|
N 850-Ա |
«16» փետրվարի 2026 թ. |
Ո Ր Ո Շ ՈՒ Մ
ԵՐԵՎԱՆԻ ՔԱՂԱՔԱՊԵՏԻ 2023 ԹՎԱԿԱՆԻ ՕԳՈՍՏՈՍԻ 24-Ի Հ.2820-Ա ՈՐՈՇՄԱՆ ՄԵՋ ՓՈՓՈԽՈՒԹՅՈՒՆ ԵՎ ԼՐԱՑՈՒՄ ԿԱՏԱՐԵԼՈՒ ՄԱՍԻՆ
Ղեկավարվելով «Նորմատիվ իրավական ակտերի մասին» օրենքի 33-րդ և 34-րդ հոդվածներով, Երևանի քաղաքապետարանի աշխատակազմի ճարտարապետության և քաղաքաշինության վարչության 30.10.2026 թվականի եզրակացությունը և քաղաքացու դիմումը.
1. Երևանի քաղաքապետի 2023 թվականի օգոստոսի 24-ի «Երևան, Մալաթիա-Սեբաստիա, Հաղթանակ 6-րդ փողոցի հ.49 հասցեի բնակելի տանը կից հողամասի և շենք-շինությունների նկատմամբ Հակոբ Ցոլակի Մկրտչյանի իրավունքները վերականգնելու, 262.67քմ մակերեսով հողամասն ուղղակի վաճառքի միջոցով օտարելու մասին» հ.2820-Ա որոշման /այսուհետ՝ Որոշում/ մեջ կատարել հետևյալ փոփոխությունն ու լրացումը.
1) Որոշումը լրացնել նոր՝ 1.1 կետով, հետևյալ բովանդակությամբ.
«1.1 Հիմք ընդունելով Երևան քաղաքի ավագանու 10.09.2024 թվականի հ.204-Ն որոշումով հաստատված Երևան քաղաքի գլխավոր հատակագիծը՝ «ք.Երևան, Հաղթանակ 6-րդ փողոցի հ.49 հասցեի հողամասի գործառնական նշանակությունը սահմանել բնակելի կառուցապատման:».
2) Որոշման 3-րդ կետում՝ «աշխատակազմի ճարտարապետության և քաղաքաշինության վարչության պետի ժամանակավոր պաշտոնակատար Հ.Մուրադյանին» բառերը փոխարինել «աշխատակազմի ճարտարապետության և քաղաքաշինության վարչության պետին» բառերով:
2. Սույն որոշումը կարող է վարչական կարգով բողոքարկվել Երևանի քաղաքապետին՝ կամ դատական կարգով՝ Հայաստանի Հանրապետության վարչական դատարան՝ դրա ուժի մեջ մտնելու օրվանից երկամսյա ժամկետում։
| Տ. Ավինյան |