ՄԱՔՍԱՅԻՆ ՄԻՈՒԹՅԱՆ ՀԱՆՁՆԱԺՈՂՈՎԻ ՈՐՈՇՈՒՄԸ ՄԱՔՍԱՅԻՆ ՄԻՈՒԹՅԱՆ ՏԵԽՆԻԿԱԿԱՆ ԿԱՆՈՆԱԿԱՐԳԵՐՆ ԸՆԴՈՒՆԵԼՈՒ ՄԱՍԻՆ ՄԱՔՍԱՅԻՆ ՄԻՈՒԹՅԱՆ ՀԱՆՁՆԱԺՈՂՈՎԻ ԱՌԱՆՁԻՆ ՈՐՈՇՈՒՄՆԵՐՈՒՄ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ

ՄԱՔՍԱՅԻՆ ՄԻՈՒԹՅԱՆ ՀԱՆՁՆԱԺՈՂՈՎ

Ո Ր Ո Շ ՈՒ Մ

9 դեկտեմբերի 2011 թվականի

թիվ 884

քաղ. Մոսկվա

2010 թվականի նոյեմբերի 18-ի «Բելառուսի Հանրապետությունում, Ղազախստանի Հանրապետությունում և Ռուսաստանի Դաշնությունում տեխնիկական կանոնակարգման միասնական սկզբունքների և կանոնների մասին» համաձայնագրի 13-րդ հոդվածին համապատասխան՝ Մաքսային միության հանձնաժողովը (այսուհետ՝ Հանձնաժողով) որոշեց.

1. Մաքսային միության հանձնաժողովի 2011 թվականի օգոստոսի 16-ի ««Ցածրավոլտ սարքավորումների անվտանգության մասին» Մաքսային միության տեխնիկական կանոնակարգն ընդունելու վերաբերյալ» թիվ 768 որոշման մեջ կատարել հետևյալ փոփոխությունները.

1.1. 3-րդ կետի 3.1 ենթակետում «2012 թվականի հուլիսի 1-ից» բառերը փոխարինել «2013 թվականի փետրվարի 15-ից» բառերով,

3-րդ կետի 3.2 և 3.3 ենթակետերում «2014 թվականի օգոստոսի 15-ը» բառերը փոխարինել «2015 թվականի մարտի 15-ը» բառերով:

1.2. Լրացնել հետևյալ բովանդակությամբ 6-րդ կետով.

«6. Կողմերին՝

6.1. մինչև Տեխնիկական կանոնակարգն ուժի մեջ մտնելու օրը՝ սահմանել Տեխնիկական կանոնակարգի պահանջները պահպանելու նպատակով պետական հսկողություն (վերահսկողություն) իրականացնելու համար պատասխանատու պետական հսկողության (վերահսկողության) մարմիններին, և այդ մասին տեղեկացնել Հանձնաժողովին.

6.2. Տեխնիկական կանոնակարգն ուժի մեջ մտնելու օրվանից ապահովել Տեխնիկական կանոնակարգի պահանջները պահպանելու նկատմամբ պետական հսկողության (վերահսկողության) իրականացումը՝ հաշվի առնելով սույն որոշման 3.2-3.4 ենթակետերը»։

1.3. «Ցածրավոլտ սարքավորումների անվտանգության մասին» Մաքսային միության տեխնիկական կանոնակարգի (ՄՄ ՏԿ 004/2011) 7-րդ հոդվածի 6.2 ենթակետի հինգերորդ պարբերությունը հանել որպես տեխնիկական սխալ:

2. Հանձնաժողովի 2011 թվականի հոկտեմբերի 18-ի ««Վերելակների անվտանգության մասին» Մաքսային միության տեխնիկական կանոնակարգն ընդունելու վերաբերյալ» թիվ 824 որոշման մեջ կատարել հետևյալ փոփոխությունները.

3-րդ կետի 3.1 ենթակետում «2013 թվականի ապրիլի 18-ից» բառերը փոխարինել «2013 թվականի փետրվարի 15-ից» բառերով,

3-րդ կետի 3.2 և 3.3 ենթակետերում «2015 թվականի հունվարի 1-ը» բառերը փոխարինել «2015 թվականի մարտի 15-ը» բառերով:

3. Սույն որոշումն ուժի մեջ է մտնում դրա պաշտոնական հրապարակման օրվանից։

Մաքսային միության հանձնաժողովի անդամներ՝

Բելառուսի Հանրապետությունից	Ղազախստանի Հանրապետությունից	Ռուսաստանի Դաշնությունից
Ս. Ռումաս	Ու. Շուկեև	Ի. Շուվալով