ՀՀ ՕՐԵՆՔԸ «ՊԵՏԱԿԱՆ ՏՈՒՐՔԻ ՄԱՍԻՆ» ՕՐԵՆՔՈՒՄ ԼՐԱՑՈՒՄ ԵՎ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

Ընդունված է 2026 թվականի հունվարի 20-ին

«ՊԵՏԱԿԱՆ ՏՈՒՐՔԻ ՄԱՍԻՆ» ՕՐԵՆՔՈՒՄ ԼՐԱՑՈՒՄ ԵՎ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ

Հոդված 1. «Պետական տուրքի մասին» 1997 թվականի դեկտեմբերի 27-ի ՀՕ-186 օրենքի (այսուհետ՝ Օրենք) 19.9-րդ հոդվածի 1-ին մասում`

1) 3-րդ կետը «հայտարարագրվող» բառից հետո լրացնել «(բացառությամբ ժամանման վայրի մաքսային մարմնից մինչև ներքին մաքսային մարմին տեղափոխելու նպատակով հայտարարագրման դեպքի)» բառերով, իսկ նույն կետի «4-րդ, 14-րդ և 15-րդ կետերի» բառերը փոխարինել «14-րդ և 15-րդ կետերի» բառերով.

2) 4-րդ կետն ուժը կորցրած ճանաչել.

3) 5-րդ կետը շարադրել հետևյալ խմբագրությամբ․

«5) մեկ ապրանքային հայտարարագրով հայտարարագրվող ապրանքների բացթողմանն ուղղված մաքսային գործառնությունների իրականացման համար, բացառությամբ սույն մասի 14-րդ և 15-րդ կետերի՝

ա. մինչև 3 տոննա ներառյալ բրուտտո քաշով ապրանքների համար	բազային տուրքի  յոթնապատիկի չափով
բ. 3-ից ավելի մինչև 10 տոննա ներառյալ բրուտտո քաշով ապրանքների համար	բազային տուրքի  13-ապատիկի չափով
գ. 10-ից ավելի մինչև 25 տոննա ներառյալ բրուտտո քաշով ապրանքների համար	բազային տուրքի  18-ապատիկի չափով
դ. 25-ից ավելի մինչև 60 տոննա ներառյալ բրուտտո քաշով ապրանքների համար	բազային տուրքի 24-ապատիկի չափով
ե. 60 տոննայից ավելի բրուտտո քաշով ապրանքների համար	բազային տուրքի  35-ապատիկի չափով»։

Հոդված 2․ Օրենքի 32-րդ հոդվածի տասնմեկերորդ պարբերության 2-րդ կետում «և 4-րդ կետերով» բառերը փոխարինել «կետով» բառով:

Հոդված 3. Սույն օրենքն ուժի մեջ է մտնում պաշտոնական հրապարակման օրը ներառող ամսվան հաջորդող յոթերորդ ամսվա մեկից:

Հանրապետության նախագահ	Վ. Խաչատուրյան
2026 թ. փետրվարի 6 Երևան ՀՕ-8-Ն

Պաշտոնական հրապարակման օրը՝ 9 փետրվարի 2026 թվական: