ՀՀ ԳԵՐԱԳՈՒՅՆ ԽՈՐՀՐԴԻ ՆԱԽԱԳԱՀՈՒԹՅԱՆ ՈՐՈՇՈՒՄԸ ՄԱՍՆԱԿԻ ԱՆՀԱՏՈՒՅՑ ՍԵՓԱԿԱՆԱՇՆՈՐՀՄԱՆ ՎԵՐԱԲԵՐՅԱԼ ՈՐՈՇՈՒՄՆԵՐԻ ՓԱԹԵԹԻ ՆԱԽԱՊԱՏՐԱՍՏՄԱՆ ՄԱՍԻՆ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԳԵՐԱԳՈՒՅՆ ԽՈՐՀՐԴԻ ՆԱԽԱԳԱՀՈՒԹՅԱՆ

Ո Ր Ո Շ ՈՒ Մ Ը

Հայաստանի Հանրապետության Գերագույն խորհրդի նախագահությունը որոշում է.

Առաջարկել տնտեսական ինքնուրույնության և տնտեսության զարգացման հարցերի մշտական հանձնաժողովին` Հայաստանի Հանրապետության Գերագույն խորհրդի քննարկմանը ներկայացնել մասնակի անհատույց սեփականաշնորհման վերաբերյալ որոշումների փաթեթը, հաշվի առնելով, որ`

- սեփականաշնորհման սերտիֆիկատները ենթակա չեն վաճառման մինչև 1995 թվականի հունիսի 1-ը.

- պետական ձեռնարկությունների մասնակի անհատույց սեփականաշնորհումն իրականացնում է Հայաստանի Հանրապետության սեփականաշնորհման և ապապետականացման պետական հանձնաժողովը:

Հայաստանի Հանրապետության Գերագույն խորհրդի նախագահ`	Բ. ԱՐԱՐՔՑՅԱՆ
11 մարտի 1994 թվականի, քաղ. Երևան Հ. Նխ-624-I.