ՀՀ ԳԵՐԱԳՈՒՅՆ ԽՈՐՀՐԴԻ ՆԱԽԱԳԱՀՈՒԹՅԱՆ ՈՐՈՇՈՒՄԸ ՊԵՏԱԿԱՆ ՁԵՌՆԱՐԿՈՒԹՅՈՒՆՆԵՐԻ ՀԻՄԱՆ ՎՐԱ ՎԵՐԱԿԱԶՄԱՎՈՐՎՈՂ ԲԱՑ ԲԱԺՆԵՏԻՐԱԿԱՆ ԸՆԿԵՐՈՒԹՅՈՒՆՆԵՐԻ ԿԱՆՈՆԱԴՐՈՒԹՅԱՆ ՆԱԽԱՊԱՏՐԱՍՏՄԱՆ ԵՎ ՀՀ ԿԱՌԱՎԱՐՈՒԹՅԱՆ ՆԱԽԱՁԵՌՆՈՒԹՅԱՄԲ ՍԵՓԱԿԱՆԱՇՆՈՐՀՎՈՂ ՕԲՅԵԿՏՆԵՐԻ ՃՇԳՐՏՎԱԾ ՑԱՆԿԻ ՄԱՍԻՆ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԳԵՐԱԳՈՒՅՆ ԽՈՐՀՐԴԻ ՆԱԽԱԳԱՀՈՒԹՅԱՆ

Ո Ր Ո Շ ՈՒ Մ Ը

Հայաստանի Հանրապետության Գերագույն խորհրդի նախագահությունը որոշում է.

1. Առաջարկել Հայաստանի Հանրապետության կառավարությանը երեքշաբաթյա ժամկետում Հայաստանի Հանրապետության Գերագույն խորհրդի նախագահություն ներկայացնել պետական ձեռնարկությունների հիման վրա վերակազմավորվող բաց բաժնետիրական ընկերությունների կանոնադրությունը:

2. Առաջարկել Հայաստանի Հանրապետության սեփականաշնորհման և ապապետականացման պետական հանձնաժողովին մեկշաբաթյա ժամկետում ներկայացնել Հայաստանի Հանրապետության պետական ձեռնարկությունների և անավարտ շինարարության օբյեկտների սեփականաշնորհման և ապապետականացման 1994 թվականի ծրագրով նախատեսված Հայաստանի Հանրապետության կառավարության նախաձեռնությամբ սեփականաշնորհվող ձեռնարկությունների ճշգրտված ցանկը:

Հայաստանի Հանրապետության Գերագույն խորհրդի նախագահ`	Բ. ԱՐԱՐՔՑՅԱՆ
11 մարտի 1994 թվականի, քաղ. Երևան Հ. Նխ-623-I.