ՀՀ ԿԱՌԱՎԱՐՈՒԹՅԱՆ ՈՐՈՇՈՒՄԸ ՆԵՐՄՈՒԾՎՈՂ ԱՊՐԱՆՔՆԵՐԻ ԱԿՑԻԶԱՅԻՆ ՀԱՐԿԻ ԴՐՈՒՅՔԱՉԱՓԵՐԻ ՄԱՍԻՆ

Ո Ր Ո Շ ՈՒ Մ

19 հոկտեմբերի 1992 թ. N 519

Քաղ. Երևան

ՆԵՐՄՈՒԾՎՈՂ ԱՊՐԱՆՔՆԵՐԻ ԱԿՑԻԶԱՅԻՆ ՀԱՐԿԻ ԴՐՈՒՅՔԱՉԱՓԵՐԻ ՄԱՍԻՆ

Համաձայն «Ակցիզային հարկի մասին» Հայաստանի Հանրապետության օրենքի և հաշվի առնելով Հայաստանի Հանրապետության Գերագույն խորհրդի ֆինանսավարկային և բյուջետային հարցերի մշտական հանձնաժողովի համաձայնությունը, Հայաստանի Հանրապետության կառավարությունը որոշում է.

1. Սահմանել ներմուծվող ապրանքների ակցիզային հարկի հետևյալ դրույքաչափերը`

Ապրանքի անվանումը	Դրույքաչափը տոկոսներով ներմուծման արժեքի նկատմամբ
1	2
Գինի-օղու արտադրանք (սննդային սպիրտ, օղի, լիկյոր-օղու արտադրանք, խաղողի գինիներ, կոնյակ, շամպայն-գինիներ, ոգելից թուրմ)	10
Շոկոլադ	0
Ծխախոտի արտադրանք	10
Մարդատար ավտոմեքենաների անվադողեր	5
Ոսկերչական իրեր	0
Մորթի և մորթեղեն	10
Բարձրորակ ճենապակյա և բյուրեղապակյա իրեր	10
Գորգեր և գորգագործական արտադրանք	5
Բնական կաշվից հագուստ	10

2. Հայաստանի Հանրապետության մաքսային վարչությանը, Հայաստանի Հանրապետության Ֆինանսների նախարարությանը, Հայաստանի Հանրապետության հարկային պետական տեսչությանը` անհրաժեշտության դեպքում ստացված տեղեկատվության վերլուծության հիման վրա Հայաստանի Հանրապետության կառավարություն ներկայացնել առաջարկություններ ներմուծվող ապրանքների ակցիզային հարկի դրույքաչափերի վերանայման վերաբերյալ:

(2-րդ կետը խմբ. 01.07.94 N 285)

Հայաստանի Հանրապետության վարչապետ

Խ. ՀԱՐՈՒԹՅՈՒՆՅԱՆ

Հայաստանի Հանրապետության կառավարության գործերի կառավարչի պաշտոնակատար

Հ. ՔՈԹԱՆՅԱՆ