ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԳԵՐԱԳՈՒՅՆ ԽՈՐՀՐԴԻ ՆԱԽԱԳԱՀՈՒԹՅԱՆ

Ո Ր Ո Շ ՈՒ Մ Ը

Քննարկելով Հայաստանի Հանրապետության Գերագույն խորհրդի իրավական հարցերի մշտական հանձնաժողովի միջնորդությունը՝ Երևանի պետական համալսարանի իրավաբանական ֆակուլտետի քրեական իրավունքի ամբիոնի դասախոս Նորիկ Մաղաքյանի կազմած և նույն ֆակուլտետի գիտական խորհրդի կողմից հավանության արժանացած Հայաստանի Հանրապետության քրեական օրենսգրքի նախագծի վերաբերյալ Հայաստանի Հանրապետության Գերագույն խորհրդի նախագահությունը, ղեկավարվելով «Հայաստանի Հանրապետության Գերագույն խորհրդի մասին» օրենքի 15 հոդվածի 4-րդ կետով, որոշում է.

1. Հայաստանի Հանրապետության քրեական օրենսգրքի նախագիծը դնել ժողովրդական քննարկման՝ հրապարակման ձևի ընտրությունը թողնելով «Հայաստանի Հանրապետութիւն» պաշտոնաթերթի խմբագրությանը։

2. Առաջարկել «Հայաստանի Հանրապետութիւն», «Ռեսպուբլիկա Արմենիա» պաշտոնաթերթերի խմբագրություններին և Հայաստանի Հանրապետության հեռուստատեսության և ռադիոհաղորդումների պետական վարչությանը պարբերաբար լուսաբանել օրենսգրքի նախագծի քննարկումը։

3. Քննարկման ընթացքում ստացված դիտողություններն ու առաջարկությունները ուղարկել Հայաստանի Հանրապետության Գերագույն խորհրդի իրավական հարցերի մշտական հանձնաժողովի մասնագիտական հանձնախմբին։