց շահագործման ժամկետի ընթացքում ներմուծվում են Բելառուսի Հանրապետություն և Ղազախստանի Հանրապետություն՝ Մաքսային միության մաքսային տարածքի սահմաններից դուրս դրանց վերանորոգումից կամ տեխնիկական սպասարկումից հետո:

7.1.15. Օտարերկրյա արտադրության քաղաքացիական ուղևորատար ինքնաթիռների վերանորոգման և տեխնիկական սպասարկման համար անհրաժեշտ ավիացիոն շարժիչները, պահեստամասերը և սարքավորումները։

2. Մաքսատուրքերի, հարկերի վճարումից լրիվ պայմանական ազատմամբ ժամանակավոր ներմուծվող ապրանքների ցանկում ներառել հետևյալ բովանդակությամբ կետ

«Քաղաքացիական ուղևորատար ինքնաթիռներ, որոնք դասակարգվում են Մաքսային միության արտաքին տնտեսական գործունեության միասնական ապրանքային անվանացանկի 8802 40 003 2 և 8802 40 004 2 ծածկագրերով՝ բացառությամբ օդանավերի թռիչքային պիտանելիությունը պահպանելու համար պատասխանատու լիազորված մարմնի կողմից հավանության արժանացած՝ ուղևորների տեղավորման սխեմայում (LOPA) նշված՝ 50-ից ավելի ու 111-ից պակաս և 170-ից ավելի ու 219-ից պակաս առավելագույն քանակությամբ ուղևորատեղերով օդանավերի, Մաքսային միության անդամ պետությունների արտաքին տնտեսական գործունեության մասնակիցների կողմից պայմանագրերի կնքման և մինչև 2013 թվականի դեկտեմբերի 31-ը և նշված ամսաթիվը 5 տարուց ոչ ավելի գերազանցող ժամկետով ինքնաթիռների` «ժամանակավոր ներմուծում (թույլտվություն)» մաքսային ընթացակարգով ձևակերպման դեպքում»։

3. Մաքսային միության Մաքսային օրենսգրքի 280-րդ հոդվածին համապատասխան՝ սահմանել ժամանակավոր ներմուծման վերջնաժամկետները.

ա) սույն որոշման 2-րդ կետում նշված ապրանքների նկատմամբ, մաքսային միության անդամ պետությունների արտաքին տնտեսական գործունեության մասնակիցների պայմանագրերով սահմանված ամբողջ ժամանակահատվածի համար, որը, սակայն, չի գերազանցում 2018 թվականի դեկտեմբերի 31-ը, իսկ պայմանագրի ժամկետի՝ նշված ժամկետը գերազանցելու դեպքում, ապրանքների ժամանակավոր ներմուծման վերջնաժամկետը կարող է ավելացվել մինչև 34 ամիս, ընդ որում, այդ ապրանքների նկատմամբ 2018 թվականի դեկտեմբերի 31-ից հետո կիրառվում է մաքսատուրքերի վճարումից մասնակի պայմանական ազատում

բ) սույն որոշման 2-րդ կետում չնշված քաղաքացիական ուղևորատար ինքնաթիռների նկատմամբ՝ ժամկետը մինչև 34 ամիս՝ մաքսատուրքերի, հարկերի վճարումից մասնակի պայմանական ազատմամբ։

4. Մաքսային միության Մաքսային օրենսգրքի 284-րդ հոդվածի 3-րդ կետի երկրորդ մասին համապատասխան՝ սահմանել, որ Մաքսային միության Մաքսային օրենսգրքի 284-րդ հոդվածի 3-րդ կետի առաջին մասում նշված տոկոսները չեն վճարվում սույն որոշման 2-րդ և 3-րդ կետերում նշված ապրանքների նկատմամբ։

5. Սահմանել, որ Մաքսային միության Մաքսային օրենսգրքի 281-րդ հոդվածի 2-րդ կետին համապատասխան՝ քաղաքացիական ուղևորատար ինքնաթիռների և դրանց տեխնիկական սպասարկման և վերանորոգման համար անհրաժեշտ ապրանքների նկատմամբ «ժամանակավոր ներմուծում (թույլտվություն)» մաքսային ընթացակարգի գործողությունը կարող է կասեցվել՝ նշված ապրանքները «մաքսային տարածքում վերամշակում» ընթացակարգով կամ հատուկ մաքսային ընթացակարգով ձևակերպելու դեպքում։

6. Թույլ տալ քաղաքացիական ուղևորատար օդանավերի (Մաքսային միության արտաքին տնտեսական գործունեության միասնական ապրանքային անվանացանկի ծածկագրերը՝ 8802 40 003 2 և 8802 40 004 2) օդանավերի շարժիչների, պահեստամասերի և քաղաքացիական ավիացիայի համար սարքավորումների՝ Մաքսային միության մաքսային տարածքից դուրս հատուկ մաքսային ընթացակարգով ձևակերպումը՝ դրանց հիմնանորոգման և (կամ) տեխնիկական սպասարկման, այդ թվում՝ նորոգման և (կամ) արդիականացման նպատակով Մաքսային միության մաքսային տարածքից արտահանելու դեպքում՝ Մաքսային միության մաքսային օրենսդրությամբ սահմանված կարգով մինչև 6 ամիս ժամկետում դրանք հետադարձ ներմուծելու պայմանով։

7. 2013 թվականի հուլիսի 1-ից ոչ ուշ քննարկել սույն որոշման 1-ին, 2-րդ և 3-րդ կետերում նշված ժամկետները երկարաձգելու նպատակահարմարության մասին հարցը։

Մաքսային միության հանձնաժողովի անդամներ՝

Բելառուսի Հանրապետությունից՝	Ղազախստանի Հանրապետությունից`	Ռուսաստանի Դաշնությունից`
Ա. Կոբյակով	Ու. Շուկեև	Ի. Շուվալով

Պաշտոնական հրապարակման օրը՝ 31 մարտի 2026 թվական: