ՀՀ ՕՐԵՆՔԸ ՀՀ ՈՐՈՇ ՕՐԵՆՍԴՐԱԿԱՆ ԱԿՏԵՐ ՄԱՍՆԱԿԻՈՐԵՆ ՈՒԺԸ ԿՈՐՑՐԱԾ ՃԱՆԱՉԵԼՈՒ ՄԱՍԻՆ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

Օ Ր Ե Ն Ք Ը

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՈՐՈՇ ՕՐԵՆՍԴՐԱԿԱՆ ԱԿՏԵՐ ՄԱՍՆԱԿԻՈՐԵՆ ՈՒԺԸ ԿՈՐՑՐԱԾ ՃԱՆԱՉԵԼՈՒ ՄԱՍԻՆ

«Գույքահարկի մասին» Հայաստանի Հանրապետության օրենքի ընդունման կապակցությամբ Հայաստանի Հանրապետության Ազգային ժողովը որոշում է.

I. Ուժը կորցրած ճանաչել`

1. «Հայաստանի Հանրապետության պատգամավորների շրջանային խորհրդի մասին» Հայաստանի Հանրապետության օրենքի 14 հոդվածի 11-րդ կետը` շրջանի տերիտորիայում փոխադրամիջոցների տերերից գանձումներ չկատարելու իրավունքին վերաբերող մասով:

2. «Հայաստանի Հանրապետության պատգամավորների քաղաքային, քաղաքի շրջանային խորհրդի մասին» Հայաստանի Հանրապետության օրենքի 15 հոդվածի 9-րդ կետը` քաղաքի տերիտորիայում փոխադրամիջոցների տերերից տուրք չգանձելու իրավունքին վերաբերող մասով:

II. Սույն օրենքը կիրարկել հրապարակման պահից:

Հայաստանի Հանրապետության Նախագահ`	Լ. Տեր-Պետրոսյան
25 նոյեմբերի 1995 թվականի, քաղ. Երևան Ն-064-I.-ՀՕ-17