ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԳԵՐԱԳՈՒՅՆ ԽՈՐՀՐԴԻ
Ո Ր Ո Շ ՈՒ Մ Ը
1994 ԹՎԱԿԱՆԻ ԳԱՐՆԱՆ ԳՅՈՒՂԱՏՆՏԵՍԱԿԱՆ ԱՇԽԱՏԱՆՔՆԵՐԻ ՆԱԽԱՊԱՏՐԱՍՏՄԱՆ ՄԱՍԻՆ
Ելնելով հանրապետության գյուղացիական և գյուղացիական կոլեկտիվ տնտեսությունները ստեղծված ծանր վիճակից հանելու, նրանց պահանջմունքները բավարարելու, 1994 թվականի բերքի ապահովման անհրաժեշտությունից, Հայաստանի Հանրապետության Գերագույն խորհուրդը ՈՐՈՇՈՒՄ է.
Առաջարկել Հայաստանի Հանրապետության կառավարությանը.
1. Մինչև 1994 թվականի մարտի 1-ը քննարկել գարնան գյուղատնտեսական աշխատանքների նախապատրաստման միջոցառումների մասին հարցը:
2. Մեկամսյա ժամկետում մշակել գյուղացիական և գյուղացիական կոլեկտիվ տնտեսությունները դիզելային վառելիքով, սերմերով, պարարտանյութերով և թունաքիմիկատներով ապահովելու (այդ թվում նաև` ապառիկ վաճառքով) և բերքի հանդիպակաց վաճառքի միջոցով գումարը մարելու մեխանիզմները:
3. Գյուղատնտեսությունը ոռոգման ջրով ապահովելու նպատակով մեկշաբաթյա ժամկետում սկսել և մինչև ապրիլի վերջը (իսկ Արարատյան հարթավայրում և նախալեռնային գոտում` մինչև ապրիլի 15-ը) ավարտել հիմնական ջրատարների նորոգումը:
4. 1994 թվականի ապրիլի 30-ին Հայաստանի Հանրապետության Գերագույն խորհուրդ ներկայացնել հաղորդում գարնան գյուղատնտեսական աշխատանքների ընթացքի մասին:
|
Հայաստանի Հանրապետության ԳԵՐԱԳՈՒՅՆ ԽՈՐՀՐԴԻ Նախագահ` |
բ. արարքցյան |
|
|
| Փոփոխող ակտ | Համապատասխան ինկորպորացիան |
|---|
| Փոփոխող ակտ | Համապատասխան ինկորպորացիան |
|---|