ԵՐԵՎԱՆԻ ՔԱՂԱՔԱՊԵՏ
|
N 1259-Ա |
«05» մարտի 2026 թ. |
Ո Ր Ո Շ ՈՒ Մ
ԵՐԵՎԱՆ ՔԱՂԱՔԻ ՄԱԼԱԹԻԱ-ՍԵԲԱՍՏԻԱ ՎԱՐՉԱԿԱՆ ՇՐՋԱՆԻ ԱՆԴՐԱՆԻԿԻ ՓՈՂՈՑԻ Հ 103 ՇԵՆՔԻ ՀԱՐԵՎԱՆՈՒԹՅԱՄԲ ԳՏՆՎՈՂ 151.20ՔՄ ՄԱԿԵՐԵՍՈՎ ՀՈՂԱՄԱՍԸ ՍԵՓԱԿԱՆՈՒԹՅԱՆ ԻՐԱՎՈՒՆՔՈՎ ՁԵՌՔ ԲԵՐԵԼՈՒ ՆԱԽԱՊԱՏՎՈՒԹՅԱՆ ԻՐԱՎՈՒՆՔ ՏՐԱՄԱԴՐԵԼՈՒ ԵՎ ՈՒՂՂԱԿԻ ՎԱՃԱՌՔԻ ՄԻՋՈՑՈՎ ՕՏԱՐԵԼՈՒ ՄԱՍԻՆ
Վարչական ակտի ընդունման համար հիմք է հանդիսացել ՀՀ վարչական դատարանի 2025 թվականի մայիսի 25-ի ՎԴ/7376/05/21 օրինական ուժի մեջ մտած վճիռը, համաձայն որի՝ Երևան քաղաքի Մալաթիա-Սեբաստիա վարչական շրջանի Անդրանիկի փողոցի հ.103 շենքին՝ փողոցի կողմից անմիջապես հարող 151.20քմ մակերեսով հողամասի նկատմամբ ճանաչվել է Հունան Ռաֆիկի Հարությունյանի ձեռքբերման վաղեմության իրավունքը և պարտավորեցվել Երևանի քաղաքապետարանին այն ուղղակի վաճառքի միջոցով օտարելու իրեն:
Հիմք ընդունելով ՀՀ վարչական դատարանի 2025 թվականի մայիսի 25-ի ՎԴ/7376/05/21 օրինական ուժի մեջ մտած վճիռը.
1. Երևան քաղաքի Մալաթիա-Սեբաստիա վարչական շրջանի Անդրանիկի փողոցի հ.103 շենքին՝ փողոցի կողմից անմիջապես հարող 151.20քմ մակերեսով հողամասի նկատմամբ ճանաչել Հունան Ռաֆիկի Հարությունյանի ձեռքբերման վաղեմության իրավունքը և այն ուղղակի վաճառքի միջոցով օտարել (վաճառել) Հունան Ռաֆիկի Հարությունյանին որոշման ընդունման պահին գործող տարածագնահատման 6-րդ գոտու շուկայական արժեքին մոտարկված կադաստրային արժեքով, որը կազմում է 5 789 448 /հինգ միլիոն յոթ հարյուր ութսունինը հազար չորս հարյուր քառասունութ/ ՀՀ դրամ և փոխանցել Երևանի քաղաքապետարանի 900015211320 հաշվեհամարին (հողի օտարումից եկամուտներ):
2. Հողամասի սահմանները որոշվում են սահմանված կարգով հաստատված հատակագծով։
3. Լիազորել Երևանի քաղաքապետարանի աշխատակազմի անշարժ գույքի կառավարման վարչության պետին` Երևան համայնքի անվամբ իրավունքի պետական գրանցում կատարելու և Հունան Ռաֆիկի Հարությունյանի կողմից Երևանի քաղաքապետարան առուվաճառքի պայմանագիր կնքելու վերաբերյալ դիմումի ու հողամասի շուկայական արժեքին մոտարկված կադաստրային արժեքի վճարումը հավաստող փաստաթղթեր ներկայացվելուց հետո՝ Երևանի քաղաքապետի անունից, կնքել հողամասի առուվաճառքի պայմանագիր:
4. Սահմանել, որ սույն որոշման ընդունման պահից հողամասի շուկայական արժեքին մոտարկված կադաստրային արժեքը հողամասը ձեռք բերողի կողմից 15-օրյա ժամկետում չվճարվելու դեպքում՝ որոշման 1-ին կետը համարվում է ուժը կորցրած:
5. Ընդունել ի գիտություն, որ առուվաճառքի պայմանագիրը ենթակա է նոտարական վավերացման, իսկ պայմանագրից ծագող իրավունքը՝ պետական գրանցման կադաստրի կոմիտեում:
6. Սույն որոշումը կարող է վարչական կարգով բողոքարկվել Երևանի քաղաքապետին կամ դատական կարգով Հայաստանի Հանրապետության վարչական դատարան՝ դրա ուժի մեջ մտնելու օրվանից երկամսյա ժամկետում։
7. Սույն որոշման կատարման կազմակերպումն ու պատասխանատվությունը դնել Երևանի քաղաքապետարանի աշխատակազմի ճարտարապետության և քաղաքաշինության, անշարժ գույքի կառավարման վարչությունների պետերի վրա։
8. Որոշման կատարման ընթացքի նկատմամբ հսկողությունն ապահովում է Երևանի քաղաքապետարանի աշխատակազմի քարտուղարը:
| Տ. Ավինյան |